2022 ވަނަ އަހަރުގެ ފީފާ ވޯލްޑް ކަޕް ގަތަރުގައި ފެށިގެން ކުރިއަށް ދާއިރު ފުޓުބޯޅައަށް ލޯބިކުރާ އެތައް މިލިއަން ބަޔަކަށް ކުޅިވަރާއި ވާދަވެރިކަން ލިބުމުގެ އިތުރުން އަމިއްލަ ބައެއް ލަނޑުދަނޑިތައް ހާސިލްވާނެ ކަމުގެ އުއްމީދުގައި ތިބި ބަޔަކު ތަފާތު ވެބް3 ބްރޭންޑްތަކާއި ކުންފުނިތަކާ މުއާމަލާތް ކުރުމަށް ވެސް ހިޔާރު ކުރަމުންދެއެވެ.
އެންމެ ފަހުން 2018 ވަނަ އަހަރު ރަޝިއާގައި ބޭއްވި ފީފާ ވޯލްޑް ކަޕްގައި ވެބް3 މި ލަފުޒަކީ މުޅި ދުނިޔޭގައި ދެކެވޭ ވާހަކަތަކުގެ ތެރޭގައި ހިމެނޭ ލަފުޒެއް ނޫނެވެ. ނަމަވެސް 2022 ވަނަ އަހަރު އެތުލީޓް އެންއެފްޓީ ޑްރޮޕްސް އާއި އެޑިޑާސްގެ އިޝްތިހާރުތަކުގައި ބޯރެޑް އެޕްސް އަކީ މަހެއްހާ ދުވަހުގެ މުއްދަތަށް ކުރިއަށް ދާ މި މުބާރާތަށް ބަލައިގަނެވޭ އެޑިޝަންތަކެކެވެ.
ފީފާއިން މެޗުތައް މެޓާވާސްއަށް ގެންގޮސްފި
ފުޓްބޯޅައިގެ ބައިނަލްއަގްވާމީ މައި އިދާރާއިން ފީފާއިން ވަނީ ފީފާ ޕްލަސް ކަލެކްޓްގެ ނަމުގައި އަލްގޯރަންޑް ބްލޮކްޗެއިންގައި ހަރަކާތްތެރިވާ އަމިއްލަ އެންއެފްޓީ މާކެޓްޕްލޭސްއެއް ތައާރަފްކޮށްފައެވެ. އެންބީއޭ ޓޮޕް ޝޮޓްސް ޕްލެޓްފޯމް ފަދައިން މީގެ ކުރިން ބޭއްވި ވޯލްޑް ކަޕްތަކުގެ ވީޑިއޯ މޮމެންޓްތަކާއި ހައިލައިޓްތައް އެއްކޮށްލެވޭނެއެވެ.
ރެންޑަމްކޮށް ހޮވާލެވޭ ތިން ހައިލައިޓްސް ނުވަތަ ސިންގަލް މޮމެންޓްސް ހިމެނޭ ޓްރޭޑިން ކާޑު ޕެކެއް ގަނެވޭނެއެވެ. މި އާޓިކަލް ލިޔުނު އިރު ބާޒާރުގައި ހުރި އެންމެ އަގުބޮޑު އެންއެފްޓީއަކީ 2018 ވަނަ އަހަރުގެ ފީފާ ވޯލްޑް ކަޕްގައި އާޖެންޓީނާ އާ ދެކޮޅަށް ފްރާންސްގެ ކުޅުންތެރިޔާ ކިލިއަން އެމްބާޕޭ ޖެހި ލަނޑުގެ އެންއެފްޓީވެ. މި އެންއެފްޓީގެ އަގަކީ 7،500 ޑޮލަރެވެ.
މީގެ އިތުރުން ފީފާއިން ވަނީ ބްލޮކްޗެއިންގެ ކުންފުނިތައް ކަމަށްވާ އަޕްލޭންޑްމޭ، މެޗްޑޭ، ފިގްޓްލް އަދި އޮލްޓާޑް ސްޓޭޓް މެޝިންއާ ގުޅިގެން ސޮކާ ތީމްގެ ތަފާތު ވެބް3 ގޭމްތައް އުފައްދަން ޕާޓްނަރޝިޕް ހަދާފައެވެ.
