އެލްކަމީއަކީ ހަޤީގީ ސައިންސެއްތޯ؟

އެލްކަމީއަކީ ޤަދީމީ ޒަމާނުއްސުރެ ސޫޑޯސައިންސެއްގެ ގޮތުގައި މަޝަހޫރުވެފައިވާ އިލްމެކެވެ. ޓްރާންސްމިއުޓޭޝަަނާއި، ފިލޯސަފޭސް ސްޓޯނާއި ޕެނަކިޔާ ފަދަ ކަންކަން ހާސިލުކުރުމަށް ޒަމާނުއްސުރެ އެލްކަމިސްޓުން މަސައްކަތްކޮށްފައިވާ އިރު، އެފެރާތްތަކުންގެ މަސައްކަތްތަކަށް އެހެން މީހުންގެ ޝައްކުތަކާއި މަލާމާތު ރައްދުވެފައިވެއެވެ. ކެމިސްޓްރީފަދަ ޒަމާނީ ސައްސުތައް ކުރިއަރާ ދިޔުމުން އެލްކަމީ ވަނީ މަޑޫމަޑުން ސައިންސްތަކުން ފޮހެވި، ގަދީމީ ޖާދޫއެއް ގޮތައް މީހުންގެ ސިކުނޑިތަކުގައި ހަރުލާފައެވެ. ނަމަވެސް، އެލްކަމީއަކީ މުޅިއެއްކޮށް ހޮވަފެނެއބާވައެވެ؟ ފަހުން އައިސްކޮށްފައިވާ ބައެއް އެކްސްޕެރިމަންޓުތައް ދައްކައިދޭ ގޮތުން އެލްކަމީގެ ބައެއް އަމާޒުތަކަކީ ފަހަރެއްގައިމު ހާސިލްކުރެވޭނެކަންތަކެވެ.

ޒަމާނުއްސުރެ އެލްކަމީގެ އަސާސީ އެއް އަމާޒަކީ ޓްރާންސްމިއުޓޭޝަަނެވެ. މިއީ ލެޑް ފަދަ މައުދަނުތައް ރަނަށް ބަދަލުކުރުމުށް މަސައްކަތް ކުރުމެވެ. މިކަން ކުރުމުގެ ދަތިކަން ޒަމާނުއްސުރެ ވެގެންދިޔައީ އެލްކަމީގެ މައިގަނޑުއެއް ފާޑުކިޔުމެވެ. ނަމަވެސް ފަހަކަށް އައިސް ސޭންގެ ލާޖް ހެޑްރިއޮން ކޮލައިޑާ (އެލްއެޗްސީ)ގައި މިކަމަކީ ވަރަށް ބޮޑޫ އަދަދެއްގެ ހަކަތައިގެ އެހީގައިކުރެވިދާނެ ކަމެއްގެ ގޮތުގައި ދައްކާފައެވެ.

ޕަރަސެލްސަސް، ރޮބަރޓް ބޮއިލް، އަދި އައިސާކް ނިއުޓަން ފަދަ 16 ވަނަ ގަރުނާއި 17 ވަނަ ގަރުނުގެ އަލްކެމިސްޓުން ޒަމާނީ ކެމިސްޓްރީއާއި ބޭސްވެރިކަމުގެ ބިންގާ އެޅާފައިވެއެވެ. ޖޯންސް ހޮޕްކިންސް ޔުނިވާސިޓީގެ ކެމިސްޓެއް އަދި ތާރީޚް ޢިލްމުވެރިއެއް ކަމަށްވާ ލޯރެންސް ޕްރިންސިޕް ވިދާޅުވާ ގޮތުގައި ގިނަ އަލްކެމިސްޓުން އެކްސްޕެރިމަންޓުތައްކުފުމަށް ވަރަށް ކުޅަދާނަކަން ފާހަގަކޮށްފައިވެއެވެ. އެޓޮމިކް ސްޓްރަކްޗަރ އާއި ޕީރިއޮޑިކް ޓޭބަލްގެ ފަދަ ޒަމާނީ ޢިލްމާއި ނުލައި، މައުދަނުތައް އެކިގޮތްތަކަށް އެއްކޮށް ބަދަލުކުރެވޭނެކަން ދެނެގަނެފައިވެއެވެ. އެފަރާތްތަކުގެ އިލްމުގައި އެންމެބޮޑު އުނިކަމަކަށް ވެފައިވަނީ އެއް މައުދަނު އަނެއް މައުދަނާ ތަފާތުކުރުވައިދޭ، އެޓޮމުގެ ނިއުކްލިއަސްގައި ހުންން ޕްރޮޓޯންތަކުގެ އަދަދުގެ ހާއްސަކަން ދެނެގަނެފައި ނުވިމެވެ. ޒަމާނީ ކެމިސްޓްރީއާއި ފިޒިކްސްގެ އެހީގައި މައުދަނުތައް ރަނަށް ހެދުމަށް އައިސްފައިވާ ދަތިތަކުގެ ސަބަބު އެނގި، މިކަން ކުރެވިދާނެ ގޮތެއް އެނގި ގެން ގޮސްފިއެވެ.

