ދުނިޔޭގެ އެންމެ ބޮޑު ޕްރީސީޑް އެކްސެލެރޭޓަރ ފައުންޑަރ އިންސްޓިޓިއުޓު ރާއްޖެއަށް

ހުސެއިން އާރިފް 21 މާރިޗު 2022
ކޮމަންވޮއިސްގެ އެހީގައި މިލިޔުން ކިޔާލާ

ދުނިޔޭގެ އެންމެ ބޮޑު ޕްރީ ސީޑް އެކްސެލެރޭޓަރ ގެ ގޮތުގައި ބެލެވޭ ސިލިކަން ވެލީގެ ފައުންޑަރ އިންސްޓިޓިއުޓްގެ ޗެޕްޓަރ ރާއްޖޭގައި ލޯންޗްކޮށްފިއެވެ. 2009 ވަނަ އަހަރުން ފެށިގެން ފައުންޑަރ އިންސްޓިޓިއުޓުގެ ސްޓްރަކްޗަރޑް އެކްސެލެރޭޓަރ ޕްރޮގްރާމްތަކުގެ ސަބަބުން 5000 އަށްވުރެ ގިނަ ވިޔަފާރިވެރިންނަށް ވަނީ 1.5 ބިލިއަނަށްވުރެ ގިނަ ޑޮލަރުގެ ފަންޑިންގ އެއްކުރުމަށް އެހީތެރިވެދީފައެވެ. ސިލިކަން ވެލީގައި އަދި 90 ޤައުމެއްގެ ޗެޕްޓަރުތަކާއެކު، ފައުންޑަރ އިންސްޓިޓިއުޓުގެ މަޤްޞަދަކީ، ދުނިޔޭގެ އެކި ކަންކޮޅުތަކުގައި، ވަރުގަދަ ޓެކްނޮލޮޖީ ކުންފުނިތައް ބިނާކޮށް، ހުނަރުވެރި އަދި ހިތްވަރުގަދަ މީހުން ދިރިއުޅޭ މުޖުތަމަޢުތައް ބާރުވެރިކުރުވުމެވެ. އެއީ ފަށައިގަންނަ ވިޔަފާރިވެރިންނަށް ފަންޑު ހޯދުމުގެ ފުރުސަތު ފަހިކޮށްދީ، ލޯކަލް ސްޓާޓްއަޕް މެންޓަރުންގެ ނެޓްވޯކެއް ބިނާކޮށް، ވަށާޖެހޭ ސްޓާޓްއަޕް ބިލްޑިން މެތަޑޮލޮޖީއެއް ފޯރުކޮށްދީ، ޕްރީ-ސީޑް ވިޔަފާރިވެރިންނަށް އެހީތެރިވެދިނުމެވެ.

ފައުންޑަރ އިންސްޓިޓިއުޓުގެ މަޝްހޫރު 'އެފްއައި ކޯރ' އެކްސެލެރޭޓަރ އިން، އިންވެސްޓަރުންނާއި ދެމެހެއްޓެނިވި ކުރިއެރުމަށް ބޭނުންވާ ލަނޑުދަނޑިތަކާ ހަމައަށް ވާސިލްވުމަށް ޓަކައި ފައުންޑަރުންނަށް އައިޑިއާ އަދި ޕްރީ-ސީޑް ސްޓޭޖްތަކަށް ބާރު އަޅައެެވެ.ސައުތު އޭޝިއާ 2022 ގެ ސްޓާޓްއަޕް އެކްސެލެރޭޓާ ޕްރޮގްރާމްގެ ފުރަތަމަ ސައިކަލް ރާއްޖޭގައި ތިބި އުއްމީދީ ފައުންޑަރުންނަށް މިހާރު ވަނީ ހުޅުވާލައިފަ އެވެ. 3 މަސްދުވަހުގެ އެކްސެލެރޭޓަރ ޕްރޮގްރާމް ފެށޭނީ ޖޫން މަހުގެ ތެރޭގައިއެވެ. މިއީ ސްޓާޓްއަޕް އައިޑިއާއަށް ބޮޑު ފައިނޭންޝަލް ކޮމިޓްމަންޓެއް ދިނުމުގެ ކުރިން ޓެސްޓްކޮށް އަވަސް ހައިޕޮތެސިސް ވެލިޑޭޓް ކުރުމަށް ތައްޔާރަށް ހުރި ކޮންމެ މީހަކަށް ވެސް ރަނގަޅު ފުރުސަތެކެވެ، ނުވަތަ އެމީހެއްގެ ތަސައްވުރު ރަނގަޅު ކުރުމަށާއި، ކީ މެޓްރިކްސް ރަނގަޅު ކުރުމަށާއި، އިންވެސްޓަރުންގެ މަސައްކަތަށް ތައްޔާރުވުމަށް ޓަކައި، ވީކްލީ ގްރޯތް ސްޕްރިންޓްތަކެއް މެދުވެރިކޮށް، ސްޓާޓްއަޕް އިތުރު ހަރުފަތަކަށް ގެންދިޔުމަށް ތައްޔާރަށް ތިބި މީހުންނަށް ރަނގަޅު ފުރުސަތަކަށްވާނެވެ. މި އެކްސެލެރޭޓަރ ޕްރޮގްރާމްގައި ދިވެހިރާއްޖޭގެ 25 އަށްވުރެ ގިނަ ފަންނީ ތަޖުރިބާހުރި މެންޓަރުން އިރުޝާދު ދިނުމަށް ހަރަކާތްތެރިވާނެއެވެ.

