އީ-ވޭސްޓް ހެކަތޯންގައި ބައިވެރިވުމުގެ ފުރުސަތު ހުޅުވާލައިފި

ރާއްޖެއަށް ދިމާވެފައިވާ އީ-ވޭސްޓްގެ މައްސަލަ ހައްލުކުރުމަށް ޒުވާނުން ހޭލުންތެރިކުރުވުމުގެ މަގުސަދުގައި ހެކަތޯންގައި ބައިވެރިވުމަށް ގައުމީ ޔުނިވަރސިޓީއާއި ދިރާގުން ފުރުސަތު ހުޅުވާލައިފިއެވެ.

28 ސެޕްޓެމްބަރ 2025 އިން 7 އޮކްޓޯބަރު 2025 އަށް ކުރިއަށްދާ މި ހެކަތޯންގައި ދަރިވަރުންނާއި، އުފެއްދުންތެރި ޒުވާނުން އަދި ތިމާވެށި ހިމާޔަތް ކުރުމަށް ޝައުގުވެރިވާ ފަރާތްތައް އެއްތަނަކަށް ގެނެސް އީ-ވޭސްޓް މަދުކުރެވޭނެ ގޮތްގޮތާމެދު މަޝްވަރާކުރެވޭނެއެވެ. މި ހެކަތޯން އަމާޒުކުރެވިފައިވަނީ ސާނަވީ ތައުލީމު ހާސިލުކުރަމުންދާ ދަރިވަރުންނަށާއި، ކޮލެޖް އަދި ޔުނިވަރސިޓީ ދަރިވަރުންނަށެވެ.

މި ހެކަތޯން އަމާޒުކުރެވިފައިވަނީ ސާނަވީ ތައުލީމު ހާސިލުކުރަމުންދާ ދަރިވަރުންނަށާއި، ކޮލެޖް އަދި ޔުނިވަރސިޓީ ދަރިވަރުންނަށް 3އިން 5 މެމްބަރުންގެ ޓީމެއް ގޮތުގައި ބައިވެރިވެވޭގޮތަށެވެ.

އީ-ވޭސްޓް އަކީ އުކާލެވޭ ކަރަންޓު ނުވަތަ އިލެކްޓްރޯނިކް އާލާތްތަކަށް ކިޔާ ނަމެކެވެ. މީގެ ތެރޭގައި އުކާލެވޭ ކޮމްޕިއުޓަރާއި، ފޯނު،ޓީވީ، ފްރިޖު، ބެޓެރީ އަދި އެހެނިހެން އިލެކްޓްރޯނިކް ސާމާނުތައް ހިމެނެއެވެ. އީ-ވޭސްޓްއަކީ މިހާރު ދިމާވެފައިވާ އެންމެ ބޮޑު އަދި އަލަށް ކުރިމަތިވަމުން އަންނަ ތިމާވެށީގެ މައްސަލަތަކުގެ ތެރެއިން އެއް މައްސަލައެވެ. އަދި އީ-ވޭސްޓް ހެކަތޯން ގެ މަގްސަދަކީ މި މައްސަލައަށް ހާއްސަ ސަމާލުކަމެއް ގެނައުމާއެކު، ޒުވާނުން މި މައްސަލައަށް އައު އަދި އަދި އުފެއްދުންތެރި ހައްލުތައް ހޯދުމަށް ބާރުއެޅުމެވެ.

ހެކަތޯންގެ ވިނިންގް ޓީމުތަކަށް ފައިސާގެ އިނާމު ދެވޭނެއެވެ. އަދި އެފަރާތްތަކުގެ އުފެއްދުންތެރިކަމާއި، ޢަމަލީގޮތުން ކުރެވޭނެކަމާއި، ފުޅާކުރެވޭނެ މިންވަރާއި، ތިމާވެއްޓަށް ކުރާނެ އަސަރަށް ބަލައި ފާހަގަކުރެވޭނެއެވެ.

"އިނޮވޭޓިން ފޯ އަ ސާކިއުލަރ އިކޮނޮމީ: ޓެކްލިންގ ދަ އީ-ވޭސްޓް ކްރައިސިސް" ތީމްގެ ދަށުން ކުރިއަށްގެންދާ މި ހެކަތޯންގައި އީ-ވޭސްޓް ބޭނުންކޮށްގެން އެހެން ތަކެތި އުފެއްދޭނެގޮތްގޮތާއި، ދެމެހެއްޓިނިވި ގޮތެއްގައި ކުނި ނައްތާލެވޭނެ ގޮތްގޮތާމެދު މަޝްވަރާކުރުމަށްފަހު ހައްލުތައް ހޯދުމަށް ބައިވެރިންނާ ހަވާލުކުރެވޭނެއެވެ. އަދި، މި މައްސަލަތަކަށް ހައްލުތައް ހޯދުމަށް އެހީތެރިކަން ފޯރުކޮށްދިނުމަށް ކަމާބެހޭ މާހިރުންނާއެކު ވޯކްޝޮޕްތައް ހިންގައި، އެ ފަރާތްތަކުން އިރުޝާދު ފޯރުކޮށްދޭނެއެވެ. އަދި، މި ހައްލުތައް ޖަޖުންގެ ޕެނަލްއަށް ހުށަހެޅުމުގެ ކުރިން، ކުނި މެނޭޖްކުރާ ތަންތަނާއި ރީސައިކަލް ސެންޓަރުތަކަށް ޒިޔާރަތް ކުރުމަށް ވަނީ ހަމަޖެހިފައެވެ.

އީވޭސްޓް ހެކަތޯންގެ ޓައިމްލައިން

- 27 ސެޕްޓެމްބަރ: ކިކްއޮފް އޮންލައިންމީޓިންގ

-30 ސެޕްޓެމްބަރ: އައިޑިއާ ހުށައެޅުން

-2 އޮކްޓޫބަރ: މެންޓަރ ފީޑްބެކް ސެޝަން

5 އަދި 6 އޮކްޓޫބަރ: ހެކަތޯން

-7 އޮކްޓޫބަރ: ޕްރެޒެންޓްކުރުމާއި ޖަޖުކުރުން

މި ހެކަތޯންގައި ބައިވެރިވާން ބޭނުންވާ ފަރާތްތަކަށް 30 ސެޕްޓެމްބަރ 2025ގެ ކުރިން މި ކަމަށް ހާއްސަކޮށްފައިވާ ފޯމް މެދުވެރިކޮށް ރަޖިސްޓަރީކުރުމުގެ ފުރުސަތު ވަނީ ހުޅުވައިލައިފައެވެ: https://forms.gle/ZXKK3kCpzvEf6yR17

އީވޭސްޓް ހެކަތޯންގެ އިތުރުމައުލޫމާތު: ހެކަތޯން ގައިޑް