ފުރަތަމަ ފަހަރަށް ގޭމިން ޕީސީއެއް ގަތުމަށް ބިގިނަރސް ގައިޑް

ޕީސީ ގޭމިންއަކީ އަގުބޮޑު އަދި ކޮމްޕްލިކޭޓެޑް ގޭމެކެވެ. އަދި ޔަގީނުން ވެސް ޕީސީގައި ގޭމް ކުޅުމަކީ ކޮންސޯލްތަކުގައި ކުޅުމާ އަޅާބަލާއިރު ވީޑިއޯ ގޭމް ހޮބީގެ އެންމެ ފުން ހިސާބު ކަމަށް ބެލެވޭ އިރު، ހީކުރި ވަރަށް ވުރެ ބޮޑަށް އޭގެ ތެރެއަށް ވަނުމަކީ ފަސޭހަ ކަމެކެވެ.

ޕީސީ ގޭމިންއަށް ޝައުގުވެރިވާ ނަމަވެސް ފަށަންވީ ތަނެއް ނޭނގޭ ނަމަ، އާންމު ކޮށް ދެކެވޭ ބައެއް ވާހަކަތައް ނައްތާލައި، ޕީސީ ޕާޓްސްގެ ބޭސިކްސް ދަސްކޮށް، އެތައް ހާސް ޑޮލަރެއް ހަރަދު ނުވާނެ ފަދަ މޮޅު އެންޓްރީ ލެވެލްގެ ޕީސީއެއް ހޯދުމުގައި އެހީތެރިވެދެއެވެ.

ހަގީގަތުގައި ގޭމިން ޕީސީއަކަށް ބޭނުންވަނީ ކޮން އެއްޗެއް ހެއްޔެވެ؟

ޕީސީ ގޭމިންއާ ބެހޭ ގޮތުން އެންމެ ގިނައިން ފެތުރެމުންދާ އެއް ވިސްނުމަކީ އަގުބޮޑު ސެޓަޕެއް ބޭނުންވުމެވެ. ޕީސީ ގޭމް ކުޅޭ ގިނަ މީހުން އާ ޕީސީ ޕާޓްސްގެ އަގުތަކާ މެދު ކަންބޮޑުވާ ކަމަށް ބެލެވެއެވެ. ދާދި ފަހުން އިއުލާނުކުރި އެންވީޑިއާ އާރްޓީއެކްސް 4090 ޖީޕީޔޫ އަކީ ލޯންޗްކުރުމަށް ފަހު 1،700 ޑޮލަރެވެ. އެކަމަކު އުފާވެރި ހަބަރަކީ ޕީސީ ގޭމް ކުޅެން ބްލީޑިން އެޖް ޕާޓްސް ބޭނުން ނުވުމެވެ.

4ކޭ އަދި 1440ޕީ ރިޒޮލިއުޝަން، ސުޕަ ހައި ރިފްރެޝް ރޭޓް، ރޭ ޓްރޭސިން އަދި ޑީއެލްއެސްއެސް ފަދަ ހައި ގްރެފިކަލް ސެޓިންތަކަށް ވަރަށް ވަރުގަދަ އަދި ވަރަށް އަގުބޮޑު ހާޑްވެއާ ބޭނުންވާކަން އެއީ ހަގީގަތެކެވެ. އެކަމަކު އެއީ ބޮޑަށް އިޚްތިޔާރީ އެއްޗިއްސެވެ.

ޕީސީ ގޭމިންގެ ހިތްގައިމުކަމުގެ އެއް ބަޔަކީ އޭގެ ފްލެކްސިބިލިޓީ އެވެ. ގޭމްތަކުގައި ގިނަ ފަހަރަށް ގްރެފިކަލް ސެޓިންތައް ހުންނައިރު، އާދައިގެ ހާޑްވެއާއެއްގައި އެ ސެޓިންތައް ރަން ކުރެވޭނެ އެވެ. މިސާލަކަށް ފޯޓްނައިޓްގައި 'ޕޮޓޭޓޯ' ޕީސީގައި ކުޅުމަށް ހާއްސަ ސެޓިންތަކެއް ވެސް ހިމަނާފައިވާއިރު، 'ގިލްޓީ ގިއާ ސްޓްރައިވް' ފަދަ ބައެއް ގޭމް ތަކުގައި އާދައިގެ މެޝިންތަކަށް ޕާފޯމަންސް އިތުރުކޮށްދޭ ފޭންމޭޑް މޯޑްތައް ހުރެއެވެ. ދަށް ގްރެފިކްސް ސެޓިންގްސްގައި އެހާ ރަނގަޅަށް ނުފެނުނު ނަމަވެސް އާންމުގޮތެއްގައި ގޭމް ކުޅެވޭ ވަރަށް ރަން ކުރެވޭނެއެވެ.

