ޓްވިޓާއިން ބައެއް ޔޫޒަރުންނަށް އެ ޕްލެޓްފޯމް ޑައުންވެފައިވާކަން ކަށަވަރުކޮށްދީ، ފިކްސްއެއްގެ މަސައްކަތް ކުރަމުންދާ ކަމަށް ބުނެފި އެވެ
ޓްވިޓާއިން ވަނީ ބައެއް ޔޫޒަރުންނަށް މިވަގުތު ސޯޝަލް ނެޓްވޯކަށް ވަނުމަށް މައްސަލަތައް ދިމާވަމުންދާ ކަމަށާއި އެ މައްސަލަ ހައްލު ކުރުމަށް މަސައްކަތް ކުރަމުންދާކަން ކަށަވަރުކޮށްދީފަ އެވެ.
ވެބް މޮނިޓަރިން ސާވިސް ޑައުންޑިޓެކްޓަރުގެ ރިޕޯޓްތަކުން ދައްކާ ގޮތުގައި މައްސަލަތައް ފެށުނީ ގާތްގަނޑަކަށް މެންދުރު 2 ޖަހާކަންހާއިރު އެވެ.
އެޕް އަދި ޕްލެޓްފޯމްގެ ވެބް ވާޝަންގައި ވެސް މައްސަލަތައް ދިމާވާ ކަމަށް ޔޫޒަރުން ރިޕޯޓް ކުރަމުންދާއިރު، ބައެއް މީހުން ބުނަނީ ލޮގްއައުޓް ވަމުންދާ ނުވަތަ ހޯމް ފީޑް ލޯޑް ނުކުރެވޭ ކަމަށެވެ.
"ތިޔަބޭފުޅުންގެ ތެރެއިން ބައެއް މީހުންނަށް ޓްވިޓާ ލޯޑް ނުވެދާނެ –– އަޅުގަނޑުމެން މި މަސައްކަތް ކުރަނީ ތިޔަބޭފުޅުންގެ ޓައިމްލައިންތަކަށް ވީހާވެސް އަވަހަކަށް ގެނައުމަށް ފިކްސްއެއް ހެދުމަށް،" އެކުންފުނިން ކުރި ޓްވީޓެއްގައިވެ އެވެ.
މިއީ ޓްވިޓާ މިގޮތަށް ޑައުންވީ ފުރަތަމަ ފަހަރެއް ނޫނެވެ. މިނޫނަސް ދޭތެރެ ދޭތެރެއިން ދުނިޔޭގެ އެކިހިސާބުތަކަށް ޓްވިޓަރ ޑައުންވުމުގެ މައްސަލަތައް ދިމާވަމުންދެއެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.