އެލްޓަޑް ސްޓޭޓް މެޝިން ޕްރޮޓޮކޯލާ ގުޅިގެން އުފެއްދި އޭއައި ލީގުގެ ނަމުގައި އެއް މޮބައިލް ގޭމަކުން ލީޑާބޯޑުގެ އެންމެ ކުރީގައި އުޅޭ ސަޕޯޓަރުންނަށް ވީވޯ ފޯނާއި ގޭމިން އިކުއިޕްމަންޓާއި އެޑިޑާސް ގިފްޓް ކާޑު ފަދަ ޑިޖިޓަލް އަދި ފިޒިކަލް އިނާމުތައް ލިބޭނެ އެވެ.
ހަގީގީ ދުނިޔޭގެ ސިޓީތަކަށް ވާޗުއަލް ބިންތައް މެޕްކުރާ އަޕްލޭންޑް މެޓާވާސް އިން ފީފާ ވޯލްޑް ކަޕް ލުސައިލް ސްޓޭޑިއަމާއި ވިލެޖާއި ފިހާރަތަކުގެ ޑިޖިޓަލް ރެޕްލިކާއެއް ގާއިމްކޮށްފިއެވެ. ޑިޖިޓަލް ކަލެކްޝަން އަލްބަމްތައް ފުރިހަމަ ކުރުމަށް ވޯލްޑް ކަޕްގެ 32 ޓީމެއްގެ ކަންޓްރީ ކްރެސްޓް، ހެދުން އަދި ޕޯސްޓަރުގެ އެންއެފްޓީ ޓްރޭޑް ކުރެވޭނެއެވެ. ވޯލްޑް ކަޕް ވިލެޖް ޕްރޮޕަޓީތައް ކާމިޔާބު ކުރެވޭނީ މުބާރާތަށް ހާއްސަ އަޕްލޭންޑް ހަރަކާތްތަކުންނެވެ.
މީގެ އިތުރުން އާޖެންޓީނާގެ ކުޅުންތެރިޔާ ލިއޮނަލް މެސީގެ އެހީތެރިކަމާއެކު ގޭމިން ސްޓާޓްއަޕް މެޗްޑޭ ވަނީ ފީފާއާ ގުޅިގެން ބެޓިން އެޕްލިކޭޝަނެއް އުފައްދައިފައެވެ. ވޯލްޑް ކަޕްގެ ޕްރިޑިކްޝަންތައް ރައްޓެހިންނަށް ޗެލެންޖް ކުރާ ކަސްޓަމަރުން ރަނގަޅު ނަތީޖާއެއް ހޯދައިފިނަމަ މުބާރާތުގައި އެންމެ މޮޅު ކުޅުމެއް ދައްކާ ފުޓްބޯޅަ ކުޅުންތެރިންގެ ޓްރޭޑިން ކާޑު ލިބިގެންދާނެއެވެ.
ލިއޮނަލް މެސީގެ ދެވަނަ އެންއެފްޓީ ޑްރޮޕް
މެސީ ވަނީ ވެބް3 ސްޓޫޑިއޯ އެތަރްނަލް ލެބްސް އާއި އެ ކުންފުނީގެ އެންއެފްޓީ މާކެޓްޕްލޭސް އެތާނިޓީއާ ގުޅިގެން އޭނާގެ ދެވަނަ އެންއެފްޓީ ކަލެކްޝަން - 'މެސީ ޓައިމް މެޝިން ކަލެކްޝަން' އުފައްދާފައެވެ.
ޕެރިސް ސެއިންޓް ޖާމަން (ޕީއެސްޖީ)ގެ ފޯވާޑްގެ ކެރިއަރުގެ ހަނދާންތައް އާކުރުމުގެ ގޮތުން އާ ފަސް ޑިޖިޓަލް ކަލެކްޓިބަލްސް އެއްކޮށްފިއެވެ. މި ސިލްސިލާގެ ފުރަތަމަ އެންއެފްޓީގައި އޭނާ ފުރަތަމަ ފަހަރަށް ވޯލްޑް ކަޕްގައި ކުޅުނީ 2006 ވަނަ އަހަރުއެވެ. އެ ޓޯކަން ހޯލްޑަރުންނަށް 2010، 2014 އަދި 2018 ވަނަ އަހަރުގެ ވޯލްޑް ކަޕްގައި މީގެ ކުރިން ކުޅުނު މެޗުތަކުގެ ހަނދާންތައް އާކޮށް އިތުރު ހަތަރު ކަލެކްޓިބަލް ލިބޭނެއެވެ. މިފަހަރުގެ މުބާރާތަށް އެންއެފްޓީ ހޯދުމަށް 10 ފަރާތަކަށް ރެފްލްއަކުން ފުރުސަތު ލިބޭނެއެވެ.
