ގޫގަލް މީޓް ޕްރޮގްރެސިވް ވެބް އެޕެއް ގޮތަށް ބަދަލުވެއްޖެ

ގޫގަލް ޗެޓް އެޕްލިކޭޝަން ގޮތައް ގޫގަލް މީޓްވެސް މިހާރު އެޕެއް ގޮތުގައި ކޮމްޕިއުޓާ ސިސްޓަމްގައި ބޭނުންކޮށްލެވޭނެއެވެ.

ގޫގަލްއިން ޕްރޮގްރެސިވް ވެބް އެޕެއް ގޮތުގައި ގޫގަލް މީޓް މިހާރު މިވަނީ ލޯންޗުކޮށްފައެވެ. މި ގެނެސްފައިވާ ބަދަލާއެކީ ކޮންމެ މީހަކަށްވެސް ގޫގަލް މީޓްގެ ވެބް ޕޭޖަށް ވަދެ މި އެޕްލިކޭޝަން ސިސްޓަމަށް އިންސްޓޯލްކޮށްލެވޭނެއެވެ.

މިހާރު ފަސޭހައިން ޑެސްކްޓޮޕްގެ ޓާސްކްބާގައި ޕިންކޮށް ބެހެއްޓޭ ގޮތައް ބަދަލު ގެނެސް ގޫގަލް މީޓް ޕްރޮގްރަސިވް ވެބް އެޕެއް ގޮތުގައި ނެރެފައި މިވަނީ ބޭނުންކުރާ މީހުންނަށް އިތުރަށް ފަސޭހަ ކުރުމުގެ ނިޔަތުގައިކަން ގޫގަލްއިން ފާހަގަކޮށްފައިވެއެވެ.

އެހެން ޕްރޮގްރަސިވް ވެބް އެޕްލިކޭޝަން ފަދައިން މި އެޕްވެސް ބޭނުންކުރެވޭނީ އެންމެ ފަހުގެ ކްރޯމް 73، މެކް.އޯއެސް، ވިންޑޯސް، ލައިނިކްސް އަދި ކްރޯމް އޯއެސްގައެވެ.

މިއަދުން ފެށިގެން މިގޮތައް ގޫގަލް މީޓް އިންސްޓޯލްކޮށްގެން ބޭނުންކުރެވޭނެއެވެ. އަދި ގޫގަލް ޕާސަނަލް، ވޯކްސްޕޭސް ކަސްޓަމަރުންނަށްވެސް މި ފީޗާ ބޭނުންކުރެވޭނެއެވެ.