މައިކްރޯސޮފްޓުން ވިންޑޯސް 11 ތަޢާރަފުކުރި ފަހުން، ގިނަގުނަ އަޕްޑޭޓްތަކާއެކު މި އޮޕަރޭޓިންގ ސިސްޓަމް ހަރުދަނާކުރަމުން އައިސްފައިވެއެވެ. ސްނެޕް ލޭއައުޓްތަކާއި، ވާރޗުއަލް ޑެސްކްޓޮޕްތަކާއި، އަލަށް މެދަށް ޖައްސާފައިވާ ސްޓާޓް މެނޫއާއި، އެހެނިހެން ފެންނަ ބަދަލުތަކުގެ އިތުރުން، ހޯދަން ޖެހިފައިވާ ވިންޑޯސް 11 ގެ ފޮރުވިފައިވާ ގިނަ ފީޗަރތަކެއް ވެއެވެ. ގޭމިންގ ލެޕްޓޮޕެއް ނުވަތަ ކަސްޓަމް ޕީސީއެއް ބޭނުންކުރިކަމުގައި ވިޔަސް، މަސައްކަތްތެރިކަން އިތުރުކޮށް، މުޅި ތަޖުރިބާ ފުރިހަމަކުރުމަށްޓަކައި މި މަދުން އެނގިފައިވާ ވިންޑޯސް 11 ގެ ފަންކްޝަނަލިޓީތައް ބަލައި ދަސްކުރާށެވެ.
15.އަޑުން ޓައިޕްކުރުން އަދި އޮޓޮމެޓިކް ޕަންކްޗުއޭޝަން
ގިނަ ވިންޑޯސް 11 ބޭނުންކުރާ ފަރާތްތަކަށް މިހާރުވެސް އަޑުން ޓައިޕްކުރުމުގެ ލޯންޗަރ (ވިންޑޯސް + އެޗް) އާ އާދައިގެމަތިން އަހުލުވެރިވާނެއެވެ. ތިޔަ ފަރާތުން މި ފީޗަރ ގިނައިން ބޭނުންކުރާނަމަ، އެންމެ ފުރިހަމަ ތަޖުރިބާއެއް ލިބުމަށްޓަކައި އޮޓޮމެޓިކް ޕަންކްޗުއޭޝަން އެކްޓިވޭޓްކުރުމަށް ޔަގީންކުރައްވާށެވެ. ވިންޑޯސް + އެޗް ކީއަށް އެއްފަހަރާ ފިތައިގެން އަޑުން ޓައިޕްކުރުން ހުޅުވާފައި ސެޓިންގްސް އިޚްތިޔާރުކުރާށެވެ.އަދި އޮޓޮމެޓިކް ޕަންކްޗުއޭޝަން އެނޭބަލްކުރާށެވެ.
14.ޑައިނަމިކް ލައިޓިންގ ބޭނުންކުރުން
ދުވަހެއް ދުވަހަކަށް އާރ.ޖީ.ބީ ލައިޓިންގ ހުންނަ ވަސީލަތްތައް ދަނީ އިތުރުވަމުންނެއެވެ. ވިންޑޯސް 11 ގައި ހުންނަ ޑައިނަމިކް ލައިޓިންގގެ ސަބަބުން، އާރ.ޖީ.ބީ ލައިޓިންގ ބެލެހެއްޓުމަށް ވަކި ކުންފުންޏަކަށް ޚާއްޞަ ހައްލުތަކަށް ބަރޯސާވާކަށް ނުޖެހެއެވެ. އުފެއްދުންތެރިންނަށް ހަމައެކަނި އެޗް.އައި.ޑީ ލޭމްޕްއެރޭ މިންގަނޑު، ބޭނުންކުރާ ފަރާތްތަކަށް ވިންޑޯސް ސެޓިންގސްއިން ސީދާ އާރ.ޖީ.ބީ ލައިޓިންގ ބަދަލުކުރެވޭނެއެވެ. މައިކްރޯސޮފްޓުން މިކަމަށް ޓަކައި އޭސަރ، އަސޫސް، ލޮޖިޓެކް، ރޭޒަރ، ސްޓީލްސީރީޒް އަދި ޓްވިންކްލީ ފަދަ ކުރިއަރާފައިވާ ކުންފުނިތަކާއެކު ވަނީ ގުޅިފައެވެ. މިކަން ކުރުމަށް ވިންޑޯސް ސެޓިންގްސް ހުޅުވާފައި ޕަރސަނަލައިޒޭޝަން އަށް ދާށެވެ. ދެން ޑައިނަމިކް ލައިޓިންގ އިޚްތިޔާރުކުރާށެވެ. އަދި އެމީހަކު ބޭނުންވާ ވަރަށް އަލިކަން، އެފެކްޓްތައް އަދި އެހެނިހެން ބަދަލުތައް ގެނެވިދާނެއެވެ.
