އެންޑްރޮއިޑް 14 އަކީ ގޫގުލްގެ މޮބައިލް އޮޕަރޭޓިން ސިސްޓަމްގެ އެންމެ ފަހުގެ އަޕްޑޭޓަށްވާއިރު، އެއީ އެންޑްރޮއިޑް ޑިވައިސްތަކަށް އާ ފީޗާތަކާއި އިމްޕްރޫވްމަންޓްތަކެއް ގެނައުމަށް ތައްޔާރުވެފައިވާ އުފެއްދުމެކެވެ. އެންޑްރޮއިޑް 14 ރިލީޒްކުރާނެ ތާރީހެއް އަދި ރަސްމީކޮށް އިއުލާނު ކޮށްފައި ނުވި ނަމަވެސް، ކުރިއަށް އޮތް ތަނުގައި (ކައިރި މުސްތަގުބަލެއްގައި) ރިލީޒް ކުރާނެ ކަމަށް އަޑުތައް ފެތުރިފައިވެ އެވެ. މި ލިޔުމުގައި ވާހަކަ ދައްކާނީ އެންޑްރޮއިޑް 14 އަށް ލީކުވެފައިވާ ނުވަތަ ކަށަވަރުކޮށްފައިވާ އާ ފީޗާތަކާ ބެހޭ ގޮތުންނެވެ. އަދި މި އާ އޮޕަރޭޓިން ސިސްޓަމާ ގުޅޭނެ ޑިވައިސްތަކަށްވެސް ބަލައިލާނަމެވެ.
މި އޮޕަރޭޓިން ސިސްޓަމްގެ ބީޓާއެއް ވެސް އަދި އޯޕަން ވާޝަނެއް ވެސް މިވަގުތު ނެތެވެ. އެހެންނަމަވެސް، ގޫގުލްގެ އާދައިގެ ސްޓްރެޓެޖީ، އެކުންފުނީގެ ސިސްޓަމާއެކު އެނަލައިޒްކޮށްފިނަމަ، އަޕްޑޭޓް ޝެޑިއުލެއް އެކުލަވާލެވިދާނެއެވެ. ގޫގުލް ޕިކްސެލްގެ އެކްސްޕެރިމެންޓަލް އަޕްގްރޭޑެއް ކަމަށްވާ "ޑެވް ޕްރިވިއު" (ޕިކްސެލް 5 އިން ފަށައި، އަލަށް ތައާރަފުކުރާ) އަކީ 2023 ވަނަ އަހަރުގެ ފެބްރުއަރީ މަހު ލޯންޗްކުރާއިރު އެންޑްރޮއިޑް 14 އެންމެ ފުރަތަމަ ފެންނާނެ އެއް ޑިވައިސްއަށް ވާނެއެވެ.
އެންޑްރޮއިޑް 14 ގެ ފުރަތަމަ އޯޕަން ބީޓާ އަށް އުންމީދުކުރާނަމަ އެ ކުންފުނީގެ އެންމެ ބޮޑު އިވެންޓް ކަމަށްވާ ގޫގުލް އައި/އޯ އާ ހަމައަށް އިންތިޒާރު ކުރަން ޖެހޭނެއެވެ. ކުރީ އަހަރުތަކަށް ބަލާއިރު 2023 ވަނަ އަހަރުގެ މެއި މަހާ ހަމައަށް އިންތިޒާރު ކުރަން ޖެހޭނެ ކަމަށް ބައެއް ރިޕޯޓްތަކުން އިޝާރާތް ކުރި ނަމަވެސް ސީދާ ތާރީހެއް އަދި ނޭނގޭއެވެ. މެއި މަހުގެ ތެރޭގައި އޭގެ ބީޓާ ނެރޭނެ ކަމަށް ލަފާކުރެވުނަސް އެންމެ އަވަހަށްވެސް ފައިނަލް ވާޝަން ނެރޭނެ ކަމަށް އެންމެ ބޮޑަށް ބެލެވެނީ ސެޕްޓެމްބަރު މަހުގެ ތެރޭގައެވެ.
