އިންޑިއާގެ ދިއްލީގެ އިންޑިއަން އިންސްޓިޓިއުޓް އޮފް ޓެކްނޮލޮޖީގައި ކުއަންޓަމް ޓެކްނޮލޮޖީ އާއިބެހޭ ސެންޓަރެއް އުފައްދައިފިއެވެ. އެ އިންސްޓިޓިއުޓުން ހާމަކޮށްފައިވާ ގޮތުގައި މި ސެންޓަރުގެ މަގްސަދަކީ ކުއަންޓަމް ކޮމިއުނިކޭޝަން، ކުއަންޓަމް ސެންސިން އަދި މޫސުމާއިބެހޭ ދިރާސާތަކަށް މިހާރަށްވުރެ ބޮޑަށް ސަމާލުކަން ދިނުމާއި ކުއަންޓަމް ޓެކްނޮލޮޖީ އާއިގުޅޭ ދިރާސާތައް އެއް ފުރާޅެއްގެ ދަށަށް ގެންދިއުމެވެ.
ކުއަންޓަމް ޓެކްނޮލޮޖީއާއި ގުޅޭ ކަންކަން އެއް ފުރާޅެއްގެ ދަށަށް ގެންދިއުމުގެ އިތުރަށް މި ސެންޓަރުގެ ސަބަބުން ދިރާސާކުރާ ފަރާތްތަކަށް ޑިޕާޓްމަންޓް އޮފް ސައިންސް އެންޑް ޓެކްނޮލޮޖީން މިހާރަށްވުރެ ގިނަ ފުރުސަތުތަކެއް ލިބިގެންދާނެކަމަށްވެސް އައިއައިޓީއިން ވަނީ ހާމަކޮށްފައިއެވެ.
ތަފާތު އެކިތަކެތި އުފެއްދުމުގެ އިތުރަށް މި ސެންޓަރު މެދުވެރިކޮށް ކުއަންޓަމް ޕްރޮސެސާއާއި، އަދިވެސް މި ދާއިރާއާއި ގުޅޭ ތަފާތު ދިރާސާތައް ކުރެވިގެންދާނެކަމަށް މި ސެންޓަރުގައި މަސައްކަތްކުރާ ޕްރޮފެސާ ރަޖެންދްރަ ސިންގް ވަނީ ހާމަކޮށްފައިއެވެ.
-thumb.jpg)
މުނިފޫހި ފިލުވުމަށްވެސް ޓެކްނޮލޮޖީ ހަބަރު ވަރަށް ސަޅި
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.