13.ކަންތައްތަކަށް ލައިވް ޕޮމޮޑޯރޯ ޓައިމަރު
ވަގުތަށް ބަރޯސާވާ މަސައްކަތްތައް ނިންމުމަށް ޕޮމޮޑޯރޯ ޓެކްނިކް ބޭނުންކުރާނަމަ، ފޯކަސް ސެޝަންގެ ބައެއްގެ ގޮތުގައި ހިމެނިފައިވާ ޑިފޯލްޓް ޓައިމަރު ބޭނުންކުރާށެވެ. ފުރަތަމަ ވިންޑޯސްގައި ކްލޮކް އެޕް ހުޅުވާށެވެ. އެގޮތުން އެންމެ ފުރަތަމަ ފޯކަސް ސެޝަންސް އަށް ދާށެވެ. އަދި ވަގުތު ޖައްސަވާށެވެ، ބޭނުންނަމަ ބްރޭކްތައް އިތުރުކުރައްވާށެވެ، އަދި "ސްޓާޓް ފޯކަސް ސެޝަން" ބަޓަން އަށް ފިތާލާށެވެ. މިއާއެކު "ކުރިއަށް ބެހެއްޓުމުގެ" އައިކަން ހޮވުމުން، ދުވަމުންދާ ޓައިމަރު ކުޑަ ވިންޑޯއެއްގައި ފެންނަ ގޮތަށް އެންމެ ކުރިއަށް ބެހެއްޓިދާނެއެވެ.
12.ކުރީގެ ކޮންޓެކްސްޓް މެނޫ ބޭނުންކުރުން
ގިނަ ވިންޑޯސް 11 ބޭނުންކުރާ ފަރާތްތަކުން އަދިވެސް އިސްކަންދެނީ ކުރީގެ ކޮންޓެކްސްޓް މެނޫއަށެވެ.ސަބަބަކަކީ އޭގައި ގިނަގުނަ ބޭނުންތެރި ފީޗަރތައް ހުރުމުންނެވެ. ތިޔަ ފަރާތަކީވެސް މިފަދަ ބޭފުޅެއްނަމަ، މި ރީތި ގޮތް ބޭނުންކޮށްގެން ކުރީގެ ކޮންޓެކްސްޓް މެނޫ ސީދާ ބޭނުންކުރެވިދާނެއެވެ. ފޮޓޯއެއް ނުވަތަ ފައިލެއް ސެލެކްޓްކޮށް، ޝިފްޓް ކީ ފިތައިގެން ހުރެ އޭގެ މައްޗަށް ކަނާތްފަރާތު މައުސް ބަޓަން ކްލިކްކުރުމުން ކުރީގައި އާދަވެފައިވާ މެނޫ ފެންނާނެއެވެ.
11.ކޮންމެ ސްކްރީންޝޮޓަކަށް އަމިއްލައަށް ބޯޑަރެއް އިތުރުކުރުން
ތިޔަ ބޭފުޅާ ގިނަ ފަހަރަށް ވިންޑޯސް ސްކްރީންޝޮޓްތަކަށް ބޯޑަރު (ސްޓްރޯކް) އިތުރުކުރައްވަންތޯ؟ ތިންވަނަ ފަރާތެއްގެ އެޕްލިކޭޝަންތައް ނުވަތަ ވެބް ޓޫލްތައް ބޭނުންކުރުމުގެ ބަދަލުގައި، ސްނިޕިންގ ޓޫލްގެ ސެޓިންގްސް ބަދަލުކޮށްލައްވާ މި މަސައްކަތް ފުރިހަމަކުރެއްވުމަށް، ސްނިޕިންގ ޓޫލް ހުޅުވާފައި ސެޓިންގްސްއަށް ދާށެވެ."އެޑް ބޯޑަރ ޓު އީޗް ސްކްރީންޝޮޓް" މި ބައި އެނޭބަލްކޮށް ފުޅާކުރާށެވެ.އަދި ކުލައެއް ޚިޔާރުކޮށް، ބޯމިން ރަނގަޅުކުރާށެވެ.
