ޕްލޭބެކްއިން މި އަހަރުގެ ސްޓޯރީތަކުގެ ހަނދާން އާކޮށްލުން

އިންސްޓާގްރާމް އިން ދަނީ ޕްލޭބެކްއާއި އެކީގައި އިޔަރ-އިން-ރިވިއު ޓްރެންޑަށް ވަންނަމުންނެވެ. މި ޚާއްސަ ސިފަ މެދުވެރިކޮށް ތިމާ 2021 ވަނަ އަހަރުގައި ހިއްސާކޮށްފައިވާ ސްޓޯރީތަކުގެ ހަނދާންތައް އަލުން އާކޮށްލެވޭނެއެވެ. އިންސްޓާގްރާމް، ބޭނުންކުރާ ފަރާތްތަކުން ކުރިން ތައްޔާރުކުރެވިފައިވާ 10 ސްޓޯރީއެއްގެ ޕްލޭބެކްއެއް ހިއްސާކުރާނެއެވެ. ނަމަވެސް ތިމާ ބޭނުންގޮތަކަށް ޕްލޭބެކް ތެރެއިން އަންނަ ސްޓޯރީގެ އާކައިވް ގެ ބޭނުންކޮށްގެން އެއަށް ބަދަލު ގެނެސް، ނުވަތަ އުނިއިތުރުކޮށް ހެދޭނެއެވެ.

ބޭނުންކުރާ ފަރާތްތަކަށް އެ ފަރާތެއްގެ ފީޑްއިން ޕްލޭބެކެއް ތައްޔާރުކުރުމަށް ދައުވަތު ލިބިދޭ މެސެޖެއް ފެންނާނެއެވެ. އަދި އެ ފަރާތަކުން ބޭނުންވާ 2021 ވަނަ އަހަރުގެ ސްޓޯރީއެއް ފެނިއްޖެނަމަ، "2021" ސްޓިކާއަށް ފިއްތާލުމުން ސްޓޯރީ ބަލައިލާ ހިއްސާ ކުރެވޭނެއެވެ.

ޕްލޭބެކްއަކީ މަޝްހޫރު ފީޗާއަކަށް ވުމުގެ ފުރުސަތު ވަރަށް ބޮޑެވެ. ޚާއްސަކޮށް އިންސްޓާގްރާމް ބޭނުންކުރާ ނަން ހިނގާ މީހުންގެ ތެރެއިން އެމީހުންގެ އެންމެ ގަޔާވާ ސްޓޯރީތައް އަލުން ޕްރޮމޯޓް ކުރުމަށް މިއީ ރަނުގެ ފުރުސަތެކެވެ. އެހެންނަމަވެސް ހައިރާންވާން ޖެހޭ ކަމަކީ، ކުރިން އިންސްޓާގްރާމްއިން ބޭނުންކޮށްފައިވާ ސާދާ، ނަމަވެސް މަޝްހޫރު އަހަރު ނިންމުމުގެ ފީޗާއެއް ބޭނުންކޮށްފައި ނުވުމެވެ. މި ދައްކާލަނީ 'ޓޮޕް ނައިން' ފޮޓޯ ގްރިޑްގެ ވާހަކައެވެ.

ތާރޑް-ޕާޓީ އެޕްތަކުން އިންސްޓާގްރާމް ބޭނުންކުރާ ފަރާތްތަކަށް ޓޮޕް ނައިން އަހަރު ނިންމުމުގެ ފޮޓޯ ގްރިޑްގެ ވައްތަރުތައް ވަނީ ހުށައަޅާފައެވެ. އެހެންނަމަވެސް އެކަން ކުރުމަށް އަމިއްލަ މައުލޫމާތާއި އީމެއިލް އެޑްރެސް ފަދަ މައުލޫމާތުތައް އެމީހުން ބޭނުންވެއެވެ. އިންސްޓާގްރާމްއިން ބޭނުންކުރާ ފަރާތްތަކަށް ފޮޓޯ ގްރިޑް ހެދުމަށް ބިލްޓް-އިން ޓޫލްތަކެއް ހަދާފައި ވީ ނަމަވެސް، މިކަމަށް އިޔަރ-އިން-ރިވިއު ވައްތަރެއް ހުށައަޅާފައެއް ނުވެއެވެ. އިންސްޓާގްރާމާއި އެއް ބެލެނިވެރި ކުންފުންޏެއްގެ ދަށުން ހިންގާ ފޭސްބުކްއިންވެސް އޮޓޯމޭޓެޑް ލުކް-ބެކް ވީޑިޔޯ ބަލާލުމުގެ ފުރުސަތު ބޭނުންކުރާ ފަރާތްތަކަށް ލިބިގެން ވެއެވެ.