ހަމައެގޮތަށް 'މައިންކްރާފްޓް' ނުވަތަ 'ވޯލްޑް އޮފް ވޯކްރާފްޓް' ފަދަ ދުވަސްވީ ގޭމްތަކާއި 'ސްޓާޑިއު ވެލީ' ފަދަ ކުދި ގޭމްތައް ވެސް ވަރުގަދަ ފީސީ ތަކާއި އެއްވަރަށް ރަން ކުރެވެއެވެ. ވާހަކައަކީ ޕީސީ ގޭމްތަކުގެ ބޮޑު ބައެއް ކުޅުމަށް މަތީ ފަންތީގެ ހާޑްވެއާއެއް ބޭނުމެއް ނުވެއެވެ. އަދި މިހާރު އޭގެ އެންމެ މަތީ ސެޓިންގައި މެޗެއް ނުކުޅެވޭތީ އޭގެ މާނައަކީ އަބަދު އެ ޕާފޯމަންސްގައި ތާށިވުމެއް ނޫނެވެ. ކޮމްޕިއުޓަރު ގަންނަ ބާވަތަށް ބަލައި، މުސްތަގުބަލުގައި ވަރަށް ފަސޭހައިން އިތުރު ވަރުގަދަ ބައިތަކަށް އަޕްގްރޭޑް ކުރެވިދާނެއެވެ.

އެކަމަށް ވިސްނައިގެން ފުރަތަމަ ގޭމިން ޕީސީ ގަތުމުގެ ބައެއް އޮޕްޝަންތަކަށް ބަލާލަމާ ހިނގާށެވެ.

ޕްރީބިލްޓް ޕީސީ

ޕްރީބިލްޓް ކޮމްޕިއުޓަރަކީ އަމިއްލައަށް ރިގް ހެދުމުގެ ސްޓްރެސް އާ ނުލައި ދިގު މުއްދަތުގެ ޑެސްކްޓޮޕް ރިގެއް ބޭނުންވާ ޕީސީ ގޭމަރުންނަށް ވަރަށް ރަނގަޅު އޮޕްޝަނެކެވެ. ޕީސީ ގޭމް ކުޅެން އަލަށް ފަށައިގަންނަ މީހަކަށް ފަސޭހައިން ކަންކަން ބަހައްޓަން ކުރަން ބޭނުންނަމަ އަމިއްލަ ޕީސީ އެއް ހެދުމުގެ ބަދަލުގައި މި އޮޕްޝަން ޚިޔާރު ކުރެވިދާނެއެވެ.

ކޮމްޕިއުޓަރެއް ހަދަން ދަސްކުރުމަކީ ޕީސީ ގޭމިންގެ ހިތްހަމަޖެހުމުގެ ތެރޭގައި ހިމެނޭ ކަމެއް ނަމަވެސް އެއީ ބޭނުންވާ ހުނަރެއް ނޫނެވެ. އެހެން ހޮބީތަކެކޭ އެއްގޮތަށް ޕީސީ ގޭމިންއާ މެދު ވެސް ވިސްނާލާށެވެ. އަލަށް ފަށައިގަންނަ ކޮންމެ ކަމެއްގެ ވެސް އަމާޒަކަށް ވާންޖެހޭނީ އެކަމުގެ ތެރެއަށް އެޕްރޯޗް ކުރެވޭނެ މަގެއް ހޯދުން، ދެން މަޑުމަޑުން އިތުރަށް ކޮމްޕްލެކްސް ލެވެލްތައް ދަސްވެނިވުމެވެ. އެހެންކަމުން ހޮބީއަކަށް އަލަށް ފަށާ ނަމަ އަމިއްލަ ޕީސީއެއް ހަދަން ކަންބޮޑުނުވާށެވެ. މިތަނުގައި އޮތް ހަމައެކަނި ޓްރިކަކީ ރަނގަޅު ޑީލެއް ހޯދަން ވަގުތު ނެގުމެވެ.