10.މޮޅު ސާރޗް ކުރުމުގެ ތަޖުރިބާއެއް ލިބިގަންނާށެވެ
އެގޮތުން ލެޕްޓޮޕް ކަރަންޓަށް ޖަހާފައި ހުންނައިރު، ވިންޑޯސްއިން ޑިފޯލްޓްކޮށް ބޭނުންކުރަނީ އެންހޭންސްޑް ސާރޗެވެ. މިއީ މުޅި ކޮމްޕިއުޓަރު ހޯދާ ފާސްކުރުމަށް ބޭނުންކުރާ ގޮތެކެވެ. މިކަމަށް ވަގުތު ނަގާފާނެތީ، ތިޔަބޭފުޅާއަށް އަބަދުވެސް ކްލާސިކް އުސޫލަށް ބަދަލުކުރެވިދާނެއެވެ. މިގޮތުން ލިޔެކިޔުންތަކާއި، ފޮޓޯތަކާއި، ފޯލްޑަރުތައް އަވަހަށް ހޯދިދާނެއެވެ. މިކަން ކުރުމަށް ވިންޑޯސް ސެޓިންގްސް ހުޅުވާފައި، ޕްރައިވަސީ އެންޑް ސެކިއުރިޓީ ސަރޗިންގ ވިންޑޯސް އަށް ދާށެވެ.އަދި "ކްލާސިކް" ގެ އަރިމަތީގައިވާ ރޭޑިއޯ ބަޓަން ހޮވާށެވެ.
9.ސްޕޭޝަލް ސައުންޑް އެކްޓިވޭޓްކުރުން
ވިންޑޯސްގައި ހުންނަ ސްޕޭޝަލް ސައުންޑްގެ ޒަރީއާއިން، އެކަމަށް ޚާއްޞަ ވަސީލަތްތަކުގައި ޙަޤީޤީ ތިންބުރި އަޑު ސިމިއުލޭޓްކޮށް، އަޑު އަހާ މީހާ އެތަނެއްގައި ހުރިހެން ހީވާފަދަ ތަޖުރިބާއެއް ލިބިދެއެވެ. މި ފީޗަރ ޑިފޯލްޓްކޮށް ހުންނަނީ ނިއްވިފައެވެ. ތިރީގައި މިވަނީ މިކަން އޮންކުރާނެ ގޮތެވެ. ވިންޑޯސް ސެޓިންގްސްއަށް ދުރުވާށެވެ. (ވިންޑޯސް + I ކީތައް އެއްފަހަރާ ފިތާލާށެވެ).އަދި ސިސްޓަމް > އަޑު > ހުރިހާ އަޑު ޑިވައިސްތަކަށް ދުރުވާށެވެ.އިޚްތިޔާރުކުރާ އޯޑިއޯ އައުޓްޕުޓް ޑިވައިސް އެއް ހޮވާށެވެ.ސްޕޭޝަލް ސައުންޑް މެނޫގެ ދަށުން ހުންނަ 'ވިންޑޯސް ސޮނިކް ފޯ ހެޑްފޯންސް' ހޮވާށެވެ.
8.އެޑްވާންސްޑް ޓްރެކްޕެޑް ޖެސްޗަރތައް ބަދަލުކުރުން
ޕްރެސިޝަން ޓަޗްޕެޑް ހިމެނޭ ވިންޑޯސް 11 ލެޕްޓޮޕެއް ބޭނުންކުރައްވާނަމަ، ސެޓިންގްސް މެނޫއިން ތިން އިނގިލި އަދި ހަތަރު އިނގިލީގެ ޖެސްޗަރތައް ބަދަލު ކުރެވިދާނެއެވެ.ވިންޑޯސް ސެޓިންގްސް ހުޅުވާފައި ބްލޫޓޫތު އަދި ޑިވައިސަސްއަށް ދާށެވެ.ޓަޗްޕެޑް ހޮވާފައި އެޑްވާންސްޑް ޖެސްޗަރސް ހުޅުވާށެވެ.އޭރުން ތިން އިނގިލި އަދި ހަތަރު އިނގިލީގެ ޖެސްޗަރތައް ކޮންފިގަރ ކުރެވޭނެއެވެ.
