ޓެސްލާބޮޓްގެ ވާދަވެރިޔަކަށް ޝައުމީގެ ސައިބަރވަން

ޝައުމީ އިން މިހަފްތާގައި ވަނީ ޓެސްލާބޮޓްއާއި ވާދަކުރެވޭނެ ހިއުމަނޮއިޑް ރޮބޮޓެއް ކަމަށްވާ 'ސައިބަރވަން' ތައާރަފްކޮށްފައެވެ. ބަރުދަނުގައި 52 ކިލޯ އަދި 1.77 މީޓަރު އުސްމިނުގައި ހުންނަ މި ރޮބޮޓް ތައާރަފްކުރީ އޮގަސްޓް 11 ގައި ބެއިޖިންގްގައި ބޭއްވި އިވެންޓެއްގައި ޝައުމީގެ ސީއީއޯ ކަމަށްވާ ލެއި ޖުންއެވެ.

I was both nervous and thrilled to interact with him on stage. What did you think of his performance tonight? #CyberOne pic.twitter.com/Je1eXDYEGR

— leijun (@leijun) August 11, 2022

ޝައުމީ އިން ވަނީ އެ ކުންފުނީގެ ޔޫޓިއުބް ޗެނެލްގައި ސައިބަރވަން ދައްކުވައިދޭ ސިނަމެޓިކް ވީޑިއޯއެއް އާންމުކޮށްފައެވެ. ނަމަވެސް މި ވީޑިއޯއިން ބޮސްޓޮން ޑައިނެމިކްސްގެ ސޮމާރސޯލްޓީން އެޓްލަސް ރޮބަޓާއި ހިލާފަށް ސައިބަރވަން އަދި އެހާ އެޖައިލްއެއް ނޫންކަން ހާމަވެއެވެ.

އޭއައި އިންޓަރެކްޝަން އެލްގޮރިތަމް އާއި މީ-ސެންސް ޑެޕްތް ވިޝަން މޮޑިއުލްއެއް ހުންނަ މި ރޮބޮޓަށް 3ޑީ ސްޕޭސްއާއި އިޝާރަތްތަކާއި އެކްސްޕްރެޝަންތައް ދެނެގަނެވެއެވެ. ޝިއާއޯމެއި އިން ބުނެފައިވާ ގޮތުގައި ސައިބަރވަން އިންސާނުންގެ ޖަޒުބާތުތައް ދެނެގަނެ، ހިތާމަވެރި ވަގުތުތަކުގައި މީހާއަށް އެހީ ފޯރުކޮށްދެއެވެ.

ސައިބަރވަން ޓެސްލާއިން މިދިޔަ އަހަރު ތައާރަފްކުރި ޓެސްލާ ބޮޓްއާއި ވަރަށް ވައްތަރެވެ. އިލޯން މަސްކު ބުނެފައިވަގޮތުގައި ޓެސްލާބޮޓްއަކީ މަސައްކަތުގެ މާހައުލުގައި ދިމާވާ 'ނުރައްކާތެރި، ތަކުރާރުކުރާ، ފޫހި މަސައްކަތްތައް ނައްތާލުމަށް" އުފައްދާފައިވާ ރޮބޮޓެކެވެ. މި އަހރުގެ ފަހުކޮޅުގައި ޓެސްލާބޮޓްގެ ޕްރޮޓޯޓައިޕް މާކެޓަށް ނިކުންނާނެކަމަށް ލަފާކުރެވެއެވެ.

ސައިބާރވަންއަށް ޝައުމީ އިން ރާވާފައިވަނީ ކޮންކަމެއްކަން އަދި ނޭނގެއެވެ. އަދި ބުރާސްފަތި ދުވަހު ލެއި ޖުން ކުރި ޓްވީޓަކުން ބުނެފައިވާގޮތުގައި ސައިބަރވަންއަކީ އިންޓެލިޖެންޓް ރޮބޮޓްތަކުގެ ދާއިރާއިން އެކްސްޕްލޯރޭޝަންގެ އާ ދަތުރެއްގެ ފެށުމެވެ.