ފުޓުބޯޅަ ތަރި މެސީ، އެތާނިޓީއާ އެކު އެންމެ ފުރަތަމަ މަސައްކަތް ކުރީ 2021 ވަނަ އަހަރު 3.6 މިލިއަން ޑޮލަރުގެ އާމްދަނީއެއް ހޯދި "ދަ މެސީވާސް" ކަލެކްޝަންގައި ކަމަށާއި މިއީ އެ ޕްލެޓްފޯމްގެ މިހާތަނަށް އެންމެ ކާމިޔާބު ކަލެކްޝަންގެ ގޮތުގައި ރިޕޯޓްކޮށްފައިވާ އެންއެފްޓީއެވެ.
އީތަރނަލް ލެބްސްގެ ސީއީއޯ އަދި ކޯ ފައުންޑަރު ނިކް ރޯޒް އެންޓާޓްސަސް ބްލޮކްވޯކްސްއަށް ވިދާޅުވީ ވެބް3 އިން ވޯލްޑް ކަޕް ފަދަ އާދަޔާ ހިލާފު ކުޅިވަރު އިވެންޓްތައް މުސްތަގުބަލަށް ގެންނަނީ ސަޕޯޓަރުންނާއި ޓީމްތަކާއި ބްރޭންޑްތަކާއި ކުޅުންތެރިންނަށް މުޖުތަމައުއެއްގެ ގޮތުގައި ގުޅާލައި އެއްވުމުގެ އާ މަގެއް ފަހިކޮށްދީގެން ކަމަށެވެ.
އޭނާ ބުނީ ވޯލްޑް ކަޕަކީ މެއިންސްޓްރީމް ސަޕޯޓަރުންނާއި ވެބް3 ދުނިޔެއާ ދެމެދު "ބްރިޖެއް" ގެ ގޮތުގައި މަސައްކަތް ކުރާ މުބާރާތެއް ކަމަށާއި ޑިޖިޓަލް ޒަމާނެއްގައި ބޮޑުވި ސަޕޯޓަރުންގެ ސަމާލުކަން ހޯދުމަށް ޑިޖިޓަލް ކަލެކްޓިބަލްސް އާއި މެޓާވާސް މީޓްއަޕް ފަދަ އާ ޓެކްނޮލޮޖީތަކަށް ހިދުމަތް ދޭން ޖެހޭނެ ކަމަށް ކުޅުންތެރިންނާއި ބްރޭންޑްތަކުން ގަބޫލުކުރާ ކަމަށެވެ.
މީގެ އިތުރުން މެސީ ވޯލްޑް ކަޕް އިޝްތިހާރެއްގައި އެޑިޑާސްގެ ހިއްސާ އޮންނަ ބޯރެޑް އެޕް ޔޮޓް ކްލަބް (ބީއޭވައިސީ) ގެ އެންއެފްޓީ، އިންޑިގޯ ހަރްޒް އާ އެކު "އިންޑިގޫލްސް" ނަމަކަށް ކިޔާ ސީރިއަލް ބޮކްސް އިން ފެނިގެންދެއެވެ. އެޑިޑާސް އިން މިދިޔަ އަހަރު ވަނީ އެޑިޑާސް އޮރިޖިނަލްސް އިކޯސިސްޓަމްގެ ދަށުން ޖުމްލަ 46 އީޓީއެޗް (އޭރު 156،000 ޑޮލަރު) އަށް ބީއޭވައިސީ 8774# އިންޑިގޯ ހާޓްޒް ގަނެފައެވެ.