ވާޝަން 14 އަށް އަޕްޑޭޓް ކުރާނީ އެންޑްރޮއިޑް ކޮމްޕެޓިބަލް ކޮން ސްމާޓްފޯނުތަކެއް ކަމެއް ، ކޮން ޓެބްލެޓްތަކެއް ކަމެއްވެސް އެހެނިހެން ޑިވައިސްތަކެއް ކަމެއް އަދި އެއްވެސް މަސްދަރަކުން ކަށަވަރުކޮށެއް ނުދެއެވެ. ނަމަވެސް އެންމެ ފުރަތަމަ މި އަޕްޑޭޓް ލިބޭނީ ހަމަގައިމުވެސް ގޫގުލްގެ އެންމެ ފަހުގެ ފޯނުތަކަކަށް ކަމަށްވާއިރު އެނަޞީބުވެރިންނަކީ ގޫގުލް ޕިކްސެލް ފޯނުތަކުގެ ވެރިންކަމުގައި ބެލޭނެ ޖާގަ އެބައޮތެވެ.
ގޫގުލް ޕިކްސެލް 4އޭ.
ގޫގުލް ޕިކްސެލް 5.
ގޫގުލް ޕިކްސެލް 5އޭ.
ގޫގުލް ޕިކްސެލް 6.
ގޫގުލް ޕިކްސެލް 6 ޕްރޯ.
ގޫގުލް ޕިކްސެލް 6އޭ.
ގޫގުލް ޕިކްސެލް 7.
ގޫގުލް ޕިކްސެލް 7 ޕްރޯ.
އެންޑްރޮއިޑްގެ ކޮންމެ ޑިވައިސްއެއްވެސް އެންޑްރޮއިޑް 14 އަށް އަޕްޑޭޓް ކުރާނެ ޓައިމްލައިނަކާއި އެކަން ކުރާނެ މެތަޑެއް ގޫގުލްއިން ޝާއިއު ކުރާނެއެވެ. އާންމުގޮތެއްގައި މޮބައިލް ޑިވައިސްތަކަށް މި ފަދަ އަޕްޑޭޓްތައް ލިބޭހާ އަވަހަކަށް އަޕްޑޭޓް ނޯޓިފިކޭޝަނެއް ފެންނާނެއެވެ. މިފަދަ ނޮޓިފިކޭޝަނެއް ލިބިއްޖެ ނަމަ ސިސްޓަމް ސެޓިންތައް މެދުވެރިކޮށް ނުވަތަ މެނުއަލް ސާޗް ކޮށްގެން ވެސް އަޕްޑޭޓް ކުރެވިދާނެއެވެ.
އެންޑްރޮއިޑް 14 އާ ބެހޭ ގޮތުން ދެކެވޭ އެންމެ ބޮޑު އެއް ވާހަކައަކީ "މެޓީރިއަލް ޔޫ" ގެ ނަމުގައި އާ ފީޗާއަކާ އެކު އަންނާނެ ވާހަކަ އެވެ. މި ފީޗާގެ ސަބަބުން ޑިވައިސްގެ ޔޫޒަރ އިންޓަފޭސް އެމީހަކު ބޭނުންވާ ގޮތަށް ކަސްޓަމައިޒްކޮށް، ތަފާތު ކުލައާއި މެޓީރިއަލް އޮޕްޝަންތައް ބޭނުންކުރެވޭނެއެވެ. މިކަމުގެ ސަބަބުން ޑިވައިސް ބޭނުންކުރާ މީހުންނަށް އެމީހުން ބޭނުންވާ ކޮންމެ ގޮތަކަށް އެމީހުންގެ ޑިވައިސް ބަދަލުކޮށްލުމުގެ ފުރުޞަތު ވަރަށްބޮޑަށް ލިބިގެންދާނެއެވެ.
