ސެމްސަންގްގެ ވިޔަފާރި ދުވަހަކު ދަށްނުވާ މިންވަރަށް މި އަހަރުގެ ދެވަނަ ކުއާޓަރުގައި ދަށަށް ހިންގައްޖެކަމަށް ބައިނަލް އަޤުވާމީ މީޑިއާތަކުން ރިޕޯޓްކޮށްފިއެވެ.
ބީބީސީއިން ރިޕޯޓްކޮށްފައިވާ ގޮތުގައި އެކުންފުނީގެ ވިޔަފާރިއަށް އައި ހަލަބޮލި ކަމަކަކީ މިދިޔަ ބުރާސްފަތި ދުވަހު އެ ކުންފުނީގެ ސެމިކޮންޑަކްޓާ ވިޔަފާރިއަށް ރެކޯޑް އަދަދެއްގެ ބޮޑު ގެއްލުމެއް ލިބުމާ ގުޅިގެން ޓެކް ޑިވައިސްތަކަށް އޮތް ޑިމާންޑް ދަށްވުމުގެ ސަބަބުން އައި ހަލަބޮލި ކަމަކެކެވެ.
އިޤްތިޞާދީ ހީނަރުކަމާއި ކަސްޓަމަރުންގެ ވިޔަފާރި ދަށްވުމުގެ ސަބަބުން ދުނިޔޭގެ އެކި ކަންކޮޅުތަކުގައި ސެމިކޮންޑަކްޓަރ ގަންނަ މިންވަރު ދަށަށް ދިއުމުގެ ސަބަބުން ފުރަތަމަ ކުއާޓަރުގައި ޗިޕްގެ އަގުތައް ދަށަށް ދިއުމުގެ ސަބަބުން މި ދާއިރާގެ އުފެއްދުންތައް ވަނީ ދަށްވެފައެވެ.
ސެމްސަންގް (އެސްއެސްއެންއެލްއެފް) އިން ބުނީ އެ ކުންފުނީގެ ޗިޕް ވިޔަފާރީގެ މައިގަނޑު އަމާޒަކީ ހައި ކެޕޭސިޓީގެ ސާވާ އާއި މޮބައިލް ޕްރޮޑަކްޓްތަކަށް "މަޑުމަޑުން މާކެޓް ރިކަވަރީވެ ދުނިޔޭގެ ޑިމާންޑް ރިބައުންޑްވާނެ ކަމަށް ކުރެވޭ އުންމީދުތަކުގެ މައްޗަށް ބިނާކުރުން" ކަމަށެވެ.
މި ކުއާޓަރުގައި ސެމްސަންގުން ބުނީ މެމޯރީ ޗިޕްތަކަށް ލިމިޓެޑް ރިކަވަރީއެއް ލިބޭނެ ކަމަށް އުންމީދު ކުރަނީ ބޮޑެތި ޑޭޓާ ސެންޓަރު ކުންފުނިތަކުން ސާވާތަކުގައި އިތުރަށް ކޮންޒަވޭޓިވްކޮށް އިންވެސްޓް ކުރާތީ ކަމަށެވެ.
ދުނިޔޭގެ އެންމެ ބޮޑު މެމޯރީ ޗިޕް އުފައްދާ ކުންފުނި ސެމްސަންގް އިން ބުނީ ޖެނުއަރީ-މާޗް ކުއާޓާގައި އޮޕަރޭޓިން ޕްރޮފިޓް 640 ބިލިއަން ވޮން (478.6 މިލިއަން ޑޮލަރު) އަށް ވެއްޓިފައިވާ ކަމަށާއި މިއީ އޭގެ ކުރީ އަހަރު 14.12 ޓްރިލިއަން ވޮން އަށް ވުރެ 95 ޕަސެންޓް ދަށް އަދި 14 އަހަރުގެ ތެރޭގައި ލިބުނު އެންމެ ދަށް ފައިދާ ކަމަށެވެ.
ދެކުނު ކޮރެއާގެ ޗިޕް ޑިވިޜަން އަކީ އާންމުގޮތެއްގައި އެންމެ އިތުބާރު ކުރެވޭ ކޭޝް ފްލޯ ކަމަށްވިޔަސް، 4.58 ޓްރިލިއަން ވޮންގެ ގެއްލުމެއް އެ ދާއިރާއިން ލިބިފައިވާއިރު، އޭގެ އެއް އަހަރު ކުރިން ލިބުނު ފައިދާއަކީ 8.45 ޓްރިލިއަން ވޮން އެވެ.
އިންފްލޭޝަން އިތުރުވުމާ ގުޅިގެން ދުނިޔޭގެ އެކި ކަންކޮޅުތަކުގައި ވިޔަފާރިކުރާ ފަރާތްތަކުން ވަނީ ގަންނަ ތަކެތި މަދުކޮށްފަ އެވެ. ނަތީޖާއެއްގެ ގޮތުން ސްމާޓްފޯނާއި ޕާސަނަލް ކޮމްޕިއުޓާ އަދި ސާވާ ކުންފުނިތަކުން އިންވެންޓްރީތައް ދަށަށް ދިއުމުގެ ސަބަބުން ޗިޕްގެ އަގު މިދިޔަ ނުވަ މަސް ދުވަހާ އަޅާ ބަލާއިރު ގާތްގަނޑަކަށް 70 ޕަސެންޓް ދަށަށް ވަނީ ގޮސްފައެވެ.