7.ލައިވް ކެޕްޝަން އެކްޓިވޭޓްކުރުން
ގިނަ ފަހަރަށް ބޭރު ބަސްބަހުގެ ވީޑިއޯ ފައިލްތައް ސްޓްރީމްކުރާނަމަ، ވިންޑޯސް 11 ގެ ލައިވް ކެޕްޝަން ބޭނުންކޮށްލުމުން ފަސޭހަވެގެން ދާނެއެވެ. މި ކެޕްޝަންތައް ދައްކަން ކުޑަ ލަސްކަމެއް ހުރި ނަމަވެސް، އޭގެ ސަބަބުން ތިބާގެ މުޅި ތަޖުރިބާއަށް މާބޮޑު އުނދަގުލެއް ކުރިމަތިވާކަށް ނުޖެހޭނެއެވެ.އެގޮތުން ވިންޑޯސް ކީ ފިތައި، "ލައިވް ކެޕްޝަންސް" އަށް ހޯދުން ހަދާށެވެ. އެންޓަރ ފިތާށެވެ.އަދި "އާނއެކެވެ، ކުރިއަށް ގެންދާށެވެ" އިޚްތިޔާރުކުރާށެވެ. ބޭނުންވާ ބަސް ހޮވާށެވެ. އަދި ހަމައެހެންމެ ސެޓިންގްސް މެނޫއިން ޓެކްސްޓުގެ ސްޓައިލް އަދި އޭގެ ޕޮޒިޝަން ބަދަލުކުރެވިދާނެއެވެ.
6.ނޯޓްޕެޑްގެ ޓެބްތައް ބޭނުންކުރުން
ވިންޑޯސް ނޯޓްޕެޑަށް ފަހަކަށް އައިސް ވަރަށް ބޮޑު ބަދަލުތަކެއް ގެނެވިފައިވެއެވެ. މިހާރު އޭގައި ޓެބްތައް ބޭނުންކުރެވޭ ގޮތަށް ހަދާފައިވެއެވެ. މީގެ ސަބަބުން ކޮންޓްރޯލް + ޓީ (Ctrl + T) ފިތައިގެން އައު ޓެބްތައް ހުޅުވައި، ތަފާތު ޓެކްސްޓް ފައިލްތަކުގެ މެދުގައި ފަސޭހަކަމާއެކު އަވަހަށް ބަދަލުކުރެވޭނެއެވެ.
5.ސިސްޓަމް ޓްރޭގެ ގަޑީގައި ސިކުންތު ދައްކާ
ތިޔަ ބޭފުޅާގެ ކޮމްޕިއުޓަރުގައި ވަގުތު ބެލުމަށް ވަރަށް ސަމާލުކަން ދެވޭނަމަ، ސިސްޓަމް ޓްރޭގެ ގަޑީގައި ސިކުންތު ދެއްކުން އެކްޓިވްކުރެވިދާނެއެވެ. ނަމަވެސް މިކަމުން ބެޓެރީ ބޭނުންކުރާ މިންވަރު އިތުރުވާނެކަން ހަނދާން ބަހައްޓަންވާނެވެ. މި ފީޗަރ އޮންކުރާނެ ގޮތް ބަލައިލަމާ ހިންގަވާށެވެ. ވިންޑޯސް + I ކީތައް އެއްފަހަރާ ފިތާލައްވާ ސެޓިންގްސް ހުޅުވުމަށް،ޕަރސަނަލައިޒޭޝަން ޓާސްކްބާރ އަށް ދާށެވެ.އަދި ޝޯ ސެކަންޑްސް އިން ސިސްޓަމް ޓްރޭ ކްލޮކް" ގެ ކައިރީގައިވާ ޗެކްމާކް ގައި ކްލިކްކުރާށެވެ.
4."ސްޓޯރޭޖް ސެންސް" ހަރަކާތްތެރިކޮށް އަދި ބަދަލުކުރުން
"ސްޓޯރޭޖް ސެންސް" އަކީ ތިޔަބޭފުޅުންގެ ޑިވައިސްގައި ހުރި ޖާގަ އަމިއްލައަށް ހުސްކޮށްދޭ ފަސޭހަ ވަސީލަތެކެވެ. މި ވަސީލަތް ހަރަކާތްތެރިކޮށް، އަދި ތިޔަބޭފުޅުންގެ ބޭނުންތަކާ އެއްގޮތަށް ރޭވުމަށް ޔަޤީންކުރާށެވެ.މިކަން ކުރުމަށް ވިންޑޯސް ސެޓިންގްސް > ސިސްޓަމް > ސްޓޯރޭޖް އަށް ދާށެވެ.އަދި ސްޓޯރޭޖް ސެންސް އެނޭބަލްކޮށް، އެ އޮޕްޝަން ސިލެކްޓް ކުރާށެވެ.ތިޔަ ފަރާތަށް ސާފުކުރުމުގެ ތާވަލުތައް ރޭވިދާނެއެވެ. އަދި އޮންޑްރައިވް، އައިކްލައުޑް އަދި ގޫގުލް ޑްރައިވްގެ ކްލައުޑް ކޮންޓެންޓްގެ ތެރެއިން ލޯކަލީ ލިބެންހުރި ކޮންޓެންޓް މެނޭޖްކުރެވިދާނެއެވެ.
