އޭއައި އިން އުފައްދާ ފޮޓޯ ދެނެގަނެވޭނެ ޓޫލެއް އުފައްދައިފި

ކޮންމެ ދުވަހަކު ވެސް އޭއައި ޖެނެރޭޓެޑް ފޮޓޯތައް އަންނަނީ މަގުބޫލުވަމުންނެވެ. އެހެނީ އެފަދަ ފޮޓޯތައް އުފައްދާފައިވަނީ ވަރަށްބޮޑަށް ހަޤީޤަތާ އެއްގޮތަށެވެ. އެކަމަކު އެފަދަ ފޮޓޯތަކާއި ހަޤީޤީ ފޮޓޯތައް ވަކިކޮށް ދެނެގަތުމަކީ ކޮންމެހެންވެސް ބޭނުންތެރި ކަމެއްކަމުގައި މިދާއިރާގެ ތަޖްރިބާ ކާރުން ދެކެވަޑައި ގަންނަވައެވެ.

އޭއައި ޖެނެރޭޓެޑް ފޮޓޯތައް ވޯޓާމާކްކޮށް ދެނެގަތުމުގެ ވަސީލަތެއް ކަމަށްވާ ސިންތިއައިޑީގެ ބީޓާ ވާޝަނެއް މިހާރު މިވަނީ ގޫގުލްއިން ގޫގުލް ކްލައުޑާއި ގުޅިގެން ތައާރަފް ކޮށްފައެވެ. މި ޓެކްނޮލޮޖީގެ ސަބަބުން ޑިޖިޓަލް ވޯޓާމާކެއް ސީދާ ތަސްވީރެއްގެ ޕިކްސެލްތަކަށް އެމްބެޑްކޮށް، އިންސާނާގެ ލޮލަށް ނުފެންނަ، ނަމަވެސް އައިޑެންޓިފިކޭޝަނަށް ދެނެގަނެވޭނެ އެވެ.

މި މުހިންމު ޓޫލް ތަޢާރަފްކުރުމަށްފަހު ގޫގުލްއިން ބުނީ ސިންތިއައިޑީ ލިބޭނީ ފޮޓޯރިއަލިސްޓިކް އިމޭޖްތައް އުފެއްދުމަށް އިންޕުޓް ޓެކްސްޓް ބޭނުންކުރާ ގޫގުލްގެ އެންމެ ފަހުގެ ޓެކްސްޓް-ޓު-އިމޭޖް މޮޑެލްތަކުގެ ތެރޭގައި ހިމެނޭ އިމޭޖަން ބޭނުންކޮށްގެން ފޮޓޯ އުފައްދާ މަދު އަދަދެއްގެ ވާޓެކްސް އޭއައި ކަސްޓަމަރުންނަށެވެ.

ޖެނެރޭޓިވް އޭއައި ޓެކްނޮލޮޖީތައް ހަލުވިކަމާއެކު ކުރިއަރަމުން އަންނައިރު، "ސިންތެޓިކް އިމޭޖަރީ" ގެ ނަމުން ނަންދީފައިވާ ކޮމްޕިއުޓަރު ޖެނެރޭޓެޑް އިމޭޖަރީ އަކީ ހަޤީޤީ އިމޭޖަރީތަކާ ތަފާތު ކުރަން އުނދަގޫވަމުން އަންނަ ޓެކްނޮލޮޖީއެކެވެ.

ޖެނެރޭޓިވް އޭއައި ގެ ސަބަބުން އުފެއްދުންތެރިކަމުގެ ބޮޑެތި ފުރުޞަތުތައް ހުޅުވިގެންދާއިރު، އުފެއްދުންތެރިންނަށް ދޮގު މައުލޫމާތު ފެތުރުމުގެ ފުރުޞަތު ފަހިކޮށްދިނުން ފަދަ އާ ނުރައްކާތައް ވެސް ވަނީ ކުރިމަތިވެފައެވެ. އެހެންކަމުން އޭއައި ޖެނެރޭޓްކުރާ ކޮންޓެންޓް ދެނެގަތުމަކީ ޖެނެރޭޓެޑް މީޑިއާތަކާ މުއާމަލާތް ކުރާ ވަގުތުގެ މައުލޫމާތު ލިބިފައިވާ މީހުން ބާރުވެރިކުރުވުމަށާއި ދޮގު މައުލޫމާތު ފެތުރުން ހުއްޓުވުމަށް އެހީތެރިވެދިނުމަށް ވަރަށް މުހިންމު ކަމެކެވެ.

