އެޕަލްގެ އައިފޯނަކީ ޝައްކެއްވެސްނެތްގޮތުގައި މިހާތަނަށް އުފެއްދި އެންމެ މަގުބޫލު އެއް ސްމާޓްފޯނެވެ. ސްލީކް ޑިޒައިން އާއި އެޑްވާންސް ފީޗާސް އަށް އެފަދަ ދެވަނައެއް ނެތްހާމަޝްހޫރު ސްމާޓްފޯނެކެވެ. އައިފޯނަށް ލޯބިކުރާ ގިނަބަޔަކު ފެށުނީއްސުރެ އައިފޯން ގެންގުޅެމުންދާއިރުވެސް އޭގެ ނޭންގޭ ސިއްރުތަކެއް ހުރިކަން އެނގޭހެއްޔެވެ. ފަހަރެއްގައި މިއީ ތިޔަބޭފުޅުންނަށް މުޅިން އާ އުކުޅުތަކަކަށް ނުވެދާނެއެވެ. ނަމަވެސް މިލިޔުމުގައި އައިފޯނަށް ކުރެވޭނެ ސަޅި 7 ކަމަކަށް ބަލައިލާނަމެވެ.
1.ފޯނުގެ ފަހަތަށް ނުވަތަ ބެކް އަށް ޓެޕްކުރުން:
އައިފޯނުގެ ފަހަތަށް ޓެޕްކޮށްގެން ވަކި ކަންތައްތަކެއް ކުރެވޭނެކަން އެނގޭ ހެއްޔެވެ؟ "ބެކް ޓެޕް" ގެ ނަމުގައި އުފައްދާފައިވާ މި ފީޗާގެ ސަބަބުން އައިފޯނުގެ ފަހަތުގައި ޑަބަލް ޓެޕް ނުވަތަ ޓްރިޕްލް ޓެޕްކޮށްގެން އެކްޝަންތައް ކަސްޓަމައިޒް ކުރެވޭނެ އެވެ. ސްކްރީންޝޮޓެއް ނެގުމާއި، ކޮންޓްރޯލް ސެންޓަރު ހުޅުވުމާއި، ނުވަތަ ސިރީ ލޯންޗް ކުރުން ފަދަ އެކިއެކި މަސައްކަތްތައް ކުރުމަށް ސެޓްއަޕް ކުރެވިދާނެއެވެ. މި ފީޗާ އެނެބަލް ކުރުމަށްޓަކައި ސެޓިންގސް > އެކްސެސިބިލިޓީ > ޓަޗް > ބެކް ޓެޕް އަށް ގޮސް، ބޭނުންވާ ކަންތައްތައް ސެޓްއަޕް ކުރާށެވެ.
2.ޕްރެސިޝަން އާއި އެކު ޓެކްސްޓް ފޮހެލުން:
ލިޔުމެއްގައި ނުވަތަ މެސެޖެއްގައި ލިޔެފައިވާ ލިޔުން ސީދާ އެޑިޓް ނުވަތަ ޑިލީޓް ކުރަން މަސައްކަތް ކުރުމުގައި އުނދަގޫތަކެއް ކުރިމަތިވެފައިވޭތޯއެވެ؟ އާދެ، ތިބާގެ އައިފޯނުގައި މި މަސައްކަތަށް ވަރަށް ފަސޭހަ ފީޗާއެއް ހިމަނާފައި ވެއެވެ. ކީބޯޑްގައި ހުންނަ ސްޕޭސް ބާރ އަށް ފިތާލުމުން، ކީތައް ޓްރެކްޕެޑަކަށް ބަދަލުވާނެއެވެ. މިހާރު އެޑިޓް ކުރުމަށް ކަރސަރ ސީދާ ޕޮޒިޝަން ކުރުމަށް އިނގިލި ވަށައިގެން ގެންގޮސް ނުވަތަ ކަނާތް ފަރާތަށް ސްވައިޕްކޮށްގެން ޓެކްސްޓް ޕްރެސިޝަން ޑިލީޓް ކުރުމުން ޓެކްސްޓް އެޑިޓް ކުރުން ފަސޭހަވެގެންދެއެވެ.
