ގޫގަލް ރެޖިސްޓްރީއިން ދާދި ފަހުން ވަނީ"ޑޭޑްސް، ގްރޭޑްސް، އަދި ޓެކްނީޒް" އަށް އަލަށް 8 ޓޮޕް ލެވެލް ޑޮމެއިން ތައާރަފުކޮށްފަ އެވެ. އޭގެތެރޭގައި މިލިސްޓަށް .ޑޭޑް، .ޕީއެޗްޑީ، .ޕްރޮފެސަރު، .އީއެސްކިއު، .އެފްއޯއޯ، .ނެކްސަސް، ތަޢާރަފް ކޮށްފައިވާއިރު، އެޕް އަދި ޑެވް ވެސް ވަނީ އިތުރުކޮށްފައެވެ.
އެހެން ނަމަވެސް .zip އަދި .mov ޑޮމެއިންތަކުގެ ސަބަބުން އިންޓަނެޓާއި ވެބްގެ މުޅި ސަލާމަތަށް ކުރާނެ ނޭދެވޭ އަސަރުތަކާ މެދު ތަޖުރިބާކާރުންގެ މެދުގައި ވަނީ ބަހުސެއް އުފެދިފަ އެވެ.
ޒިޕް އަދި މޯވް ޖީޓީއެލްޑީ އަކީ 2014 ވަނަ އަހަރުން ފެށިގެން އައިއޭއެންއޭގެ ޑީއެންއެސް ރެކޯޑުތަކުން ލިބެން ހުރި އެއްޗެއް ނަމަވެސް ގޫގަލްގެ ބައިވެރިވުމުގެ ސަބަބުން މިހާރު އާންމުކޮށް ލިބެން އެބަހުއްޓެވެ. ޒިޕް ފޯމެޓާއި ވީޑިއޯ ކްލިޕް ފައިލްތަކުގައި ކޮމްޕްރެސްޑް ފައިލް އާކައިވްތައް ދެނެގަތުމަށް ޒަމާނުއްސުރެ ބޭނުންކުރަމުން އައި ނަމަވެސް މިހާރު ކޮންމެ މީހަކަށް ވެސް "ޓެކްސްޕޮޓް.zip" ފަދަ ".zip" ނުވަތަ ".mov" ޑޮމެއިން އެއް ގަނެވޭނެ އެވެ.
ޒިޕް ސްޓޭންޑަޑަކީ މީގެ 34 އަހަރު ކުރިން 1989 ވަނަ އަހަރު ޕީކޭވެއާ އިން އުފެއްދި ދެ ފައިލް ފޯމެޓް ކަމަށްވާ ޒިޕް ސްޓޭންޑާޑްގެ މެދުގައި އުފެދިފައިވާ އޯވަލެޕްގެ ސަބަބުން އިންޓަނެޓް އިކޯސިސްޓަމަށް ސަލާމަތީ ގޮތުން އާ ނުރައްކާތަކެއް ކުރިމަތިވާނެ ކަމެއް ކަމަށް ބައެއް ސައިންސްވެރިން ބުނެ ފައިވާ ފޯމެއްޓެއްކަމުގައި އޮންލައިން ނޫހެއްކަމުގައިވާ ޓެކްސްސްޕޮޓްގައި އާޑޮމެއިން އާއިގުޅޭގޮތުން ބުނެފައިވެއެވެ.
ސޯޝަލް ނެޓްވޯކްތަކުގައި ނުވަތަ މެއިލް މެދުވެރިކޮށް ހިއްސާކުރާ ނުބައި ޔޫއާރުއެލްތަކުން ބޭނުންކުރާ މީހުންނަށް އޮޅުވާލެވިދާނެ ކަމަށާއި، ސައިބާ ކުށްވެރިންނަށް މެލްވެއާ އިންސްޓޯލްމަންޓާއި ފިޝިން ކެމްޕެއިން ނުވަތަ އެނޫންވެސް ނުބައި ހަރަކާތްތައް ހިންގުމަށް އާ، "ކްރިއޭޓިވް" ވަސީލަތްތައް ފޯރުކޮށްދެވިދާނެ ކަމަށް އެފަރާތްތަކުން ވަނީ ފާހަގަކޮށްފައެވެ.