އެލިއަންވެއާ، އަސުސް، އޮރިޖިން އަދި އެންޒެޑްއެކްސްޓީ ފަދަ މަޝްހޫރު ކުންފުނިތަކަކީ "ގޭމަރ" ޑިޒައިނަކާއެކު ބީފީ ޕީސީއެއް ބޭނުންވާ ފަރާތްތަކަށް ވަރަށް ކަމުދާ ކުންފުނިތަކަކަށް ވާއިރު، އެ ކުންފުނިތަކުގެ އެންމެދަށް މޮޑެލްތަކަކީވެސް ވަރަށް އަގުބޮޑު މޮޑެލްތަކަކަށް ވެދާނެއެވެ. އަނެއްކޮޅުން، އެޗްޕީ ނުވަތަ ޑެލް ފަދަ އުފެއްދުންތެރިންގެ ވަރަށް ގިނަ ޕީސީތަކުގައި ގޭމިން-ރެޑީ ހާޑްވެއާ ހުންނައިރު، އޮފީސް ޕީސީ ތަކާއި ވައްތަރު ގޮތެއް ހުރިޔަސް، ގިނަ ފަހަރަށް އެއަށްވުރެ އަގުހެޔޮކޮށް ލިބެއެވެ. ކޮންފިގްރޭޝަންތައް މާ ވަރުގަދަ ނުވިކަމުގައި ވިޔަސް ގިނަ ކޮންފިގްރޭޝަންތައް ފަހުން ރަނގަޅު ކޮމްޕޯނެންޓްތަކާއެކު އަޕްގްރޭޑް ކުރެވިދާނެ ކަމަށެވެ.

ލެޕްޓޮޕް

ޕްރީ ބިލްޓް ޕީސީ އާއި އެއްގޮތަށް ގޭމިން ލެޕްޓޮޕްގައި ވެސް ގޭމް ކުޅުމަށް ބޭނުންވާ ހުރިހާ ކޮމްޕޯނެންޓްތަކެއް ހުންނާނެއެވެ. އަމިއްލައަށް ޝޮޕިން ކުރުމުގެ ސްޓްރެސް ފިލުވައިދެއެވެ. ނަމަވެސް ގޭމިން ލެޕްޓޮޕަކީ އެންމެ އަގުބޮޑު ޑިވައިސްއަކަށް ވެދާނެ، އެވްރެޖް ވޯކްސްޓޭޝަން ލެޕްޓޮޕާ އަޅާ ބަލާއިރު އޭގެ ސައިޒާއި ބަރުދަން ނުވަތަ ބެޓެރީގެ ލައިފް ދަށްވުމުގެ ސަބަބުން އެހާ "ޕޯޓަބަލް" ޑިވައިސް އަކަށް ނުވެއެވެ.

ގޭމިން ލެޕްޓޮޕަކަށް ލިބޭ ހަމައެކަނި ހަގީގީ ފައިދާއަކީ ޕީސީއާ އަޅާބަލާއިރު އޯލް އިން ވަން ފޯމް ފެކްޓާ އާއި ރިލޭޓިވް ޕޯޓެބިލިޓީއެވެ. އެއީ ވަރުގަދަ މޮޑެލް އަކަށް ފައިސާ ހަރަދުކުރަން ވިސްނާނަމަ ލެޕްޓޮޕަކީ ފުލް ސައިޒްގެ ޑެސްކްޓޮޕްތަކެކޭ އެއްގޮތަށް ގޭމް ކުޅުމަށް އެކަށީގެންވާ އެއްޗެކެވެ.

އެންމެ އާދައިގެ ޕޯޓަބަލް ގޭމިން ސެޓަޕް ހޯދަން މަސައްކަތް ކުރާނަމަ އެކްސްބޮކްސް ގޭމް ޕާސް، އެންވީޑިއާ ޖީފޯސް ނައު ނުވަތަ އެމެޒޯން ލޫނާ ފަދަ ކްލައުޑް ސްޓްރީމިން ހިދުމަތްތައް މެދުވެރިކޮށް ކޮމްޕެކްޓް ލެޕްޓޮޕް ނުވަތަ ކްރޯމްބުކްތަކުގައި ވެސް ގޭމް ކުޅެވޭނެއެވެ.

