އައި ފޯންގެ ސިއްރު ކޯޑްތައް އިނގޭތަ؟

އައިފޯންގައި ތަފާތު ސިއްރު ޑައިލާރ ކޯޑްތަކެއްވާކަން އިނގޭހެއްޔެވެ؟ މިކޯޑުތަކުން ތަފާތު ކަންތައްތަކުރެވެއެވެ.

އަމިއްލަ ނަންބަރު ގެއްލުވާލައިގެން މިހާރު އައި ފޯންއިން ގުޅެއެވެ. މިކަން ކުރުމަށް ހަދަންޖެހޭނެގޮތަކީ ގުޅާ ނަންބަރުގެ ކުރިއަށް *67 ޖެހުމެވެ. އޭރުން ފޯން އަންނަ ފަރާތަށް ނަންބަރެއް ނުފެންނާނެއެވެ. ފެންނާނީ "ނޯ ކޯލާރ އައިޑީ" މިހެންނެވެ.*67 ޖަހައިން މަސައްކަތް ނުކޮށްފިނަަމަ #31# ޖަހައިންވެސް މަސައްކަތްކުރާނެއެވެ.

ބައެއްފަރާތްތަކުން ނޭނގޭފަރާތްތަކުން ގުޅީމަ ފޯން އަކަށް ޖަވާބެއް ނުދެއެވެ. މިހާލަތުގައި ކޯލާރ އައިޑީ ފޮރުވައިފައި އިންނަނަމަ *82 އިން އައިޑީ ފެންނަގޮތް ހެދޭނެއެވެ.

*33* އަށް ފަހު 4 އަކުރުގެ ޕާސްވޯރޑް އެއް ޖެހުމަށްފަހު # ޖަހައިފިއްޔާ ފޯންއިން ކުރާ އައުޓްގޮއިންކޯލްތަށް ބްލޮކްކޮށްދެއެވެ. މީހެއްގެ އަތަށް ފޯންކަމަކު ދިނުމަށްފަހު އިތުބާރުުކުރުމަކީ އުނދަގޫ ކަމެކެވެ. މިހާލަތުގައި މިއީ ބޭނުންކުރެވިދާނެ ކޯޑްއެކެވެ.

ފޯންގެ ކޯލްގެ ސިގްނަލް ގެ ބާރުގަދަކަންވެސް ކޯޑްއެއް މެދުވެރިކޮށް ބެލިދާނެއެވެ. *#12345#3001* މިކޯޑް ޖަހައިން މިކަން ބަލާލެވެނެއެވެ. އެއަށް ފަހު އެލްޓީއީއަށް ސްކްރޯލް ކުރުމަށްފަހު ސާރވިން ސެލް މީސް އިޚްތިޔާރު ކުރާށެވެ. އާރްއެސްޕީއޯ އާއި އާރްއެސްޕީ 1 ކައިރީގައި އިންނަ ނަންބަރު ސެެލް ޓަވަރާއި ބެކްއަޕް ޓަވަރު ބަލާލެވޭނެއެވެ. ސުމަކާ މިނަންބަރު ކައިރިވިވަރަކަށް ސިގްނަލްގެ ކޮލިޓީ ރަނގަޅުވާނެއެވެ. މިކޯޑް ބޭނުންކުރެވޭނީ ހަމައެކަނި ކުރީގެ ( 5ޖީ ) ނުހުންނަ އައިފޯންގެ މޮޑެލްތަކަށެވެ.

ފޯންގެ އައިއެމްއީ ނަންބަރު ބެލުމަށް *06#* މިކޯޑްްބޭނުންކުރާށެވެ. އޭރުން ޑިވައިސް އިންފޯ ފެނިގެންދާނެއެވެ. އައިއެމްއީ ނަންބަރު އިންނާނީ މިލިސްޓުގެ 2 ވަަނައިގައެވެ. އަދި މީގެ އިތުރުން ކޯލް ވެއިޓިން އެނޭބަލް ކުރުމަށް #43* ބޭނުންކޮށްލެވޭނެއެވެ.

މީގެ ބަޔެއް ކޯޑްތައް ބޭނުން ކުރެވޭނީ ސަރވިސް ޕްރޮވައިޑަރ އެކަމަށް ހުރަސްނާޅާނަމައެވެ.