ޒިޕް އަދި މޯވް އަކީ މިހާރު އާންމުކޮށް އެޕްރޫވްކުރާ ދެ ޓީއެލްޑީ ކަމަށްވާތީ، އިންޓަނެޓްގެ ހިދުމަތާއި މޮބައިލް އެޕްލިކޭޝަންތަކަށް ކޮންމެހެން ވެސް މަޖުބޫރުވާނީ ވެބް ބްރައުޒާއެއްގައި ހުޅުވުމަށް އެކަށީގެންވާ ޔޫއާރުއެލް ފަދަ "ޓެސްޓް.zip" ނުވަތަ "ޓެސްޓް.mov" ފަދަ ޓެކްސްޓް ސްނިޕެޓްތަކަށް ފަރުވާ ކުރުމަށެވެ.
މައިކްރޮސޮފްޓް އެކައުންޓް ކްރެޑިޑެންޝަލް ވަގަށް ނަގަން މަސައްކަތް ކުރުމަށް ފަރުމާކޮށްފައިވާ "މައިކްރޮސޮފްޓް-އޮފީސް.zip" ގެ މިހާރު ހުއްޓިފައިވާ ފިޝިން ޕޭޖަކާ އެކު ސައިބަރ ކުށްވެރިން މިހާރު ވަނީ އާ ޓީއެލްޑީތަކުގެ ބޭނުން ހިފަން ފަށައިފަ އެވެ.
ސެކިއުރިޓީ ރިސާޗަރުން ގަބޫލުކުރާ އާ އެކްސްޕްލޮއިޓް ޓެކްޓިކްސްތަކުގެ ތެރޭގައި ޔުނިކޯޑް ކެރެކްޓާތައް ބޭނުންކުރުމުގެ ގާބިލުކަމާއި، ސައްހަ އިންޓަނެޓް އެޑްރެސްތަކެއް ފަދަ ނުބައި ޔޫއާރުއެލްތައް ހިއްސާކުރުމުގެ އުފެއްދުންތެރި ގޮތެއްގެ ގޮތުގައި ޔޫޒަރ އައިޑެންޓިފިކޭޝަންގެ "@" ސިމްބަލް ހިމެނެއެވެ.
ޚިޔާލު ފާޅުކުރުމާއި ވިޔަފާރީގެ އާ ވައްތަރެއްގެ ގޮތުގައި ގޫގަލް އިން ގަބޫލުކުރާ "ކްރިއޭޓިވް" އިންޓަނެޓަކީ ކުރިން އޮތް ވަރަށް ވުރެ ނުރައްކާތެރި އިންޓަނެޓެއް ކަމަށް ބެލެވެ އެވެ.
ސަލާމަތީ މާހިރުންގެ މެދުގައި ބަހުސް އަދިވެސް ހިނގަމުން ދަނީ، ބައެއް ޑިވެލޮޕަރުން އާ ޖީޓީއެލްޑީތަކާ މެދު އެފަދަ ރައްކާތެރި އިހުސާސެއް ހިއްސާ ނުކުރާތީ އެވެ. މައިކްރޮސޮފްޓް އެޖްގެ ޕްރޮގްރާމަރު އެރިކް ލޯރެންސް ކުރެއްވި ޓުވީޓެއްގައި ވިދާޅުވީ .zip އަދި .mov ޑޮމެއިންތަކާ މެދު ބިރުވެރިކަން އުފެދޭ މިންވަރަކީ "ހަމައެކަނި މަޖާ" މިންވަރެއް ކަމަށެވެ.
ގޫގަލް އިން ވަނީ ޑޮމެއިންތަކާއި ފައިލް ނަންތަކުގެ މެދުގައި އޮޅުން އަރާފާނެ ކަމުގެ ނުރައްކަލަކީ އާ ކަމެއް ނޫން ކަން ފާހަގަކޮށް، އެ ކުންފުނިން ކޮންޓްރޯލް ކުރާ ހުރިހާ ޓީއެލްޑީއެއްގައި ނުރައްކާތެރި ޑޮމެއިންތައް ސަސްޕެންޑް ކުރުމަށް ނުވަތަ ނައްތާލުމަށް ބޭނުންވާ ވަސީލަތްތައް ގޫގަލް ރެޖިސްޓްރީއިން ފޯރުކޮށްދޭ ކަން ފާހަގަކޮށްފަ އެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.