ތިމާގެ ހާޑްވެއާގައި ލޯކަލްކޮށް ގޭމް ރަންކުރާއިރު ސްޓްރީމިންގައި ހުރި އުނިކަންތައްތައް އެބަހުއްޓެވެ. އެންމެ ފާހަގަކޮށްލެވެނީ، ކަނެކްޝަން ދަށަށް ދާނަމަ، ވޭރިއޭބަލް ވިޝުއަލް އަދި ގޭމްޕްލޭ ކޮލިޓީ އާއި، ކޮންސްޓެންޓް ވައިފައި ނުވަތަ މޮބައިލް ޑޭޓާ ކަނެކްޝަނެއް ބޭނުންވުން، ހާއްސަކޮށް އީތަރނެޓް ނުވަތަ 5ޖީ މޮބައިލް ޑޭޓާ މެދުވެރިކޮށެވެ. ސްޓްރީމިން ސެޓަޕެއް އެންމެ ރަނގަޅީ އަބަދުވެސް ގޭމްކުޅޭ ފަރާތްތަކަށް ވުރެ ދޭތެރެއަކުން ގޭމްކުޅެލާ ކެޝުއަލް ގޭމަރުންނަށެވެ.

ސްޓީމްޑެކް އާއި ހޭންޑްހެލްޑް ޕީސީ

އެންމެ ފަހުން އޯލް އިން ވަން ހޭންޑްހެލްޑް ޕީސީ ގޭމިން ޑިވައިސްތައް އެބަހުއްޓެވެ. އެންމެ މަގުބޫލު އެއްޗަކީ ސްޓީމް ޑެކްއެވެ. މިއީ ނިންޓެންޑޯ ސްވިޗަކާ ވައްތަރު، ފަސޭހައިން ގެންގުޅެވޭ އަދި ދެމެހެއްޓެނިވި ގޮތެއްގައި ބޭނުން ކުރެވޭ ނަމަވެސް، ހަމައެކަނި ޕީސީ ގޭމްތައް ކުޅޭ ހޭންޑްހެލްޑް އެއްޗެކެވެ. އެހެންކަމުން ގޭމަރުންނަށް އެންމެ ކަމުދާ މި ސިސްޓަމަކީ އޭގެ ޕޯޓަބަލް ނޭޗާ، ސްޓްރޯންގް ސްޕެކްސް އަދި ގޭމިން ފޯކަސްޑް ސްޓީމްއޯއެސް އޮޕަރޭޓިން ސިސްޓަމް އެވެ. ހޭންޑްހެލްޑް ގޭމިން ޕީސީއެއް ހޯދާނަމަ މިއީ ރަނގަޅު ޗޮއިސްއެކެވެ.

ނަމަވެސް އޭގައި ބައެއް ނެގަޓިވް ކަންކަން އެބަހުއްޓެވެ. މަސައްކަތާއި ގޭމިން، މީޑިއާ އެޑިޓިން ފަދަ ކަންކަމުގައި ބޭނުން ކުރެވޭނެ ފުލް ޑެސްކްޓޮޕަކާ ހިލާފަށް ސްޓީމް ޑެކަކީ ގޭމިން ފޯކަސްޑް ޑިވައިސްއެކެވެ. ހާޑްވެއާ ފިކްސްޑްކޮށް އަޕްގްރޭޑް ނުކުރެވޭ، ވިންޑޯޒް ވަކިން ރަން ނުކުރެވޭތީ ކޮންމެ ގޭމެއް ނުކުޅެވެއެވެ. އަދި ބެޓެރީގެ ލައިފް ވެސް ދަށެވެ. ވިންޑޯޒް ނުވަތަ ލިނަކްސް ބޭނުންކޮށްގެން ޑިވައިސް ކަސްޓަމައިޒްކޮށް، އެޕްތައް ހިންގުމަށް އެކްސްޓަރނަލް ކީބޯޑާއި މައުސް ބޭނުންކުރި ނަމަވެސް، މިއީ ކޮމްޕްރެހެންސިވް ޕީސީ ރިޕްލޭސްމަންޓަކަށް ހެދުމަށް ހަދާފައިވާ ޑިވައިސްއެއް ނޫނެވެ.