ސެމްސަންގުން ޗިޕް އުފެއްދުން މެދުކަނޑަލުމަށްފަހު ކުދި ވާދަވެރިންނާ ގުޅިފައިވާ ކަމަށް ބައެއް ރިޕޯޓްތައް ބުނާއިރު، މިކަމުގެ ސަބަބުން ޗިޕްގެ އަގުތައް ތަންކޮޅެއް ރަނގަޅުވުމަށް މަގުފަހިވި ނަމަވެސް، ޗިޕްސް ބޭނުންކުރާ ޑިވައިސްތަކަށް އޮތް ޑިމާންޑް އަސާސީ ރިކަވަރީއަކާ ނުލައި މި ކުއާޓަރުގައި ސެމްސަންގްއަށް ލިބުނު ފައިދާ ފުރަތަމަ ކުއާޓާއާ އެއްވަރުވެދާނެ ކަމަށް އެނަލިސްޓުން ބުނެއެވެ.
ސެމްސަންގުން ބުނީ މި އަހަރުގެ ދެވަނަ ކުއާޓަރުގެ ތެރޭގައި ކަސްޓަމަރުން އިންވެންޓްރީ ދަށްވެ މަޑުމަޑުން އަނެއްކާވެސް ޗިޕްސް ގަންނަން ފަށާނެ ކަމަށެވެ.
ޗިޕްސް ރެކޯޑް އަދަދަކަށް ގެއްލުނު ނަމަވެސް ސެމްސަންގުން ބުނީ ފުރަތަމަ ކުއާޓަރުގައި ކެޕިޓަލް ހަރަދުގެ ގޮތުގައި 10.7 ޓްރިލިއަން ވޮން ހަރަދުކޮށްފައިވާ ކަމަށާއި މިއީ އެއްވެސް އަހަރެއްގެ ފުރަތަމަ ކުއާޓަރުގައި ޚަރަދު ނުކުރާވަރުގެ ބޮޑު ހޭދައެއް ކަމަށެވެ.
އޭގެ ތެރެއިން 9.8 ޓްރިލިއަން ވޮން ޗިޕްތަކަށް ޚަރަދުކޮށްފައިވަނީ ސެމްސަންގުން އެ ކުންފުނީގެ ޓޭލާ، ޓެކްސަސް އަދި ޕިޔޮންގްޓޭކް، ސައުތު ކޮރެއާގެ ފެކްޓްރީތަކުގައި އުފެއްދުންތައް ގާއިމްކުރުމުންނެވެ.
"ސެމްސަންގް އިލެކްޓްރޯނިކްސް އިން މެމޯރީ ސެމިކޮންޑަކްޓަރުތަކަށް އިންވެސްޓް ކުރަމުން ގެންދާނީ އޭގެ ކުރީ އަހަރާ އެއްފެންވަރެއްގައި ... މެދުރާސްތާއިން ފެށިގެން ދިގު މުއްދަތުގެ ވާދަވެރިކަން ކަށަވަރު ކުރުމަށް،" ސެމްސަންގް އިން ނެރުނު ބަޔާނުގައި ވެ އެވެ.
ސެމްސަންގްގެ މޮބައިލް ވިޔަފާރި އަށް ފުރަތަމަ ކުއާޓަރުގައި 3.94 ޓްރިލިއަން ވޮން ޕްރޮފިޓް ލިބުނު އިރު، އޭގެ އެއް އަހަރު ކުރިން ލިބުނީ 3.82 ޓްރިލިއަން ވޮން އެވެ.
ކައުންޓަޕޮއިންޓްގެ ސީނިއާ އެނަލިސްޓް ޖެން ޕާކް ވިދާޅުވި ގޮތުގައި ސެމްސަންގުން ފޯކަސް ކުރަނީ ޝިޕްމަންޓްގެ ބަދަލުގައި ފައިދާއަށެވެ.
ދެވަނަ ހާފުގައި ސެމްސަންގުން ލަފާކުރާ ގޮތުގައި ދުނިޔޭގެ އިގްތިސާދު ރަނގަޅުވާ ވަރަކަށް ސްމާޓްފޯން މާކެޓުގައި ޝިޕްމަންޓާއި އާމްދަނީ ވެސް އިތުރުވާނެ އެވެ.
މި އަހަރުގެ ދެވަނަ ކުއާޓަރުގައި މެމޯރީ ޗިޕް ރިކަވަރީވާނެ ކަމަށް އިންވެސްޓަރުން ލަފާކުރާތީ ސެމްސަންގްގެ ހިއްސާ ވަނީ އަހަރުން އަހަރަށް ގާތްގަނޑަކަށް 16 ޕަސެންޓް އުފުލިފަ އެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.