އެންޑްރޮއިޑް ބޭނުންކުރާ މީހުންނަށް މެކާފީގެ އިންޒާރެއް !

އަޙްމަދު ދާއޫދު 01 ނޮވެމްބަރު 2022
ކޮމަންވޮއިސްގެ އެހީގައި މިލިޔުން ކިޔާލާ

އެންޑްރޮއިޑް ބޭނުންކުރާ 20 މިލިއަން މީހުންނަށް މެކާފީ އިން ކުއްލި އިންޒާރެއް ދީފި އެވެ.

މެކާފީ އިން މިއިންޒާރު ދީފައިވަނީ އެންޑްރޮއިޑް ޑިވައިސްތައް ބޭނުންކުރާ ފަރާތްތަކަށް ޚާއްޞަކޮށް އޮސްޓްރޭލިއާ މީހުންނަށް އެމީހުންގެ ފޯނުގައި ގޯސް އެޕްތަކެއް ފޮރުވިފައި ހުރެދާނެ ކަމަށްބުނެއެވެ.

މި އެޕްތަކުގެ ސަބަބުން ފޯނުގެ ބެޓެރީގެ ލައިފް ކުޑަވެ، ހާޑްވެއާ ޕާފޯމަންސް ލަސްވެދާނެ ކަމަށް ދާދި ފަހުން މެކާފީގެ ބްލޮގް ޕޯސްޓެއްގައި ބުނެފައިވެ އެވެ.

އެ ކުންފުނީގެ ސެކިއުރިޓީ ރިސާޗަރުން އިއުލާން ކުރި ގޮތުގައި ސްޓޭންޑަޑް، ބޭނުންތެރި ސޮފްޓްވެއާއެއް ކަމަށް ހަދައިގެން ގޫގުލް ޕްލޭ އަށް ވަދެގެން އައި ނުރައްކާތެރި އާ "ކްލިކަރ" މެލްވޭއާއެއް ވަނީ ދެނެގަނެވިފައެވެ. މި ނުބައި ކޯޑް ފެނިފައިވަނީ ޓާޗްލައިޓް (ޓޯޗް)، ކިއުއާރު ރީޑަރސް، ކެމެރާ، ޔުނިޓް ކޮންވަރޓަރސް، އަދި ޓާސްކް މެނޭޖަރު ފަދަ އެޕްލިކޭޝަންތަކުންނެވެ.

"ކުރިން ގޫގުލް ޕްލޭގައި ހުރި ޖުމްލަ 16 އެޕްލިކޭޝަނެއްގައި 20 މިލިއަން އިންސްޓޯލޭޝަން ހުރި ކަމަށް ލަފާކުރެވޭ ގޮތަށް މެލިޝިއަސް ޕޭލޯޑް ހުރިކަން ކަށަވަރުވެފައިވޭ،" މެކާފީގެ ބަޔާނުގައިވެއެވެ.

މެކާފީގެ ސެކިއުރިޓީ ރިސާޗަރުން ގޫގުލްއަށް މިވާހަކަތައް އަންގާފައިވާއިރު، ފާހަގަކުރެވުނު ހުރިހާ އެޕްތަކެއް ގޫގުލް ޕްލޭއިން މިހާރު ވަނި ނަގާފައެވެ.

މި މެލްވޭއާގެ މައިގަނޑު މަގުސަދަކީ އިޝްތިހާރުތަކަށް ލިބޭ އާމްދަނީ ބޮޑު ކުރުމެވެ، ސަބަބަކީ މި މެލްވޭއާ އިން އިޝްތިހާރުތަކަށް ކްލިކް ކުރާނީ ޔޫޒަރަށް ނޭނގި ކަމަށްވާތީއެވެ.

މެކާފީ އިން ބުނާ ގޮތުގައި މިކަމުގެ ސަބަބުން "މި މެލްވޭއާގެ ފަހަތުގައިވާ ތެރެޓް އެކްޓަރަށް ފައިދާ ލިބޭ ވަގުތުތަކުގައި ޔޫޒަރުންގެ ހޭލުންތެރިކަމެއް ނެތި ނެޓްވޯކް ޓްރެފިކް ބޮޑުވެގެންދާނެ" އެވެ.

ޕްލޭ ސްޓޯރުންނާއި، ގޫގުލް އިން މި އެޕްތައް ނައްތާލާފައިވީ ނަމަވެސް އަދިވެސް ބައެއް ފޯނުތަކުގައި އެޕްތައް އެކްޓިވް ވެދާނެތީ ކުރިން އެއިން އެއްވެސް އެޕްއެއް ޑައުންލޯޑް ކޮށްފައި ވާނަމަ ޑިލީޓް ކުރުމަކީ އެންމެ ރަނގަޅު ގޮތެވެ.

ތިރީގައި އެވަނީ ފާހަގަ ކުރެވުނު އެޕްތަކުގެ ފުރިހަމަ ލިސްޓެކެވެ.

• ބުސަންބަސް (com.kmshack.)

• ފައިސާ ބަދަލުކުރާ އެއްޗެއް (com.smartwho. SmartCurrencyConverter)

• އެޒްޑިކާ (ކޮމް.ޖޮއިސޮފްޓް.އެޒްޑިކާ)(com.joysoft.ezdica)

• އެޒްނޯޓްސް (com.meek.tingboard)

• ޓާޗްލައިޓް+ (com.candlencom.candleprotest)

• ޓާޗްލައިޓް+ (com.dev.imagevault)

• ޓޯޗް+ (kr.caramel.flash_plus)

• ހައި ސްޕީޑް ކެމެރާ (com.hantor. CozyCamera)

• އިންސްޓަގްރާމް ޕްރޮފައިލް ޑައުންލޯޑަރ (com.schedulezero.instapp)

• ޖޮއިކޯޑް (com.joysoft.barcode)

• ކޭ-ޑިކްޝަނަރީ (com.joysoft.wordBook)

• ކުއިކް ނޯޓް (com.movinapp.quicknote)

• ސްމާޓް ޓާސްކް މެނޭޖަރ (com.james. SmartTaskManager)

އަޙްމަދު ދާއޫދު

އަޙްމަދު ދާއޫދު

ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.

ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.

ލޯތްބާއެކު ދިވެހިން އުފައްދާފައިވާ އުފެއްދުމެއް.