އެހެން ކުންފުނިތަކުގެ ސްޓީމް ޑެކް ފަދަ ހޭންޑްހެލްޑް ޕީސީތައް ވެސް އެބަހުރި، އޭގެ ތެރެއިން ބައެއް ޕީސީތަކަކީ ވަރުގަދަ އަދި ވިންޑޯޒްގެ ފުލް ވާޝަންތައް ރަންކުރާ ނަމަވެސް އަގު ބޮޑު ޕީސީތަކެކެވެ. އަނެއް ވައްތަރަކީ ހަމައެކަނި ލިމިޓެޑް ގޭމް އާއި އެޕް ސަޕޯޓާ ކުރާ އެންޑްރޮއިޑް ޓެބްލެޓްތަކެކެވެ.

ޕީސީ އެއް ގަންނަން އެހީތެރިވެދިނުން

ލެޕްޓޮޕް ނުވަތަ ހޭންޑްހެލްޑް ޕީސީ ގޭމިން ޑިވައިސްއެއްގެ މައްޗަށް ޕްރީ-ބިލްޓް ގޭމިން ޕީސީއެއް ހޯދުމަށް ލަފާދޭއިރު، މި ހުރިހާ ޑިވައިސްއަކުން ވެސް ޕީސީ ގަތުމުގެ މަރުހަލާ ފަސޭހަވެ، އަމިއްލަ އަށް ޕީސީ ހަދަން ބޭނުންވާ ކަންކަމަށް ހުރަސް އެޅެއެވެ. އެހެންނަމަވެސް، ކޮމްޕިއުޓަރު ނުވަތަ ލެޕްޓޮޕް ކޮންފިގްރޭޝަން ކަސްޓަމައިޒް ކުރާއިރު، ދިގު ސްޕެކް ޝީޓްތަކަށް ދިއުން ނުވަތަ ތަފާތު ކޮމްޕޯނެންޓްތަކުގެ ތެރެއިން އެއް ބައި ޚިޔާރުކުރުމަށް އަންގާނެއެވެ. އަޅުގަނޑުމެންގެ ނަޞޭޙަތަކީ، ތިޔަބޭފުޅުންގެ ބަޖެޓްގައި ހިފަހައްޓަން، ހަމައެކަނި ބަޖެޓް ގޭމިން ރިގެއްގެ ފަހަތުން އުޅޭކަމަށްވަންޏާ، ލިބޭނީ ކޮން ބައިތަކެއްތޯ މާބޮޑަށް ކަންބޮޑުނުވާށެވެ.

އެހެންނަމަވެސް، މިއަށްވުރެ ފްލެކްސިބަލް ބަޖެޓަކާއެކު މަސައްކަތް ކުރާ ނަމަ، އަދި ހަމައެކަނި އެންމެ އަގުހެޔޮ އޮޕްޝަނެއް ގަތުން ނޫން ނަމަ، އެ ބައިތަކަކީ ކޮބައިތޯ ބެލުމަށް ޝައުގުވެރިވާ ނަމަ، މިބައިގައި އާންމުކޮށް ގަންނަ ބައެއް ޓިޕްސްތައް ހިމަނާލާނަމެވެ. އަޅުގަނޑުމެން ވަކި ޕާޓް ރެކޮމެންޑޭޝަންތަކަކަށް ނުދާނަން (އަގުތަކާއި ލިބެން ހުންނަ މިންވަރު އަބަދުވެސް ބަދަލުވާތީ) ނަމަވެސް މިއިން ކޮންމެ ބަޔަކީ ކޮބައިކަމާއި، ގޭމިންޕާފޯމަންސަށް އޭގެ އަސަރު ކުރާ ގޮތް ދެނެގަތުމަށް އެހީތެރިވެދޭނަމެވެ.

