އެޕަލް ފަދަ އިލެކްޓްރޯނިކްސް ކުންފުނިތަކުން އަމިއްލައަށް ބެޓެރީ ނައްތާލައި ބަދަލުކުރުމުގެ ފުރުސަތު ކަސްޓަމަރުންނަށް "ފަސޭހައިން" ލިބޭނެ ކަން ކަށަވަރު ކުރަން ޖެހޭ ގޮތަށް އާ ގާނޫނެއް ޔޫރަޕް އިން ހުށަހަޅައިފި އެވެ.
އެޕަލް އިން މިހާރުވެސް ވަނީ ޔޫރަޕްގެ ގިނަ ގާނޫނީ ޝަރުތުތަކާ ދެކޮޅަށް ނުކުމެފައެވެ.
އެންމެ ފަހުގެ އެއް މިސާލަކީ، ހުރިހާ ކުދި ކޮންސިއުމާ އިލެކްޓްރޯނިކްސް ޑިވައިސްތަކަށް އެއް ޗާޖަރެއް ބޭނުން ކުރުމުގެ ހުއްދަ ދީގެން ކަރަންޓް ކުނި މަދުކުރުމުގެ ގޮތުން 2024 ވަނަ އަހަރުގެ ކުރިން ވަޔަރޑް ޗާޖިންއަށް ޔޫއެސްބީ-ސީ ބޭނުންކުރުން މަޖުބޫރުކުރުމެވެ. މިކަމަށް އަމަލުކުރަން ފަށާނީ 2024 ވަނަ އަހަރު އެވެ. އެހެން ކަމުން އަންނަ އަހަރުގެ އައިފޯން 15 ގައި ލައިޓްނިންގ ގެ ބަދަލުގައި ޔޫއެސްބީ-ސީ ހިމެނޭނެ ކަމަށް ލަފާ ކުރެވެއެވެ. އައިޕެޑާއި މެކްބުކްސް މިހާރުވެސް ޔޫއެސްބީ-ސީ އިން ޗާޖު ކުރެވެއެވެ، އެހެން ކަމުން އައިފޯނަށް ވެސް ޔޫއެސްބީ-ސީ އެޑް ކުރާނެ ކަމަށް ލަފާ ކުރެވެއެވެ.
އަނެއް ގާނޫނަކީ ތާޑް ޕާޓީ ބޭންކިން އެޕްލިކޭޝަންތަކާއި ތާޑް ޕާޓީ އެޕް ސްޓޯރުން އައިފޯންގެ އެންއެފްސީ ޗިޕަށް އެކްސެސް ކުރުމެވެ.
ޕޮކެޓްނައުއިން ފެނުނު ޔޫރަޕިއަން ޔޫނިއަންގެ އަނެއް ގާނޫނަކީ އިލެކްޓްރޯނިކް ޑިވައިސްތައް އުފައްދާ ކުންފުނިތަކުން ކަސްޓަމަރުންނަށް ޑީއައިވައި ބެޓެރީ ބަދަލުކުރުމުގެ މަސައްކަތް "ފަސޭހައިން" ކުރުމުގެ ފުރުސަތު ދިނުމެވެ. އެހެންނަމަވެސް، އެ ޝަރުޠަށް ޢަމަލުކުރަން ފަށާނީ ޤާނޫނަށް ޢަމަލުކުރަން ފަށާތާ 3.5 އަހަރު ފަހުން ކަމަށްވާތީ، ކުންފުނިތަކަށް ވަރަށް ގިނަ ނޯޓިސް ލިބިގެންދާނެއެވެ.
އަދި ކުންފުނިތަކުން ކުރީގެ ބެޓެރީތައް ބަލައިގަނެ ރީސައިކަލް ކުރަން ވެސް ގާނޫނީ ގޮތުން މަޖުބޫރުވާއިރު، ޗާޖަރު ގާނޫނާ އެއްގޮތަށް، މި ޤާނޫނުގެ ވިސްނުމަކީ ކަރަންޓުގެ ކުނި މަދުކުރުމެވެ.
އަދި ވަކި ކަލެކްޝަން އަދި ރީސައިކަލް ޓާގެޓްތަކެއް ކަނޑައެޅިގެންދާނެ ކަމަށް ވެސް ބެލެވެ އެވެ.
މީގެ އިތުރުން، ޔޫރަޕިއަން ޕާލަމެންޓަށް ގާނޫނުތައް ހުށަހަޅަން ނިންމާފައިވާ ޔޫރަޕިއަން ކޮމިޝަނުން ރިޗާޖް ނުކުރެވޭ ޕޯޓަބަލް ބެޓެރީ ބޭނުންކުރުން މަނާކުރުމާ މެދު ވިސްނާނެ ކަމަށް ވެސް ބެލެވެއެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.