އެކްސެލެރޭޓަރ ޕްރޮގްރާމްގައި ބައިވެރިވާން ރަޖިސްޓްރީ ކުރާނެ ލިންކު

އެފް.އައި ކޯރގެ އެކްސެލެރޭޓަރ ނިންމާ މީހުންނަށް، ކުރިއަށް އޮތް އަހަރުތަކުގައި ވެސް ފައުންޑަރ އިންސްޓިޓިއުޓުގެ ކުރިއަރާފައިވާ 'ފައުންޑަރ ލެބް' އެކްސެލެރޭޓަރތަކަށް ހިލޭ އެކްސެސް ލިބި، އަދި އެފް.އައި ވެންޗަރ ނެޓްވަރކްގައި އިންވެސްޓަރުންނާ އެއްގޮތްވާގޮތުގެ މަތިން، ދުނިޔޭގެ ފަންޑުތައް އެއްކޮށްގެން، އެންމެ އަވަހަށް ފައިސާ ހޯދުމުގެ ބުރުތަކުގައި އިންވެސްޓްކުރެވޭނެއެވެ.

ކުރިއަށް އޮތް ދުވަސްތަކުގެ ތެރޭގައި ދެކުނު އޭޝިޔާގައި ގިނަ ހިލޭ ސްޓާޓްއަޕް އިވެންޓުތައް ފައުންޑަރ އިންސްޓިޓިއުޓުން ބޭއްވުމަށް ވަނީ ހަމަޖެހިފައެވެ. އެތަންތަނުގައި އެންމެ މަތީ ފަންތީގެ ވިޔަފާރިވެރިންގެ ކިބައިން އިލްމު އުނގެނުމުގެ ފުރުސަތު ފަހިކުރާނެއެވެ.

މިގޮތުން ދިވެހިރާއްޖެ އަދި ސައުތުއޭޝިއާ ގެ ސްޓާޓްއަޕް އީކޯސިސްޓަމް އާގުޅޭ މުހިން މައުލޫމާތު ހިމެނޭ ސެޝަންއެއް 24 މާރޗްގައި އޮންނާނެއެވެ. މި އިވެންޓުގައި ބައިވެރިވުމުގެ ފުރުސަތު މިހާރު ވަނީ ހުޅުވާލާފައެވެ.

އިވެންޓުގައިރަޖިސްޓްރީވުމަށް މި ލިންކު ބޭނުންކުރައްވާށެވެ. އަދި އިތުރު މައުލޫމާތު ހޯއްދެވުމަށް ފައުންޑަރ އިންސްޓިޓިއުޓު މޯލްޑިވްސްގެ ވެބްސައިޓް އަށް ޒިޔާރަތް ކުރައްވާށެވެ.

ހުސެއިން އާރިފް

ހުސެއިން އާރިފް

ރާއްޖޭގެ ޓެކްނޮލޮޖީ މަޝްރަޙް ޓެކްނޮލޮޖީގެ ދުނިޔޭގައި ފައި ހަމަ ކުރުމަށް ފައިކުރި އޮޅާލައިފިން. ވޭތުވެދިޔަ ތަނުގައި ތަފާތު ނޫސް މަޖައްލާ ގައި ލިޔުން ލިޔެފައިވަނީ ދާއިރާގެ ކުރިމަގަށް ކުރެވޭ ގިނަ އުންމީދު ތަކާއި އެކު.

ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.

ލޯތްބާއެކު ދިވެހިން އުފައްދާފައިވާ އުފެއްދުމެއް.