ސީޕީޔޫ: ސީޕީޔޫ، ނުވަތަ ޕްރޮސެސަރަކީ ކޮމްޕިއުޓަރުގެ "ބްރެއިން" އެވެ. އިންޓެލް އާއި އޭއެމްޑީ އަކީ ސީޕީޔޫ އުފައްދާ މައި ކުންފުނިތަކެވެ. އަމިއްލައަށް ޕީސީ ހަދާނަމަ، އެހެން ބައިތަކާ ކޮންޕެޓިބަލްވާ ގޮތަށް ސީޕީޔޫއެއް ޚިޔާރުކުރަން ޖެހޭނެ، ނަމަވެސް ޕްރީމޭޑް ޕީސީތަކުން އެކަން ހައްލުކޮށް ދޭނެއެވެ. އޭގެ ބަދަލުގައި ވަކި މޮޑެލް ރޭންޖަކުން ސެލެކްޓް ކުރަން ބުނެވިދާނެއެވެ. އާންމު ގޮތެއްގައި 10 ވަނަ ނުވަތަ 11 ވަނަ ޖެނެރޭޝަންގެ އިންޓެލް އައި5 ޕްރޮސެސަރެއް ނުވަތަ އެއަށް ވުރެ މަތީ ޕްރޮސެސަރެއް ނުވަތަ އޭއެމްޑީގެ ރައިޒެން 3، 5، 7 ނުވަތަ 9 ގޭމަށް އެންމެ ރަނގަޅީ، މަތީ ނަމްބަރުގެ މޮޑެލްތަކުން ޕްރޮސެސިން ސްޕީޑާއި މަލްޓިޓަސްކިން ގާބިލްކަން އިތުރު ކޮށްދޭ މޮޑެލްތަކެވެ. ސީ.ޕީ.ޔޫ. އަކީ ކޮމްޕްލިކޭޓެޑް އެއްޗެއް، އެހެންވީމާ، އިތުރު އެހީތެރިކަމެއް ބޭނުންވާނަމަ، ރަނގަޅު ސީ.ޕީ.ޔޫ ހޯދުމުގެ ގައިޑް ހަމަ ޔަޤީނުންވެސް ޗެކްކުރަން ޖެހޭނެއެވެ.

ގްރެފިކްސް ކާޑު (ޖީޕީޔޫ): ޖީޕީޔޫ އަކީ އިން-ގޭމް ގްރެފިކްސް ރެންޑަރ ކޮށްދޭ އެއްޗެކެވެ. އެއީ ތިމާ ގަންނަ އެންމެ އަގުބޮޑު ކޮމްޕޯނެންޓަށް ވުން ގާތެވެ. އެންވީޑިއާ އާއި އޭއެމްޑީ އަކީ ޖީޕީޔޫ އުފައްދާ މައި ދެ ކުންފުންޏެވެ. އެންޓްރީ ލެވެލްގެ އާންމު މޮޑެލްތަކުގެ ތެރޭގައި އެންވީޑިއާގެ ޖީޓީއެކްސް 1660 އަދި އާރްޓީއެކްސް 2000 ލައިން އަދި އޭއެމްޑީގެ ރެޑިއޯން 5000 ސީރީޒް ހިމެނެއެވެ. އެންވީޑިއާގެ އާރްޓީއެކްސް 3000 އަދި 4000 ސީރީޒްގެ އިތުރުން އޭއެމްޑީގެ އާރްއެކްސް 6000 ސީރީޒް އަކީ ވަރުގަދަ، ނަމަވެސް އަގުބޮޑު (އަދި ހޯދަން އުނދަގޫ ވެދާނެ) ސީރީޒްތަކެކެވެ.

ހަމައެކަނި އިންޓެލްގެ "އިންޓަގްރޭޓެޑް ގްރެފިކްސް" ބޭނުންކުރާ ކޮމްޕިއުޓަރުތަކާއި ލެޕްޓޮޕްތަށް ބޭނުން ނުކުރާށެވެ. މި ޗިޕްތަކަކީ ގޭމިންއަށް ހަދާފައިވާ ޗިޕްތަކަކަށް ނުވާތީއެވެ.