3.ސިއްރު މައުސްއެއް އެކްޓިވޭޓް ކުރުން:
އައިއޯއެސް 13 ނުވަތަ ފަހުގެ އައިފޯނެއް ބޭނުންކުރާނަމަ، ހަގީގަތުގައި އައިފޯން އައިޕެޑް ނުވަތަ މެކް އަށް ވާޗުއަލް މައުސްއަކަށް ބަދަލުކުރެވޭނެ އެވެ. މި ފޮރުވިފައިވާ ފީޗާ އެކްޓިވޭޓް ކުރުމަށްޓަކައި ސެޓިންގސް > އެކްސެސިބިލިޓީ > ޓަޗް > އެސިސްޓިވްޓަޗް އަށް ގޮސް "އެސިސްޓިވްޓަޗް" ޓޮގްލް އޮން ކުރާށެވެ. މިހާރު އައިޕެޑް ނުވަތަ މެކް އާއި އައިފޯން ގުޅުވާލުމުން މައުސްއެއްގެ ގޮތުގައި ބޭނުންކުރެވޭއިރު، ކަރސަރ ކޮންޓްރޯލާއި މައުސްއަކުން ކުރާ އެހެނިހެންވެސް ކަންކަން ކުރުމަށް ފަސޭހަވެގެންދެއެވެ.
4.ނޭނގި ކޮށްލެވޭ ކަމަކުން ކޯލް މެދުކެނޑުން ހުއްޓުވުން:
ފޯނުން ވާހަކަ ދައްކަމުން ދަނިކޮށް ކޯތާފަތުން ޓަޗްވެގެން "އެންޑް ކޯލް" ބަޓަން ފިތިގެން ކޯލެއް މެދުކެނޑުނު ހެއްޔެވެ؟ އެކަން ހުއްޓުވޭނެގޮތްވެސް އައިފޯނުގައި ވަނީ ހިމަނާފައެވެ. މިކަން ހައްލުކޮށްލުމަށް ހަމައެކަނި ސެޓިންގސް > ޖެނެރަލް > އެކްސެސިބިލިޓީ > ކޯލް އޯޑިއޯ ރޫޓިންގ އަށް ގޮސް، ޑިފޯލްޓް އޯޑިއޯ ރޫޓެއްގެ ގޮތުގައި "ސްޕީކަރ" ނުވަތަ "ބްލޫޓޫތު ހެޑްސެޓް" ނަގާށެވެ. މިގޮތަށް ސެޓިން ހަދާލުމުން ކޯތާފަތުން "އެންޑް ކޯލް" ބަޓަން ފިއްތާލިޔަސް ސްޕީކަރއިން ނުވަތަ ގުޅިފައިވާ ބްލޫޓޫތު ހެޑްސެޓް މެދުވެރިކޮށް ކޯލް މެދުނ ނުކެނޑި ކުރިއަށްދާނެއެވެ.
5.މިރަރޑް ސެލްފީ ނެގުން:
ޓެކްސްޓެއް ނުވަތަ ބެކްގްރައުންޑްގައި ލޯގޯއެއް ޖަހައިގެން ސެލްފީއެއް ނަގަން އުޅޭއިރު، ފޮޓޯގައި ރިވަރސްކޮށް ފެންނަ ނަމަ މިއޮތީ އެކަމުގެ ހައްލެކެވެ. އައިފޯނުގައި ކެމެރާ އެޕް ހުޅުވާލުމަށްފަހު ސެލްފީ ނެގުމުގެ ކުރިން ސްކްރީންގެ މަތީ ކަނާތްފަރާތުގައިވާ ސަރކިއުލަރ އެރޯ އައިކޮން އަށް ފިތާލުމުން ކެމެރާ ފްލިޕް ކޮށްލާށެވެ. މިހާރު ސެލްފީ ނަގާއިރު ބެކްގްރައުންޑްގައި ހުންނަ ޓެކްސްޓް ނުވަތަ ލޯގޯ ރަނގަޅަށް ފެންނާނެއެވެ. ލޯގަނޑު ތަސްވީރަކަށް ބަލަމުންދާ ފަދައިންނެވެ.
