ޓެކްނޮލޮޖީގެ ދުނިޔެ ދުވަހެއް ދުވަހަކަށް ކުރިއަރަމުންދާ ވަރަކަށް، އެއާއެކު ހަކަތައިގެ ބޭނުންވެސް ދަނީ އިތުރުވަމުންވެ. މިގޮތުން، ޑޭޓާ ސެންޓަރުތަކުގެ ބޮޑުމިނާއި ހަކަތައިގެ ބޭނުން އިތުރުވަމުންދާކަން ފާހަގަކުރެވެއެވެ.
އެމެރިކާގައި އެކަނިވެސް 5،000 އަށްވުރެ ގިނަ ޑޭޓާ ސެންޓަރުތައް ހުރިއިރު، ކޮންސަލްޓެންޓް މެކިންޒީ އާއި ކޮމްޕެނީތައް ލަފާކުރާ ގޮތުގައި 2022 ވަނައަހަރު ކަރަންޓް ބޭނުންކުރާ މިންވަރު ގަޑިއަކު 17 ގިގަވޮޓްގައި ހުރިއިރު، 2030 ވަނައަހަރު ކަރަންޓް ބޭނުންކުރާ މިންވަރު ގަޑިއަކު 35 ގިގަވޮޓަށް އަރާނެއެވެ.
ޑޭޓާ ސެންޓަރުތަކުގެ ހަކަތައިގެ ބޭނުން އިތުރުވަމުންދިޔަ ނަމަވެސް، އޭގެ ހަކަތަ ބޭނުންކުރާ ގޮތް ހަރުދަނާވަމުން ދިއުމާއެކު، ޕަވަރ ޔޫސޭޖް އިފެކްޓިވްނަސް (ޕީޔޫއީ) ރޭޝިއޯ ދަށްވަމުންދާކަން ފާހަގަކުރެވެއެވެ. އަދި އާޓިފިޝަލް އިންޓެލިޖެންސްގެ ބޭނުން އިތުރުވަމުން ދިއުމާއެކު، ޑޭޓާ ސެންޓަރުތަކުގެ ބޭނުންތައް ބަދަލުވެ، އެކަމަށް ޚާއްޞަ ހާޑްވެއަރ އާއި އިތުރު ހަކަތަ ބޭނުންވާކަންވެސް ފާހަގަކުރެވެއެވެ.
ޓެކްނޮލޮޖީ ދާއިރާގެ ބޮޑެތި ކުންފުނިތަކަކީ ޕަވަރ ޕަރޗޭސް އެގްރީމެންޓްތަކުގެ (ޕީޕީއޭ) ތެރެއިން އިއާދަކުރަނިވި ހަކަތަ ގަންނަ އެންމެ ބޮޑު ފަރާތްތަކެވެ. މިގޮތުން މައިކްރޯސޮފްޓުން ފަހުން 10.5 ގިގަވޮޓްގެ ރެކޯޑު އެއްބަސްވުމެއްގައި ސޮއިކުރިއެވެ. މީގެ އިތުރުން ކުންފުނިތަކުން އިރުގެ އަލިން އުފައްދާ ހަކަތައާއި، ވައިން އުފައްދާ ހަކަތަ އަދި ބެޓެރީތައް އެއްކޮށްގެން އެންމެ އެކަށީގެންވާ ގޮތުގައި ހަކަތަ ބޭނުންކުރުމަށް މަސައްކަތްކުރަމުންދެއެވެ.
ޑޭޓާ ސެންޓަރުތަކުގެ ހަކަތަ ބޭނުންކުރާ ގޮތް ހަރުދަނާކުރުމަށްޓަކައި، ބޮޑެތި ޑޭޓާ ސެންޓަރުތައް އެއްތަނަކަށް ޖަމާކުރެވެމުންދާއިރު، ކުދި ޑޭޓާ ސެންޓަރުތައް އާބާދީ ބޮޑެތި ސަރަޙައްދުތަކާ ކައިރިން ޤާއިމުކުރެވެމުންދެއެވެ. އަދި ޒަމާނީ ސޮފްޓްވެއަރ ބޭނުންކޮށްގެން ޑޭޓާ ސެންޓަރުތަކުގެ މަސައްކަތްތައް ބެލެހެއްޓުމާއި، ހަކަތައިގެ ބޭނުންކުރުމާއި ކާބަން ފުޓްޕްރިންޓް ދެނެގަތުމުގެ މަސައްކަތްތައް ކުރެވެމުންދެއެވެ.