ރޭމް: މިއީ ކޮމްޕިއުޓަރުގެ މެމޮރީއެވެ. މެމޮރީ ބޮޑުވާ ވަރަކަށް މަސައްކަތްތައް އަވަސްވެގެން ދެއެވެ. މަދުވެގެން 8 ޖީބީގެ ޑީޑީއާރު4 ރޭމަކީ ބަޖެޓް ޕީސީ ގޭމިން ޕީސީއަކަށް ބޭނުންވާ ބޭސްލައިން، ނަމަވެސް 16 ޖީބީ އަށް އިސްކަން ދެނީ އެފޯޑް ކުރެވޭ ނަމައެވެ. ޕީސީއާއެކު ވެސް ވީޑިއޯ އެޑިޓް ކުރަން ނުވަތަ ސްޓްރީމް ކުރަން ގަސްތުކުރާނަމަ 32 ޖީބީ ނުވަތަ އެއަށް ވުރެ ގިނަ އިން ބޭނުން ކުރެވިދާނެއެވެ. ޕީސީގެ ރޭމް އިތުރުމަކީ އެންމެ ފަސޭހަ އަދި އެންމެ އަގުހެޔޮ އަޕްގްރޭޑްއެވެ.

ހާޑް ޑްރައިވް: މިއީ ޕީސީގެ ސްޓޯރޭޖް ސްޕޭސް އެކުލެވިގެންވާ އެއްޗެވެ. ސޮލިޑް ސްޓޭޓް ޑްރައިވްސް (އެސްއެސްޑީ) އަކީ ހަލުވި އަދި ހާޑް ޑްރައިވް (އެޗްޑީޑީ) އަށް ވުރެ އަވަހަށް ގޭމްތަކާއި އެޕްލިކޭޝަންތައް ލޯޑް ކުރާ އެއްޗެކެވެ. އެޗްޑީޑީއަކީ އަގުހެޔޮ އަދި އެފޯޑަބަލް އަގަށް ގިނަ ޑޭޓާ ރައްކާކުރެވޭނެ އެއްޗެކެވެ. ގިނަ ޑްރައިވްތަކާއެކު ޕީސީ އައުޓްފިޓް ކޮށްލެވިދާނެއެވެ. އަދި އެސްއެސްޑީ އާއި އެޗްޑީޑީ މިކްސްކޮށް ވެސް ބޭނުން ކުރެވިދާނެއެވެ. ކޮންމެ ގޮތެއް ވިޔަސް، 256 ޖީބީއާއެކު މަދުވެގެން އެއް ޑްރައިވް ބޭނުންވާނެއެވެ. 1 ޓީބީ ޑްރައިވްއެއް ގޭމިން ޕީސީ އަކަށް ރަނގަޅެވާނެއެވެ. ޒަމާނީ ޕީސީ ގޭމްތަކުން ގިނަ ޑްރައިވް ސްޕޭސް ނަގާއިރު، އާންމުކޮށް 20-100 ޖީބީ ނުވަތަ އެއަށް ވުރެ ގިނަ އިން ޑްރައިވް ސްޕޭސް ނަގައެވެ.

އޮޕަރޭޓިން ސިސްޓަމް: ވިންޑޯޒް އަކީ ގޭމިންއަށް އެންމެ ރަނގަޅު، އެންމެ ފުޅާ ގޭމުތަކާއި އެޕް ސަޕޯޓްކުރާ އޮޕަރޭޓިން ސިސްޓަމްއެވެ. ބައެއް ގޭމިން ޕީސީތަކުގައި ލިނަކްސް (ސްޓީމްއޯއެސް ނުވަތަ އުބުންޓޫ ފަދަ) ގެ ވާޝަންތައް ބޭނުންކުރާ އިރު، އެއީ ރަނގަޅު ނަމަވެސް ލިނަކްސް އަށް އަހުލުވެރި ނުވާ ނަމަ ދަސްކުރަން އުނދަގޫ ވާނެ އަދި ކޮންމެ ގޭމެއް ނުވަތަ ޕްރޮގްރާމެއް ރަން ނުކުރެވޭ އޯއެސް އެކެވެ.