ފެންވަރު ރަނގަޅު މައުލޫމާތަކުން މީހުން ގުޅުވައިދީ، މުޖުތަމައުގެ އެކި ކަންކޮޅުތަކުގައި އުފެއްދުންތެރިންނާއި ބޭނުންކުރާ ފަރާތްތަކުގެ މެދުގައި އޮންނަ އިތުބާރު ދެމެހެއްޓުމަށް މަސައްކަތް ކުރާއިރު، މި ޒިންމާގެ އެއްބަޔަކީ އޭއައި ޖެނެރޭޓެޑް ފޮޓޯތައް ދެނެގަތުމަށް ބޭނުންކުރާ ފަރާތްތަކަށް އިތުރު އެޑްވާންސް ޓޫލްސް ތަކެއް ފަހިކޮށް ދިނުމެވެ.

ގޫގުލް ކްލައުޑަކީ ޒިންމާދާރުކަމާއެކު އޭއައި ޖެނެރޭޓެޑް ފޮޓޯތައް އުފައްދައި، ޔަގީންކަމާއެކު ދެނެގަނެވޭނެ ވަސީލަތެއް ފޯރުކޮށްދިން ފުރަތަމަ ކްލައުޑް ޕްރޮވައިޑަރެވެ. މި ޓެކްނޮލޮޖީއަކީ ޒިންމާދާރު އޭއައި ޑިވެލޮޕްކޮށް ޑިޕްލޮއިކުރުމަށް ގޫގުލްއިން ގެންގުޅޭ ވިސްނުމުގެ މައްޗަށް ބިނާވެފައިވާ ޓެކްނޮލޮޖީއެއް ކަމަށްވާއިރު، މިއީ ގޫގުލް ޑީޕްމައިންޑުން އުފެއްދި އަދި ގޫގުލް ރިސާޗްއާ ގުޅިގެން ރިފައިންކޮށްފައިވާ ޓެކްނޮލޮޖީއެކެވެ.

ސިންތިއައިޑީއަކީ އެކްސްޓްރީމް އިމޭޖް މެނިޕިއުލޭޝަންތަކާ ދެކޮޅަށް ފުލްޕްރޫފް އެއްޗަކަށް ނުވި ނަމަވެސް އޭއައި ޖެނެރޭޓެޑް ކޮންޓެންޓާއެކު ޒިންމާދާރުކަމާއެކު މަސައްކަތް ކުރުމަށް ޢާއްމު ފަރުދުންނާއި، ކުންފުނިތައް ބާރުވެރިކުރުވުމަށް އުއްމީދީ ޓެކްނިކަލް އެޕްރޯޗެއް ފޯރުކޮށްދޭނެއެވެ.

އޯޑިއޯ، ވީޑިއޯ އަދި ޓެކްސްޓް ފަދަ އިމޭޖަރީގެ ބޭރުން އެހެން އޭއައި މޮޑެލްތަކާއި މޮޑެލިޓީތަކާ އެކު ވެސް މި ވަސީލަތް ތަރައްގީވެދާނެ އެވެ.

އޭއައި ފޮޓޯތަކަށް އާ ވައްތަރެއްގެ ވޯޓާމާކް

ވޯޓާމާކްތަކަކީ ފޮޓޯތައް ދެނެގަތުމަށް ޓަކައި ފޮޓޯތަކުގައި ލޭޔަރ ކުރެވިދާނެ ޑިޒައިންތަކެކެވެ. ކަރުދާހުގައި ވާ ފިޒިކަލް އިމްޕްރިންޓްތަކުން ފެށިގެން މިއަދު ޑިޖިޓަލް ފޮޓޯތަކުން ފެންނަ ޓްރާންސްލޫސެންޓް ޓެކްސްޓް އަދި ސިމްބަލްތަކާ ހަމައަށް މުޅި ތާރީހުގައި ވެސް އެ އިމްޕްރިންޓްތައް ވަނީ އުފެދިފަ އެވެ.