މިގޮތުން 1980ގެ އަހަރުތަކުގައި ލޯރެންސް ބަރކްލީ ނޭޝަނަލް ލެބޯޓްރީ (އެލްބީއެންއެލް)ގެ ސައިންސްވެރިން ބިސްމަތު ކިޔާ މައުދަނަކުން ރަން އެކްސްފެރިމެންޓެއްގައި އުފައްދާފައިވެއެވެ. ބިސްމައުތަކީ ޕީރިއަޑިކް ޓޭބަލުގައި ލެޑާއި ޖެހިގެން ހުންނަ މައުދަނެވެ. މި މައުދަނުގެ އެޓޮމްތަކަށް ކާބަން އަދި ނިއޯން ނިއުކްލިއަސްތަކެއް ބާރު ސްޕީޑެއްގައި ފޮނުވައި، މިކަމުގެ ސަބަބުން ބިސްމައުތުގެ ނިއުކްލިއަސުން ހަތަރު ޕްރޮޓޮން އާއި ނިއުޓްރޯންތަކެއް ފޮޅުވާލުމުން ކުޑަ މިންވަރެއްގެ ރަން އުފެދިގެންދެއެވެ. އެހެންނަމަވެސް މީގެން އުފެއްދުނު ރަނުގެ މިންވަރު މާސް ސްޕެކްޓްރޯމެޓްރީ ގެ އެހީގައިވެސް ފެންނަ ވަރަށް ވުރެ ކުޑަކަން ފާހަގަކުރެވެއެވެ.

ދާދިފަހުން ސާންގައޮި އެލިސް ކޮލަބޮރޭޝަނުގައި މަސައްކަތްކުރަމުންދާ ފިޒިސިސްޓުން ވަނީ މިފަދަ އެހެން އެކްސްޕެރިމަންޓަކުން ރަން އުފައްދާފައެވެ. އެލްއެޗްސީ ބޭނުންކޮށްގެން ސައިންސްވެރިނ އިލެކްޓްރޯމެގްނެޓިކް ޑިސޮސިއޭޝަން ކިޔާ ޕްރޮސެސްއެއް މެދުވެރިކޮށް ނިއަރ މިސް ކޮލިޝަންތަކުގެ އެހީގައި ލެޑް އެޓޮމްތަކުން ތިން ޕްރޮޓޮން ފަހާލާ، ވަގުތީގޮތެއްގައި ރަން އުފައްދާފައިވެއެވެ. މިގޮތުން ކޮށްފައިވާ އެކްސްޕެރިމެންޓުތަކުން ސިކުންތަކަށް ގާތްގަނޑަކަށް 89،000 ރަން ނިއުކްލިއަސް އުފެދިގެން ދިޔައެވެ. މިގޮތުން، ގާތްގަނޑަކަށް 86 ބިލިޔަން ރަން ނިއުކްލިއައި ނުވަތަ 29 ޕިކޮ ގްރާމުގެ ރަން އުފެދިގެންދެއެވެ. މި ރަން ގިނަ ފަހަރަށް މައިކްރޯސެކަންޑްގެ ތެރޭގައި ރޫޅިގެން ގޮސް ނުވަތަ އެކުއިޕްމަންޓުގައި ޖެހިގެންދިޔަކަން ފާހަގަ ކުރެވެއެވެ.

ލެޑް ރަނަށް ބަދަލުވުމަކީ ސައިންސުންދައްކައިދޭގޮތުގައި ކުރެވިދާނެކަމަކަށް ވިޔަސް، އެއީ ޢަމަލީ ގޮތުން އިޤްތިސާދީގޮތުން ޤަބޫލުކުރެވޭނެ މިންވަރަކަށް ކުރެވޭނެ ކަމެއްނޫނެވެ. ނަމަވެސް މިހާރު ސައިންސުން ދައްކައިދޭގޮތުން އަލްކެމިސްޓުން ތަޞައްވުރުކުރިވަފައިވާ މިފަދަ އެތަކެއް ކަމެއް އެކިގޮތްގޮތުންވަނީ މިޒަމާނުގެ ސައިންސް ޙަޤީޤަތަކަށް ހަދާފައިވެއެވެ.

