އަޅުގަނޑުމެންނަށް މިހާރުވެސް އެނގޭ ގޮތުގައި ނަތިންގްގެ ޑެބިއު ސްމާޓްފޯން ސީރީސްގެ ފޯން ތަކުގެ ފަހަތުގައި ލައިޓް ސްޓްރިޕްތަކެއް ހުރެއެވެ. އެކަމަކު އަސްލު އެ ލައިޓްތަކުގެ ހަގީގީ ބޭނުމަކީ ކޮބައިކަމެއް ގިނަމީހުންނަކަށް ނޭންގެއެވެ.
މާކިސް ބްރައުންލީގެ ވީޑިއޯއަކުން އެ ލައިޓްތަކުގެ ހަގީގީ ބޭނުން ވަރަށް ރީތިކޮށް އެބަ ކިޔައިދެއެވެ. ބްރައުންލީގެ ވީޑިއޯގައި އެ ލައިޓްތަކާއި ބެހޭގޮތުން ވާހަކަ ދައްކާފައިވާއިރު، އޭގެ ތެރޭގައި އެލްއީޑީތައް ޗާޖިން އިންޑިކޭޓަރެއްގެ ގޮތުގައި މަސައްކަތް ކުރުމާއި، އަންރީޑް ނޮޓިފިކޭޝަންތައް ހައިލައިޓް ކުރުމާއި، ރިންގްޓޯންތަކާއެކު ވަގުތުން ދިއްލުން ހިމެނެއެވެ.
ނަތިންގް އިން "ގްލައިފް އިންޓަފޭސް" ގެ ގޮތުގައި ބްރޭންޑް ކުރަމުންދާ މި ސްޓްރިޕްތަކުގައި ހިމެނެނީ ފޯނުގެ ފަހަތުގައި 900 އަށް ވުރެ ގިނަ އިންޑިވިޖުއަލް އެލްއީޑީ ޖަހާފައިވާ ސްޓްރިޕްތަކެކެވެ. ކްލާސިކް ސްމާޓްފޯން ނޮޓިފިކޭޝަން އެލްއީޑީގެ ޒަމާނީ ޓޭކެއްގެ ގޮތުގައި އެމީހުންނަށް ހިދުމަތް ކުރެވިދާނެ ކަމަށް ސީއީއޯ ކާލް ޕެއީ ކުރިން ދަ ވަރޖްއަށް ދިން އިންޓަވިއުއެއްގައި އިޝާރާތް ނުކުރި ނަމަވެސް މިހާރު އަޅުގަނޑުމެންނަށް މިއޮތީ ހަގީގަތުގައި މިކަން އަމަލީ ގޮތުން މަސައްކަތް ކުރާނެ ގޮތުގެ ވަރަށް ރަނގަޅު ޚިޔާލެކެވެ.
ތިރީގައި މިވަނީ ބްރައުންލީގެ ވީޑިއޯއިން ފާހަގަކޮށްލެވޭ ފީޗާތަކެއްގެ ލިސްޓެކެވެ.
• ހުރިހާ ސްޓްރިޕްތަކެއް އަލިވެގެން ނޮޓިފިކޭޝަންތައް ދައްކާލައެވެ.
• ސެންޓްރަލް ސަރކަލް އަލިވެގެން ދާނީ ވައިލެސް ނުވަތަ ރިވަރސް ވައިލެސް ޗާޖިންގ ކުރާކަން އަންގައިދިނުމަށެވެ.
• ތިރީގައި ހުންނަ ލައިޓް ސްޓްރިޕް އިން ޗާޖިން ޕްރޮގްރެސް ބާރެއްގެ ގޮތުގައި މަސައްކަތް ކުރެވިދާނެ އެވެ.
• ހުރިހާ ސްޓްރިޕްތަކެއް ވެސް ކެމެރާއަށް ފިލް ލައިޓެއްގެ ގޮތުގައި ބޭނުން ކުރުމަށް އަލިކޮށްލެވޭނެ އެވެ.
• ފޯނުގެ އިން-ބިލްޓް 10 ރިންގްޓޯން އާއި އެކު ހުރިހާ ސްޓްރިޕްތަކެއް ވެސް ވަގުތުން ފްލެޝް ކުރެވޭނެ އެވެ.
• ޚުދު ގްލައިފްތަކުގެ އިތުރުން ވީޑިއޯ ޕްލޭވަމުންދާއިރު ދިއްލާ ރަތްކުލައިގެ އެލްއީޑީއެއް ވެސް ހުރެ އެވެ.
މާކެޓިން ބްލިޓްސްގެ ތެރެއިން ޖުލައި 12 ވަނަ ދުވަހު ރަސްމީކޮށް ލޯންޗް ކުރުމުގެ ކުރިން ފޯން 1 ދައްކާލަން ދެކޮޅު ހަދާފައެއް ނުވެ އެވެ. މިދިޔަ ހަފްތާގައި ފޯނުގެ ފަހަތުގެ ޑިޒައިން ދައްކާލިއިރު، މިހާރު ވަނީ އެންޑްރޮއިޑް އަށް ބިނާކޮށް އުފައްދާފައިވާ ލޯންޗާ "ނަތިންގް އޯއެސް"ގެ ބީޓާ ޕްރިވިއުއެއް ވެސް އާންމުކޮށްފަ އެވެ.
މި ފޯނަކީ ސްނެޕްޑްރެގަން ޕްރޮސެސަރެއް ބޭނުންކުރާފޯނެކެވެ. އެހެން ސްޕެކްސްތަކެއް އަދި އިއުލާން ނުކުރި ނަމަވެސް ޖުލައި 12 ވަނަ ދުވަހު ލޯންޗުކުރުމާ ގާތްވަމުންދާ ވަރަކަށް އެކަން ބަދަލުވާނެ ކަމަށް އުންމީދު ކުރެވެއެވެ.
ޑިވެލޮޕާރ
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.