އާދައިގެ ވޯޓާމާކްތަކަކީ އޭއައި ޖެނެރޭޓެޑް ފޮޓޯތައް ދެނެގަތުމަށް ފުދޭ ވަރުގެ އެއްޗަކަށް ނުވަނީ، އެއީ ގިނަ ފަހަރަށް ފޮޓޯއެއްގައި ސްޓޭމްޕެއް ފަދައިން އެޕްލައިކޮށް ފަސޭހައިން އެޑިޓް ކުރެވިދާނެ ފޮޓޯތަކަކަށް ވާތީ އެވެ. މިސާލަކަށް ތަސްވީރެއްގެ ކަނަކުން ފެންނަ ޑިސްކްރިޓް ވޯޓާމާކްތައް ބޭސިކް އެޑިޓިން ޓެކްނިކްސް ބޭނުންކޮށްގެން ކްރޮޕް ކުރެވިދާނެ އެވެ.

އިމޭޖް މެނިޕިއުލޭޝަންތަކަށް ވިސްނުމާއި ހަރުދަނާކަމާ ދެމެދު ރަނގަޅު ބެލެންސެއް ހޯދުމަކީ އުނދަގޫ ކަމެކެވެ. ތަސްވީރެއްގެ އެންމެ މަތީގައި ނަމެއް ނުވަތަ ލޯގޯއެއް ޖަހާފައިވާ ލޭޔަރެއްގެ ގޮތުގައި ގިނަފަހަރަށް އިތުރުކުރާ ހައިލީ ވިޒިބަލް ވޯޓާމާކްތަކަކީ ވެސް އުފެއްދުންތެރި ނުވަތަ ވިޔަފާރީގެ ބޭނުންތަކަށް އެސްތެޓިކް ޗެލެންޖްތައް ހުށަހަޅައިދޭ އެއްޗެކެވެ. ހަމައެފަދައިން، މީގެ ކުރިން އުފެއްދި ބައެއް ނުފެންނަ ވޯޓާމާކްތައް، ރީސައިޒްކުރުން ފަދަ އާދައިގެ އެޑިޓިންގ ޓެކްނިކްތަކުގެ ޒަރިއްޔާއިން ގެއްލޭނެއެވެ.

"އަޅުގަނޑުމެން ސިންތިއައިޑީ ޑިޒައިން ކުރީ އިމޭޖް ކޮލިޓީއަށް ބުރޫނާރާގޮތަށް، އަދި ފިލްޓަރުތައް އެޅުމާއި ކުލަ ބަދަލުކުރުމާއި، ތަފާތު ލޮސީ ކޮމްޕްރެޝަން ސްކީމްތަކާއެކު ސޭވްކުރުން ފަދަ ބަދަލުތަކަށްފަހުވެސް ވޯޓާމާކް ދެނެގަނެވޭނެ" ގޫގުލްއިން ބުނެފައިވެއެވެ.

ސިންތިއައިޑީ އިން ބޭނުންކުރަނީ ތަފާތު ފޮޓޯތަކެއްގެ މައްޗަށް އެކުގައި ތަމްރީނުކުރެވިފައިވާ ޑީޕް ލާނިން މޮޑެލްތަކެކެވެ. ވޯޓާމާކިން އާއި އައިޑެންޓިފިކޭޝަނަށް، ކޮމްބައިންޑް މޮޑެލް އަކީ ވޯޓާމާކް ކޮށްފައިވާ ކޮންޓެންޓް ރަނގަޅަށް ދެނެގަތުމާއި ވޯޓާމާކް އަސްލު ކޮންޓެންޓާ ވިޝުއަލްކޮށް އެލައިންކޮށްގެން އިމްޕްރެސިބިލިޓީ ރަނގަޅު ކުރުން ފަދަ ގިނަ މަގްސަދުތަކެއްގެ މައްޗަށް އޮޕްޓިމައިޒް ކުރެވިފައިވާ މޮޑެލްއެކެވެ.

ހަރުދަނާ އަދި ސްކޭލެބަލް އެޕްރޯޗް

ސިންތިއައިޑީ މެދުވެރިކޮށް ވާޓެކްސް އޭއައި ކަސްޓަމަރުންނަށް ޒިންމާދާރުކަމާއެކު އޭއައި ޖެނެރޭޓެޑް ފޮޓޯތައް އުފައްދައި، ޔަގީންކަމާ އެކު ދެނެގަނެވޭނެ އެވެ.