މިގޮތުން އެކްސްޕެރިމެންޓުތަކުގައި ލެޑް ރަނަށް ބަދަލުކުރެވުނުކަމުގައިވިޔަޒް މިކަމަކީ އިގްތިސާދީހަމައަކުން ކުރިއަށް ގެންދެވނެކަމެއް ނޫނެވެ. 1980 ވަނަ އަހަރު ކުރެވުނު އެކްސްޕެރިމަންޓާއި ވިދިގެން ކެމިސްޓްރީގެ ނޯބަލް ޕްރައިޒް ލިބުނު ގްލެން ސީބޯގް ހިއްސާކޮށްފައިވާގޮތުން ޕާޓިކަލް އެކްސެލެރޭޝަން މެދުވެރިކޮށްގެން އެހެން މައުދަނަކުން އެއް އައުންސް ރަން އުފެއްދުމަށް ކުއަޑްރިލިއަން ޑޮލަރަށް ވުރެ ގިނަ އަދަދެއް ޚަރަދުވގެންދާނެއެވެ. ޓެކްނޮލޮޖީ ކުރިއަރައިގެން ދިޔަސް، މިގޮތަށް އުފެއްދޭ ރަންނުގެ މިންވަރު މާ ކުޑަވެ، މާ އަންސްޓޭބަލްވެ، އަދި މާ އަގުބޮޑުވެގެންދާނެއެވެ. މިކަމުގެ ސަބބުން ޕާޓިކަލް އެކްސެލެރޭޝަންގެ އެހީގައި އަމަލީ ގޮތުން ރަން އުފެއްދުމަކީ ކުރެވިދާނެކަމަކަށްވުން އެކަށީގެންނުވެއެވެ.

އެލްކަމީ ސައިންސަށް ކޮށްދެއްވި އެންމެ ބޮޑޫކުރިއެރުމަކީ ސީދާ އެއިލްމުން ހޯދާހޯދުންތަކުގައި ނުވިޔަސް، އެލްކަމީގެ ސަބަބުން ސައިންޓިފިކް ވިސްނުމާއި ޕްރޮސެސަށް ބޮޑެތި ކުރިއެރުންތަކެއް ގެނެސްފައިވެއެވެ. އެލްކަމީއިން ނެރެންބޭނުންވާ ނަތީޖާ ނުލިބުނުކަމުގައިވިޔަސް، އެލްކެމީގައި އެކްސްޕެރިމަންޓުތަކުގައި ބޭނުންކުރަމުންިޔަ ގޮތްތަކަކީ ޒަމާނީ ކެމިސްޓްރީގެ އަސާސަށް ވެގެން ދިޔައެވެ. އިންސާނުންނަށް އެޒަމާނުގައި މިހާރު އެނގޭ އެތަކެއް ކަމެއް އޭރުގައި ނޭންގުނުކަމުގައި ވިޔަސް، އެލްކަމީގެ އަސާސީ އެތަކެއްކަމެއް ޒަމާނީ އިލްމާއި އަޖައިބުވަނިވި މިންވަރަކަށް އެއްގޮތްވެއެވެ.

އަލްކެމިސްޓުންނަށް ހާސިލިުކުރަން ބޭނުންވާ ކަންކަނުގައި ކާމިޔާބު ނުވި ނަމަވެސް، އެމީހުންގެ އެކްސްޕެރިމަންޓުތަކާއި، ވިސްނުންމާއި، ކެމިކަލްތަކާއެކު ބޭނުންކުރާ އުކުޅުތަކަށް ތަރައްޤީވުން ފަދަ އިލްމީ ކުރިއެރުމުގެ ބިންގާ އެފަރާތްތަކުން އަޅާފައިވެއެވެ. ބޮއިލް، ލަވޮއިޒިއާ، ނިއުޓަން ފަދަ ޒަމާނީ ސައިންސާއި ބޭސްވެރިކްމުގެ ބިންގާ އެޅި ފަރާތްތަކުގެ ހޯދުންތައް އަލްކެމިކަލް ލިޔުންތަކުގައި ފުރަތަމަ އުފެދުނު ޚިޔާލުތަކުގެ މައްޗަށް އެކުލެވިގެންވެއެވެ. އެލްކަމީ ސޫޑޯސައިންސެއްގެ ލޭބަލުން ސަލާމަތް ނުވެވުނުކަމުގައިވިޔަސް، އެލްކަމީއަކީ މުޅިއެކު ދޫކޮށްލެވޭނެ އެއްޗެއް ނޫނެވެ. އެލްކަމީގެ ހުރިހާ ބައްޔަކަށް ފަރުވާދެވޭ ޕެނަކިއާ ނުވަތަ އެހެން މައުދަނުތައް ރަނާއި ރިއްސަށް ބަދަލުކުރުވައިދޭ ފިލޯސަފޭސް ސްޓޯނަކީ އާންމުކޮށް މީހުން ސިފަކުރާފަދަ އެއްޗެއްކަމުގައިނުވިޔަސް، މީގެން ބޭސްވެރިކަމާއި ޗެމިސްޓްރީކުރިއެރުވުމަށް މަގެއް ދައްކައިދެއެވެ.