3.ޑައިނަމިކް ލޮކް އެކްޓިވޭޓް ކުރުން
ޑައިނަމިކް ލޮކްގެ ސަބަބުން ތިބާ ގާތުގައި ނެތް ވަގުތުތަކުގައި ވިންޑޯސްއަށް އަމިއްލައަށް ތިބާގެ ޑިވައިސް ލޮކް ކުރެވޭނެއެވެ.
2.އެޕްލިކޭޝަންގެ ވިންޑޯތައް ކުޑަކުރުމަށް ހެލުވާލުން
މިއީ ވިންޑޯސް ސެޓިންގްސްގައި ފޮރުވިފައިވާ އަނެއް ފަންނީ މަލްޓިޓާސްކިންގ ފީޗަރެކެވެ. މި ފީޗަރ އެކްޓިވޭޓްކޮށްފިނަމަ، އެޕްލިކޭޝަންގެ ޓައިޓަލް ބާރގައި ފިތައި ހެލުވާލުމުން، ފަހަތުގައި ހިނގަމުންދާ އެހެން އެޕްލިކޭޝަންތައް ކުޑަކުރެވޭނެއެވެ. މި ފީޗަރ އެކްޓިވޭޓްކުރަން ބަލަމާ ހިނގާށެވެ. ވިންޑޯސް ސެޓިންގްސް ހުޅުވާފައި ސިސްޓަމް > މަލްޓިޓާސްކިންގ އަށް ދާށެވެ.އަދި ޓައިޓަލް ބާ ވިންޑޯ ޝޭކް ޓޮގަލް އެނޭބަލް ކުރާށެވެ.މިހާރު، ކޮންމެވެސް އެޕެއް ހުޅުވާލާފައި، ކަރްސަރު އެޕްގެ ޓައިޓަލް ބާރ މަތީގައި ބަހައްޓާފައި އެ ހިސާބު ހަލުވާލާށެވެ. އޭރުން އެހެން ހުރިހާ އެޕްތަކެއް އަމިއްލައަށް މިނިމައިޒްވެ، ވަރަށް އަވަހަށް ޑެސްކްޓޮޕްގެ ޖާގަ ހުސްވެގެންދާނެ.
1.ވިންޑޯސް 11 ގެ އެންމެ ސިއްރު ކަންތައްތައް ހާމަކުރުން
ސިއްރު ޝޯޓްކަޓްތަކުން ފެށިގެން ވަރުގަދަ ޓޫލްތަކާ ހަމައަށް، ވިންޑޯސް 11 ގައި ވަނީ ތިޔަބޭފުޅުންގެ މަސައްކަތުގެ ގޮތް ބަދަލުކޮށްލާނެ ފޮރުވިފައިވާ އަގުހުރި ކަންތައްތަކެކެވެ. ދެން އިތުރަށް ކީއްކުރަން ތިބޭނީ؟ މިއަދުން މިއަދަށް މީގެ ތެރެއިން މަދު އެއްޗެއް ނަމަވެސް ބޭނުންކުރަން ފަށާށެވެ! ތިޔަ ބޭފުޅަކީ ވިންޑޯސް ބޭނުންކުރުމުގައި ތަޖުރިބާކާރެއް ކަމުގައި ވިޔަސް ނުވަތަ އަލަށް ފަށާ މީހެއް ކަމުގައި ވިޔަސް، މި ޓްރިކްތައް ދަސްކޮށްގެން ތިޔަ ބޭފުޅުންގެ އޮޕަރޭޓިންގ ސިސްޓަމްގެ ފުރިހަމަ ބޭނުން ވަރަށް އަވަހަށް ހިފޭނެއެވެ.
ޓެކްނޮލޮޖީގެ އައު ހޯދުންތަކާއިއެކު ލިޔުންތެރިކަމައިގެން ކުރިއަށް ދިއުމުގެ އަޒުމުގައި
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.