ހަކަތަ ލިބޭ މިންވަރަށް ބަލައި، އެއާ އެއްގޮތަށް ޑޭޓާ ސެންޓަރުތަކުގެ މަސައްކަތްތައް ބައްޓަންކުރުމަކީ އަގުހެޔޮ އަދި ހަކަތައިގެ ވިއުގައަށް ގުޅާލުން ފަސޭހަ ގޮތެއް ކަމުގައި ބެލެވެއެވެ. ޑޭޓާ ސެންޓަރުތަކުގެ އިތުރުވަމުންދާ ބޭނުމާ ގުޅިގެން އިއާދަކުރަނިވި ހަކަތައަށް އިންވެސްޓްކުރުން އިތުރުވަމުންދާއިރު، އެއާއެކު ފޮސިލް ފިއުލްއާއި ބެޓެރީ ސްޓޯރޭޖްއަށްވެސް އިންވެސްޓްކުރެވެމުންދެއެވެ.
ޑޭޓާސެންޓަރުތަކަކީ ކޮބާ؟
ޑޭޓާ ސެންޓަރުތަކުގައި ޕްރޮސެސިން، ސްޓޯރޭޖް އަދި ނެޓްވޯކް އިކުއިޕްމަންޓް ހިމެނޭ ސާވާތަކުގެ އިތުރުން ވައި، ފެން، ރެފްރިޖަރެންޓްސް، ނުވަތަ ނޮން ކޮންޑަކްޓިވް ލިކުއިޑްސް މެދުވެރިކޮށް ކަރަންޓު ސަޕްލައި އަދި ޕަވާ އިންޓެންސިވް ކޫލިންއަށް ބޭނުންވާ ސަޕޯޓިން އިންފްރާސްޓްރަކްޗާ އަދި ކެބަލިން ހިމެނެ އެވެ. އާޓިފިޝަލް އިންޓެލިޖެންސްގެ ކުރިއެރުމުގެ ސަބަބުން ޑޭޓާ ސެންޓަރުތައް ބަދަލުވަމުންދާއިރު، މިހާރު އޭގެ ތެރޭގައި އިންޓެންސިވް ޓާސްކްތަކަށް ހާއްސަ ހާޑްވެއާ އެކްސެލެރޭޓަރުތަކާއި، ހައި ޕާފޯމަންސް ކޮމްޕިއުޓިން އިންފްރާސްޓްރަކްޗާ އާއި ކަރަންޓު ބޭނުންކުރާ މިންވަރު އިތުރުވުން ހިމެނެ އެވެ. ޑެޑިކޭޓެޑް އޭއައި ބިލްޑްއައުޓްތަކަށް ފަސް ގުނަ އިތުރަށް ފައިބާ އޮޕްޓިކް ކޭބްލިން ބޭނުންވެއެވެ.
ޓެކްނޮލޮޖީ ދާއިރާގެ ބޮޑެތި ކުންފުނިތަކުން އެ ފަރާތްތަކުގެ އިތުރުވަމުންދާ ހަކަތައިގެ ބޭނުތައް ފުއްދުމަށްޓަކައި އާ ސާފު ހަކަތައިގެ ޓެކްނޮލޮޖީތައް ތަރައްޤީކޮށް ފުޅާކުރުމުގައި މުހިންމު ދައުރެއް އަދާކުރާނެކަމަށް ބެލެވެއެވެ.
ކޮންމެއަކަސް ޑިޖިޓަލް ދުނިޔޭގެ ކުރިއެރުމާއެކު އިއާދަކުރަނިވި ހަކަތައަށް އޮތް ޑިމާންޑް ދުވަހެއް ދުވަހަކަށް އިތުރުވަމުންދާކަން ފާހަގަކުރެވެއެވެ. މި ކުރިއެރުމާއެކު، ހަކަތަ އުފެއްދުމާއި ބޭނުންކުރުމުގެ ގޮތްތައް އިތުރަށް ހަރުދަނާކޮށް، އާ ޓެކްނޮލޮޖީތައް ތަރައްޤީކުރުމަކީ ކުރިއަށް އޮތް ތަނުގައި އިސްކަންދޭންޖެހޭނެ ކަންކަމެވެ.
މިކަމުގެ ސަބަބުން ތިމާވެށްޓަށް ކުރާ އަސަރު ކުޑަކޮށް، ދެމެހެއްޓެނިވި ގޮތެއްގައި ޑިޖިޓަލް ދުނިޔެ ކުރިއަރުވަން އިތުރު ފުރުޞަތުތަކެއް ލިބިގެންދާނެއެވެ.
އިތުރަށް ކިޔާލުމަށް
ކުރިއަށް އޮތް ޖީލުތަކަށް ތިމާވެށި ރައްކާކުރުމަށް ވަޢުދުވަމާ
ގޭޓްސް، ބެޒޯސް ފަދަ މަހުޖަނުންވެގެން ކްލީން އެނާޖީ ފަންޑެއް
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.