ކޭސް، މަދަރބޯޑް، އަދި ޕަވަރ ސަޕްލައި ޔުނިޓް (ޕީއެސްޔޫ): މި ފަހު ތިން ކޮމްޕޯނެންޓަކީ ކޮންމެ ޕީސީ ބިލްޑެއްގެ މައިގަނޑު އަސާސްއެވެ. މަދަރބޯޑުން މުހިންމު ގިނަ މަސައްކަތްތަކެއް ކޮށްދެއެވެ. އޭގެ ތެރޭގައި ޕީސީގެ ބައިއޯސް ހިންގުމާއި ސީޕީޔޫ އާއި އެހެނިހެން ހާޑްވެއާތަކާ އިންޓަފޭސް ކުރުން ހިމެނެއެވެ. ޕީއެސްޔޫއަކީ އައުޓްލެޓުން ކަރަންޓް ނަގައި، ކޮންމެ ކޮމްޕޯނެންޓަކަށް ކަރަންޓް ފޯރިކޮށްދޭ އެއްޗެކެވެ. އަދި ކޭސް އަކީ ހުރިހާ ހާޑްވެއާއެއް ރައްކާތެރިކަމާއިއެކު ބަލަހައްޓަދޭ އެއްޗެކެވެ. މިއިން ކޮންމެ ކޮމްޕޯނެންޓަކަށް ވެސް ރަނގަޅު މޮޑެލްއެއް ހޯދުމަކީ މުހިންމު ކަމެއް، ނަމަވެސް ޕްރީ ބިލްޓް ޕީސީ ނުވަތަ ލެޕްޓޮޕުން އާންމުގޮތެއްގައި މިކަންތައްތައް ހައްލުކޮށްދޭނެއެވެ.

ޑިސްޕްލޭ: އެންޓްރީ ލެވެލް ޕީސީތަކަށް، 60 ހާޓްޒް ރިފްރެޝް ރޭޓާއެކު ސިމްޕަލް 1080ޕީ މޮނިޓަރެއް ރަނގަޅުވާނެއެވެ. އަދި އެތަކެތި އަގުހެޔޮކޮށް ބެހެއްޓުމުގެ އިތުރުން ޕީސީގެ ގާބިލުކަމަށް ފެތޭ މޮނިޓަރެއް އިޚްތިޔާރުކޮށްގެން ވެސް ހާޑްވެއާގެ ޕޮޓެންޝަލް އެންމެ ބޮޑުކޮށްލެވޭނެއެވެ. މިސާލަކަށް 60 ހާޓްޒް މެކްސިމަމް ރިފްރެޝް ރޭޓެއް ހިމެނޭ 1080ޕީ މޮނިޓަރަކީ ރިފްރެޝް ރޭޓް މަތި 1440ޕީ ނުވަތަ 4ކޭ މޮނިޓަރަކަށްވުރެ އާދައިގެ ރިގްއަކަށް އެންމެ އެކަށީގެންވާ މޮނިޓަރެކެވެ.

އިންޓަނެޓް ކަނެކްޓިވިޓީ: އީތަރނެޓް ކޭބަލް މެދުވެރިކޮށް ތިމާގެ ރައުޓަރުން ޕީސީ އާއި ކަނެކްޓް ކުރުމަށް ވިސްނައިގެން ނޫނީ ވަޔަލެސްކޮށް ގުޅާލުމަށް ވައިފައި ކާޑެއް ބޭނުންވާނެއެވެ. ބައެއް މަދަރބޯޑުތަކުގެ ތެރޭގައި މިތަކެތި ހިމެނޭއިރު، އަނެއްބައި މަދަރބޯޑުތަކަށް ވަކި ކޮމްޕޯނެންޓެއް ބޭނުންވާނެއެވެ.

ކީބޯޑް، މައުސް އަދި އެހެނިހެން ޕެރިފެރަލްސް: ބޭސިކް ކީބޯޑާއި މައުސް ވަރަށް ރަނގަޅަށް މަސައްކަތް ކުރާނެ ކަމަށާއި ނަމަވެސް ވާދަވެރި ކުޅުންތެރިން މެކޭނިކަލް ކީބޯޑާއި ގޭމިން މައިސްގެ އިހުސާސްތަކާއި ޕާފޯމަންސަށް އިސްކަން ދީފާނެއެވެ. ގޭމްޕެޑްތަކަށް ބަލާއިރު، ޔޫއެސްބީ ނުވަތަ ބްލޫޓޫތު މެދުވެރިކޮށް އެކްސްބޮކްސް، ޕްލޭސްޓޭޝަން އަދި ތާޑް ޕާޓީ ކޮންޓްރޯލަރު ޕެއާ ކުރެވޭނެއެވެ. ބައެއް މޮނިޓަރު ސްޕީކަރުތަކާއެކު އަންނަ އިރު ހެޑްފޯން ނުވަތަ ގޭމިން ހެޑްސެޓެއް ވެސް ބޭނުން ކުރެވިދާނެއެވެ.