ދިރާގުން ފޯރުކޮށްދެމުން އަންނަ ފިކްސްޑް ބްރޯޑްބޭންޑް ޚިދުމަތް މިރޭ ކުޑަ ވަގުތުކޮޅަކަށް ކެނޑުން އެކަށީގެންވާ ކަމަށް އެކުންފުނިން ބުނެފިއެވެ.
ދިރާގުން ބުނީ މިރޭ 12 އިން ފެށިގެން މާދަމާ ހެނދުނު 6 އާ ދެމެދުގެ އެ ކުންފުނީގެ ފިކްސްޑް ބްރޯޑްބޭންޑް ނެޓްވޯކް ސިސްޓަމްގެ މެއިންޓެއިނަންސް މަސައްކަތެއް ކުރަން ނިންމާފައިވާކަމަށެވެ. އެހެން ކަމުން މިގަޑީގައި ކަސްޓަމަރުންނަށް ފޯރުކޮށްދެމުން އަންނަ ޚިދުމަތް 5 މިނެޓަށް މެދުކެނޑުން އެކަށީގެންވާ ކަމަށެވެ.
ދިރާގުން ވަނީ މިކަމުގެ ސަބަބުން ކަސްޓަމުރުންނަށް ދިމާވެދާނެ ދަތިތަކަށް މަޢާފަށް އެދޭކަމަށް ބުނެފައެވެ.
ދިރާގު ފައިބަ ބްރޯޑްބޭންޑް ޚިދުމަތަކީ ރާއްޖޭގައި ފޯރުކޮށްދެމުންދާ އެންމެ ގިނަ އެލަވަންސް އަދި އެންމެ މަތީ ސްޕީޑްގެ ޕެކޭޖްތައް ހިމެނޭ ޚިދުމަތެކެވެ. އަދި ހަމަ، ދިރާގު ފައިބަރ ބްރޯޑްބޭންޑް ނެޓްވޯކަކީ ރާއްޖޭގެ އެންމެ ބޮޑު ފައިބަރ ނެޓްވޯކް ވެސް މެއެވެ. އެގޮތުން ރާއްޖޭގެ ގޭބިސީގެ 80 އިންސައްތައަށް މިހާރު މި ޚިދުމަތް ދިރާގުން ވަނީ ފޯރުކޮށްދީފައެވެ.
ޓެކްނޮލޮޖީ ދިރާސާކުރާ ފަރާތެއް، ގްރެފިކް ޑިޒައިނަރެއް
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.