އެންޑްރޮއިޑް 14 ގެ އަނެއް އާ ވާހަކައަކީ ނެޓްވޯކް ބޭނުންކުރުން ރަނގަޅުކުރުމެވެ. މީގެ ތެރޭގައި ޑޭޓާ ބޭނުންކުރާ މިންވަރު ބެލެހެއްޓުމަށް އެހީތެރިވެދޭނެ އާ ވަސީލަތްތަކާއި ޑިވައިސް ބޭނުންކުރާއިރު ޑޭޓާ ސޭވް ކުރުމަށް އެހީތެރިވެދޭނެ އާ ފީޗާތައް ވެސް ހިމެނެއެވެ.
އެންޑްރޮއިޑް 14 ގެ އަނެއް އާ ފީޗާއަކީ އަންނަ މީޑިއާތައް އޮޓޯ ސޭވް ކުރުމެވެ. މީގެ ސަބަބުން މެނުއަލްކޮށް ސޭވް ނުކޮށް، އަންނަ މެސެޖުތަކުން އޮޓޮމެޓިކުން ފޮޓޯ އާއި ވީޑިއޯ ސޭވް ކުރެވޭނެއެވެ. މިއީ ބޭނުންކުރާ މީހުންނަށް ވަރަށް ބޮޑަށް ވަގުތު ސަލާމަތް ކުރެވި، މުހިންމު މީޑިއާތައް ބެލެހެއްޓުމަށް ފަސޭހަވެގެންދާނެ ކަމެކެވެ.
އެންޑްރޮއިޑް 14 ގައި ގްރެނިއުލާ މީޑިއާޕާމިޝަންތަކަކީ ވެސް އާ ފީޗާއަކަށް ވެދާނެ އެވެ. މިކަމުގެ ސަބަބުން އެކި ބާވަތްތަކުގެ މީޑިއާތައް ކަމަށްވާ ފޮޓޯ ނުވަތަ ވީޑިއޯ ފަދަ އެކި ލެވެލްތަކަށް ޕަރ އެޕް އުސޫލުން އެކްސެސް ސެޓް ކުރެވޭނެ އެވެ. މިކަމުގެ ސަބަބުން ބޭނުންކުރާ ފަރާތްތަކުގެ ޕްރައިވެސީ އާއި ސެކިއުރިޓީގެ މައްޗަށް އިތުރު ކޮންޓްރޯލެއް ލިބިގެންދާނެ ކަމަށާއި، ބޭނުން ނުވާ ފަދަ ނާޒުކު މައުލޫމާތުތައް ލިބުން ހުއްޓުވުމަށް މަގުފަހިވެގެންދާނެ ކަމަށް ރިޕޯޓްތައް ބުނެއެވެ.
އެންޑްރޮއިޑް 14 ގެ އާ ފީޗާތަކުގެ ތެރޭގައި ހިމެނޭ އެންމެ ބޮޑު އެއް ފީޗާއަކީ ހެލްތު ކަނެކްޓެވެ. މި އާ ފީޗާގެ ސަބަބުން އެކި ޑިވައިސްތަކުން ސިއްހަތާއި ފިޓްނަސް ޑޭޓާއާ ގުޅިފައި ހުރުމަށް އެހީތެރިވެދެ އެވެ. ހެލްތް ކަނެކްޓާއެކު އެކި ޑިވައިސްތަކުން އެމީހުންގެ ސިއްހަތާއި ފިޓްނަސްގެ ހުރިހާ ޑޭޓާއެއް އެއްތަނަކުން ބަލައިލެވޭއިރު، އޭގެ ސަބަބުން އެމީހުންގެ ކުރިއެރުން ދެނެގަނެ ލަނޑުދަނޑިތައް ކަނޑައެޅުމަށް ފަސޭހަވެގެންދާނެ ކަމަށެވެ.