ގޫގުލްއިން ބުނީ މި ޓެކްނޮލޮޖީ އަކީ ފުރިހަމަ ޓެކްނޮލޮޖީއެއް ނޫން ނަމަވެސް، މިއީ ވަރަށް ގިނަ އާންމު އިމޭޖް މެނިޕިއުލޭޝަންތަކާ ދެކޮޅަށް ސައްހަ ޓެކްނޮލޮޖީއެއް ކަން ގޫގުލްގެ އިންޓާނަލް ޓެސްޓުތަކުން އެނގޭކަމެވެ.

ސިންތިއައިޑީގެ ކޮމްބައިންޑް އެޕްރޯޗް:

ވޯޓާމާކިން: އިމޭޖަން އިން އުފައްދާ ސިންތެޓިކް ފޮޓޯތަކަށް ސިންތިއައިޑީއިން ނުފެންނަ ވޯޓާމާކެއް އެޅިދާނެ އެވެ.

އައިޑެންޓިފިކޭޝަން: އިމޭޖެއް އޭގެ ޑިޖިޓަލް ވޯޓާމާކަށް ސްކޭންކޮށްގެން ސިންތިއައިޑީ އަށް އިމޭޖަން އިން ތަސްވީރެއް އުފެއްދުމުގެ ފުރުސަތު ދެނެގަނެވިދާނެ އެވެ.

ވޯޓާމާކް އައިޑެންޓިފިކޭޝަންގެ ނަތީޖާ މާނަކުރުމަށް މި ޓޫލް އިން ތިން ކޮންފިޑެންސް ލެވެލް އެއް ފޯރުކޮށްދެ އެވެ. ޑިޖިޓަލް ވޯޓާމާކެއް ފެނިއްޖެ ނަމަ އެ ތަސްވީރުގެ ބައެއް އިމޭޖަން އިން އުފެދިދާނެ ކަމަށް ބެލެވެ އެވެ.

ޑިޖިޓަލް ކޮންޓެންޓް ދެނެގަތުމުގެ ފުޅާ ދާއިރާއެއްގައި ވިސްނުމުގެ ތެރެއަށް ސިންތިއައިޑީ އެހީތެރިވެދެއެވެ. ކޮންޓެންޓް ދެނެގަތުމުގައި އެންމެ ގިނައިން ބޭނުންކުރާ އެއް ގޮތަކީ މެޓާޑޭޓާ ގެ ޒަރިއްޔާއިން އެ ކޮންޓެންޓް އުފެއްދީ ކާކުކަމާއި ކޮންއިރަކުތޯ ފަދަ މައުލޫމާތެއް ފޯރުކޮށްދޭ މެތަޑެކެވެ. މި މައުލޫމާތު ރައްކާކުރަނީ ފޮޓޯ ފައިލާ އެކުގަ އެވެ. މެޓާޑޭޓާއަށް އިތުރުކޮށްފައިވާ ޑިޖިޓަލް ސިގްނޭޗާތަކުން ދެން ފެންނަނީ ތަސްވީރެއް ބަދަލުކޮށްފައިވޭތޯ އެވެ.

މެޓާޑޭޓާގެ މައުލޫމާތު ހިމަނާފައި ހުންނައިރު، ބޭނުންކުރާ މީހުންނަށް ފަސޭހައިން ތަސްވީރެއް ދެނެގަނެވޭނެ އެވެ. ނަމަވެސް ފައިލްތައް އެޑިޓް ކުރާއިރު މެޓަޑޭޓާ މެނުއަލްކޮށް ނައްތާލެވިދާނެ ނުވަތަ ގެއްލޭނެ އެވެ. ސިންތިއައިޑީގެ ވޯޓާމާކް އަކީ ތަސްވީރެއްގެ ޕިކްސެލްތަކުގައި އެމްބެޑްކޮށްފައި ހުންނަ އެއްޗެއް ކަމުން، މެޓާޑޭޓާގެ މައްޗަށް ބިނާވެފައިވާ އެހެނިހެން އިމޭޖް އައިޑެންޓިފިކޭޝަން އެޕްރޯޗްތަކާ އެއްގޮތްވެ، މެޓާޑޭޓާ ގެއްލުނު އިރުވެސް ދެނެގަނެވޭނެ އެވެ.