ގޯޑެޑީގެ ސެކިއުރިޓީޒް އެންޑް އެކްސްޗޭންޖް ކޮމިޝަނަށް ހޯމަ ދުވަހު ނެރުނު ބަޔާނެއްގައި ޗީފް އިންފޮމޭޝަން ސެކިއުރިޓީ އޮފިސަރު ޑިމިޓްރިއަސް ކަމްސް ވިދާޅުވީ، 17 ނޮވެމްބަރ 2021 ގައި ހޯސްޓިންގ ކުންފުނިން އެކުންފުނީގެ 'މެނޭޖްޑް ވޯރޑްޕްރެސް' ހޯސްޓިންގ އެންވަޔަރަންމަންޓަކަށް ތިންވަނަ ފަރާތަކުން ހުއްދަނެތި އެކްސެސް ހޯދާފައިވާ ކަމަށެވެ. ލޯ އެންފޯސްމަންޓް އޮފިޝަލުންގެ އެހީއާއި، އައިޓީ ފޮރެންސިކް ފާމް އަކާއެކު އެހާދިސާ ތަހުޤީގު ކުރުމަށް ފަހު، ގޯޑެޑީ އަށް ފެނުނު ގޮތުގައި، 'މެނޭޖުޑް ވޯޑްޕްރެސް' އަށް އެކުންފުނީގެ ލެގަސީ ކޯޑް ބޭސްގައި ޕްރޮވިޝަނިން ސިސްޓަމަށް އެކްސެސް ވުމަށް ތިންވަނަ ފަރާތަކުން ކޮމްޕްރޮމައިޒްޑް ޕާސްވޯޑެއް ބޭނުން ކޮށްފައިވާ ކަމަށެވެ.
މި ބްރީޗްގެ ސަބަބުން ކަސްޓަމަރުންނަށް ދިމާވި ގިނަ މައްސަލަތަކެއްގެ ސަބަބުން ކުންފުންޏަށް ވަނީ އަވަހަށް ރިއެކްޓް ކުރަން މަޖުބޫރުވެފައެވެ. އެންމެ ފުރަތަމަ، 1.2 މިލިއަން އެކްޓިވް އަދި އިންއެކްޓިވް މެނޭޖަރޑް ވޯރޑްޕްރެސް ކަސްޓަމަރުންގެ އީމެއިލް އެޑްރެސްތަކާއި ކަސްޓަމަރ ނަމްބަރުތައް ވަނީ ހާމަވެފައެވެ. ދެވަނަ ކަމަކަށް، ޕްރޮވިޝަންގެ ވަގުތުގައި ކަނޑައެޅިފައިވާ އަސްލު ވޯޑްޕްރެސް އެޑްމިން ޕާސްވޯޑްތައް އެކްސްޕޯސްވެ، ގޯޑެޑީއަށް ޕާސްވޯޑްތައް ރީސެޓް ކުރަން ޖެހުނެއެވެ.
ތިންވަނަ ކަމަކަށް، އެސްއެފްޓީޕީ (ސެކިއުއަރ ފައިލް ޓްރާންސްފަރ ޕްރޮޓޮކޯލް) އާއި ޑޭޓާބޭސް ޔޫސަރނޭމްސް އަދި ޕާސްވޯޑްތައް ކޮމްޕްރޮމައިޒްވެ، ގޯޑެޑީއަށް އެކަންކަން ރީސެޓް ކުރަން މަޖުބޫރުވިއެވެ. ހަތަރުވަނަ ކަމަކަށް، ވަކި އަދަދެއްގެ އެކްޓިވް ކަސްޓަމަރުންގެ އެސް.އެސް.އެލް ޕްރައިވެޓް ކީ އެކްސްޕޯސްވި ކަމަށެއެވެ. އެ ކުންފުނިން ބުނީ އެ ކަސްޓަމަރުންނަށް މިހާރު އާ އެސްއެސްއެލް ސެޓްފިކެޓްތައް ސެޓް ކުރަމުން އަންނަ ކަމަށެވެ.
ބްރީޗްގެ މަޢުލޫމާތު ލިބުމާއެކު ކަމްސް ބުނީ ތިން ވަނަ ފަރާތަށް ގޯޑެޑީ މިހާރު ބްލޮކް ކޮށްފައިވާ ކަމަށެވެ. ނަމަވެސް ހަމަލާދިން މީހުން ވަނީ ސެޕްޓެމްބަރު މަހުގެ 6 ވަނަ ދުވަހުން ފެށިގެން ކޮމްޕްރޮމައިޒްޑް ޕާސްވޯޑް ބޭނުން ކުރަމުންނެވެ. އެމީހުން ފެނުމުގެ ކުރިން ދެ މަހަށް ވުރެ ގިނަ ދުވަސް ވަންދެން ގޯޑެޑީ އަށް ގެއްލުން ދިނުމުގެ ފުރުސަތު އޮތެވެ.
ގޯޑެޑީ އަކީ 3.3ބީ ޑޮލަރުގެ ކުންފުންޏެކެވެ. ގޯޑެޑީ އިން މެނޭޖުޑް ވޯޑްޕްރެސް ހޯސްޓިންގ ދެނީ އަމިއްލަ ވޯޑްޕްރެސް ބްލޮގްތަކާއި ވެބްސައިޓްތައް އުފައްދައި މެނޭޖްކުރަން ބޭނުންވާ ކަސްޓަމަރުންނަށެވެ. "މެނޭޖްޑް" މާނަ މިކުރަނީ ވޯޑްޕްރެސް އިންސްޓޯލްކޮށް އަޕްޑޭޓްކޮށް، ހޯސްޓްކުރާ ސައިޓްތަކަށް ބެކްއަޕް ކުރުން ފަދަ ހުރިހާ އަސާސީ އިދާރީ މަސައްކަތްތައް ހޭންޑްލް ކުރުމުވެ.
ޓެކްނޮލޮޖީ ދިރާސާކުރާ ފަރާތެއް، ގްރެފިކް ޑިޒައިނަރެއް
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.