އެންޑްރޮއިޑް 14 ގެ އަނެއް ހިތްގައިމު އާ ފީޗާއަކީ ސެޓެލައިޓް ކަނެކްޝަނެވެ. މި ފީޗާގެ ސަބަބުން ނެޓްވޯކްތަކުގެ ރޭންޖުން ބޭރުގައި ހުރެގެންވެސް ސެޓެލައިޓް ނެޓްވޯކްތަކަށް ގުޅާލެވޭނެއެވެ. އެކަމުގެ ސަބަބުން މޯބައިލް ނެޓްވޯކް ނުލިބޭ ދުރު ނުވަތަ ރަށްފުށުގެ ސަރަހައްދުތަކުގައި ތިބެގެން ވެސް ފޯނުން ގުޅާލެވޭނެ ކަމަށް ރިޕޯޓްތަކުގައި ފާހަގަކޮށްފައިވެއެވެ. ހާއްސަކޮށް ދުރު ހިސާބުތަކަށް ގިނައިން ދަތުރުކުރާ މީހުންނަށް މިއީ ވަރަށް ބޭނުންތެރި ކަމަކަށް ވާނެ ކަމަށް ގިނަބަޔަކު ބުނެއެވެ.
މިފީޗާ އާއި ގުޅިގެން މުސްތަގުބަލުގައި ޕިކްސެލް ފޯނުތަކުގައި ގޫގުލް އިން އިތުރުކޮށްފައިވާ ސެޓެލައިޓް ކެޕޭސިޓީ ހުންނާނެ ކަމަށް ބެލެވެ އެވެ. އެހެން ނަމަވެސް އެހެން އެގޮތަށް އެކަމަށް ވިސްނައިގެން އެހެން ކުންފުނިތަކުން އެކަން ކުރާނެ ކަމެއް ނޭނގެ އެވެ. މީގެ އިތުރުން ސެޓެލައިޓް ޓެކްނޮލޮޖީ އަކީ ހިލޭ ލިބޭނެ ޓެކްނޮލޮޖީއެއްތޯ ނުވަތަ މެމްބަޝިޕެއް ބޭނުންވާނެ ކަމެއްތޯ ވެސް ނޭނގެ އެވެ.
މިފަހަކަށް އައިސް ނެވިގޭޝަން އިޝާރާތްތައް ވަރަށް ބޮޑަށް މަގުބޫލުވެފައިވާއިރު އެންޑްރޮއިޑް 14 ގެ އާ ނެވިގޭޝަން ޖެސްޗާސް ފީޗާއާއެކު މި ޓްރެންޑް ކުރިއަށް ގެންދިއުމަށް ވަނީ ހަމަޖެހިފައެވެ. މި އާ ފީޗާއާ އެކު ތަފާތު އިޝާރާތްތައް ބޭނުންކޮށްގެން ފަސޭހަކަމާ އެކު ޑިވައިސްތައް ނެވިގޭޓް ކުރެވޭނެ އެވެ. މިކަމުގެ ސަބަބުން އެކި އެކި އެޕްލިކޭޝަންތަކާއި ފަންކްޝަންތަކަށް ވަނުމަށް ފަސޭހަވެ، ސްކްރީން ޑިކްލަޓާވެ، ކަންކަން ހިނގަމުންދާ ގޮތް ބެލުމަށް ވެސް ފަސޭހަވެގެންދާނެ އެވެ.
ގޫގުލް އިން މިހާރު ވަނީ އެންޑްރޮއިޑް 14 ގެ ޑިވެލޮޕަރ ޕްރިވިއުއެއް ނެރެ، ޑިވެލޮޕަރުންނަށް އާ އެޕްލިކޭޝަންތަކާއި ފީޗާތައް އުފެއްދުމުގައި ހެޑް ސްޓާޓް ކުރުމުގެ ފުރުސަތު ދީފަ އެވެ. ޑެވް ޕްރިވިއުގެ ސަބަބުން ޑިވެލޮޕަރުންނަށް އެމީހުންގެ އެޕްލިކޭޝަންތައް ޓެސްޓުކޮށް އާ އޮޕަރޭޓިން ސިސްޓަމްގައި މަސައްކަތް ކުރާ ގޮތް ބަލާލެވޭނެ ކަމަށާއި އެގޮތުން ރަސްމީކޮށް ރިލީޒް ކުރުމުގެ ކުރިން ގެންނަން ޖެހޭ ކޮންމެ ބަދަލެއް ގެނެވޭނެއެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.