ކްރިސްޓިއާނޯ ރޮނާލްޑޯ އެންއެފްޓީގެ ޖާގައަށް
ފާއިތުވި ދެ އަހަރެއްހާ ދުވަހު މެސީ އަކީ ބްލޮކްޗެއިން ޕްރޮޕޯސަރަކަށް ވާއިރު، 2022 ވަނަ އަހަރުގެ ވޯލްޑް ކަޕަކީ އޭނާގެ ވާދަވެރިއެއް ކަމަށްވާ ޕޯޗުގަލްގެ ފުޓްބޯޅަ ކުޅުންތެރިޔާ ކްރިސްޓިއާނޯ ރޮނާލްޑޯ އިންޑަސްޓްރީއަށް އައުމެވެ. އޭނާ އަކީ އިންސްޓަގްރާމްގައި އެންމެ ގިނަ އިން ފޮލޯކުރާ މީހާ ކަމަށާއި ކްރިޕްޓޯ އެކްސްޗޭންޖް ބައިނަންސް ނިންމީ އެ އެޑްވާންޓޭޖްގެ ބޭނުން ހިފުމަށެވެ.
ރޮނާލްޑޯ ވަނީ ބައިނަންސް އާއި ގުޅިގެން އެންއެފްޓީ ކަލެކްޝަނެއް ލޯންޗްކޮށްފައެވެ. 6،645 އެންއެފްޓީ ސީއާރް7 ކަލެކްޝަންގައި ރޮނާލްޑޯގެ ހަޔާތުގެ އައިކޮނިކް މަންޒަރެއް ދައްކުވައިދޭ ހަތް އެނިމޭޓެޑް ސްޓެޗޫ ހިމެނެ އެވެ.
ޑިޖިޓަލް ކަލެކްޓިބަލްސްގައި ހަތަރު ދަރަޖައެއްގެ އާދަޔާ ހިލާފު ކަމެއް ހިމެނޭއިރު، އެންއެފްޓީ ލިބެން ހުންނަ މިންވަރަށް ބަލައި، އޯނަރުންނަށް ތަފާތު އިނާޔަތްތައް ލިބެއެވެ. ރޮނާލްޑޯގެ އަމިއްލަ މެސެޖަކާއި، އޮޓޯގްރާފް ކޮށްފައިވާ މުދަލާއި، މުސްތަގުބަލުގައި އެންއެފްޓީ ޑްރޮޕްސް އަދި ކޮމްޕްލިމެންޓަރީ ގިފްޓް ބޮކްސްތަކަށް ވަނުމެވެ.
ރޮނާލްޑޯ ނެރުނު ބަޔާނެއްގައި ބުނީ އެއީ ހަމައެކަނި ކުޅިވަރުގެ ޝައުގުވެރިކަން ހިފަހައްޓައިދޭ އެއްޗެއް ނޫން ކަމަށާއި ސަޕޯޓަރުންގެ ހުރިހާ އަހަރެއްގެ ސަޕޯޓަށް އިނާމު ދޭވޭ ފަދަ ކަމެކެވެ.
ނަމަވެސް ބައިނަންސްގެ އެންއެފްޓީ މާކެޓްޕްލޭސް އަކީ އެމެރިކާގެ ކަސްޓަމަރުންނަށް ލިބެން ނެތް ބާޒާރެއް ކަމުން، ޕްރޮމޯޝަންގެ މުއްދަތުގެ ތެރޭގައި އެ ޕްލެޓްފޯމްގައި ހަދާފައިވާ ޑޮލަރު ޑިޕޮސިޓްތަކުގެ ތްރެޝްހޯލްޑްތަކަށް ސްވެނިއާ އެންއެފްޓީ އެއް ލިބުމުގެ ފުރުސަތު އެ ފަރާތްތަކަށް ލިބެއެވެ. މުސްތަގުބަލުގައި ސީއާރް7 އެންއެފްޓީ ގަތުމަށް ވައިޓްލިސްޓް އެކްސެސް ލިބިގެން ދާނެ ކަމަށެވެ.
ދާދި ފަހުން ސެލެބްރިޓީ އެންޑޯޒްކޮށްފައިވާ ކްރިޕްޓޯ އިޝްތިހާރުތަކަށް ފާޑުކިޔުން އަމާޒުވެފައި މިވަނީ މިހާރު ބަނގުރޫޓުވެފައިވާ އެފްޓީއެކްސް އިން ހައަރ ކުރި ޕަބްލިކް ފިގަރސް ޓޮމް ބްރޭޑީ، ސްޓެފް ކަރީ، ލެރީ ޑޭވިޑް އަދި އެހެނިހެން ފަރާތްތަކާ ދެކޮޅަށް ކްލާސް އެކްޝަން ދައުވާއަކާ ގުޅިގެންނެވެ.