6.ކަސްޓަމް ސައުންޑް ރިކޮގްނިޝަން ސެޓްކުރުން:
އައިފޯނަށް ހަގީގަތުގައި ވަކި އަޑުތަކެއް އަޑުއަހާ، އެ އަޑުތަކުގެ މައްޗަށް ބިނާކޮށް ޚާއްޞަ ކަންތައްތަކެއް ކުރެވޭނެކަން އެނގޭ ހެއްޔެވެ؟ "ސައުންޑް ރިކޮގްނިޝަން" ގެ ނަމުގައި އުފައްދާފައިވާ މި ފީޗާގެ ސަބަބުން ތުއްތު ކުއްޖަކު ރޮއި، ދޮރުގެ ބެލް ޖަހާ، ނުވަތަ ފަޔަރ އެލާމް ޖަހާ ފަދަ ކަންކަމަށް ކަސްޓަމް ސައުންޑް އެލާޓް ސެޓްއަޕް ކުރެވޭނެ އެވެ. މި ފީޗާ އެނެބަލް ކުރުމަށްޓަކައި ސެޓިންގސް > އެކްސެސިބިލިޓީ > ސައުންޑް ރިކޮގްނިޝަން އަށް ގޮސް "ސައުންޑް ރިކޮގްނިޝަން" ޓޮގްލް އޮން ކޮށްލާށެވެ. އެއަށްފަހު އައިފޯނުން އަޑުއަހަން ބޭނުންވާ ވަކި އަޑުތަކެއް އިތުރުކޮށް، ނޮޓިފިކޭޝަނެއް ލިބުމާއި ނުވަތަ އެލްއީޑީ ލައިޓް ދިއްލުން ފަދަ އަޅަންޖެހޭ ފިޔަވަޅުތައް ސެޓްއަޕް ކުރެވިދާނެ އެވެ.
7.ޓައިޕް ނުކޮށް އިމަރޖެންސީ ނަމްބަރަކަށް ގުޅުން:
ކުއްލިއަކަށް ދިމާވާ ކަމެއްގެ ސަބަބުން އިމަރޖެންސީ ނަމްބަރަކަށް ގުޅާލަން ވަރަށް އަވަހަށް ޖެހިދާނެއެވެ. އަދި ޓައިޕް ކުރަން ނުވަތަ ވާހަކަ ދައްކަން ނުކުޅެދިއްޖެ ނަމަ އައިފޯނުން އެކަމަށްވެސް އެހީތެރިވެދެވިދާނެ އެވެ. އައިއޯއެސް 11 ނުވަތަ އޭގެ ފަހުގެ އައިފޯންތަކުގައި ކުއްލި ހާލަތަކަށް ކޯލެއް އިނިޝިއޭޓް ކުރެވޭނެ އެވެ.
އެކަން ކޮށްލުމަށްޓަކައި، އެއްފަހަރާ ސައިޑް ބަޓަން އާއި ވޮލިއުމް ނަންބަރުތަކުގެ ތެރެއިން އެއް ނަންބަރު ފިއްތާލުމުން އިމަޖެންސީ އެސްއޯއެސް ސްލައިޑަރެއް ފެންނާނެ އެވެ. އެއަށްފަހު، އިމަޖެންސީ ކޯލް ސްލައިޑަރ، ހުރަސްކޮށް ދަމާލުމުން، ފޯނުން އިމަޖެންސީ ޚިދުމަތްތަކަށް ގުޅާނެ އެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.