މި އަހަރުގެ ކުރީކޮޅު ބައިނަންސް ވަނީ ސޯޝަލް މީޑިއާކެމްޕެއިނެއް އިޚްތިޔާރުކޮށް ސެލެބްރިޓީންނާއި އެތުލީޓުން ބޭނުންކޮށްގެން ކްރިޕްޓޯ އިންވެސްޓަރުންނަށް ސެލެބްރިޓީންގެ ވާހަކަ ތައް އަޑުއަހާނެ ކަމުގެ ހަބަރު ދީފައެވެ.
އެހެން ނަމަވެސް ވޯލްޑް ކަޕްގައި ޕާޓްނާޝިޕާއި އެންއެފްޓީ ކަލެކްޝަން ޕްރޮމޯޓް ކުރުމަށް ރޮނާލްޑޯ ހިމެނޭ 60 ސިކުންތުގެ ޓީވީ އިޝްތިހާރަކާ އެކު ބައިނަންސް މިހާރު ވަނީ ނުކުމެފައެވެ.
ބަޑްވާސް އެކްސް ވޯލްޑް ކަޕް 2022 ގެ އެންއެފްޓީ
ވޯލްޑް ކަޕްގެ އޮފިޝަލް ބިޔަރު ސްޕޮންސަރަކަށް ވުމަށް އެމެރިކާގެ ބިޔަރު އުފައްދާ ކުންފުނި ބަޑްވައިޒާ ވަނީ ފީފާއާއެކު 75 މިލިއަން ޑޮލަރުގެ އެއްބަސްވުމެއް ހަދާފައެވެ. ނަމަވެސް ފުރަތަމަ މެޗުގެ ދެ ދުވަސް ކުރިން ފީފާގެ ސްޓޭޑިއަމްގައި ރާ ވިއްކުން މަނާކުރަން ނިންމުމުން އެ އެއްބަސްވުމަށް ބަދަލު ގެނައެވެ.
އޭގެ ބަދަލުގައި ބަޑްވައިޒާ ނިންމީ މުބާރާތް ކާމިޔާބުކުރާ ގައުމަށް ހުރިހާ ބިޔަރުތަކެއް ދޫކޮށްލުމަށެވެ.
މުޅި މުބާރާތުގައި ރިއަލް ޓައިމްގައި އަޕްޑޭޓްކުރާ ލައިވް އެންއެފްޓީތައް އެ މީހުން އަންނަނީ ވިއްކަމުންނެވެ. ލައިވް ސްކޯބޯޑް އެންއެފްޓީތަކުން ހޯލްޑަރުންނަށް އެނިމޭޓެޑް ސްކޯބޯޑެއް ހުށަހަޅައިދޭއިރު، އެ ޓީމުން ހޮވާފައިވާ ގައުމެއް ހިމަނައިގެން އެ ޓީމުގެ ތަފާސް ހިސާބުތައް ބެލޭނެއެވެ.
ބަޑްވާސް އެންއެފްޓީއެއްގެ ކޮންމެ މިންޓެއްގެ އަގަކީ 100 ޑޮލަރެވެ. އޭގެ ތެރޭގައި ފިޒިކަލް މާޝް ޕެކެއް ހިމެނޭއިރު ސްކާފް އަކާއި ކުލަ ބަދަލުކުރާ ބަޑްވައިޒާ އެލުމިނިއަމް ކަޕާއި ޓްރޭޑިން ކާޑެއް ހިމެނެއެވެ. އަދި މުބާރާތަށް ވީއައިޕީ ދަތުރެއް ކާމިޔާބު ކުރުމުގެ ފުރުސަތު ހޯދުމަށް ގަންނައިރު ސްވީޕްސްޓޭކަށް ވަނުމުގެ ފުރުސަތު ވެސް ހޯލްޑަރުންނަށް ލިބެއެވެ.
ޓެކްނޮލޮޖީ ދިރާސާކުރާ ފަރާތެއް، ގްރެފިކް ޑިޒައިނަރެއް
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.