މައިކްރޯސޮފްޓްގެ ކޯޕައިލޮޓް ބޭނުންކުރާ ފަރާތްތަކަށް އޯޕަން އޭއައިގެ ޗެޓްޖީޕީޓީ-4 ގެ ޚިދުމަތް ހިލޭ ލިބޭގޮތް ހަދައިފިއެވެ.
މައިކްރޮސޮފްޓުން ވަނީ އެ ކުންފުނީގެ ފްރީ ކޯޕައިލެޓް އޭއައި އެސިސްޓެންޓަށް ޓާބޯޗާޖްކޮށް، ޕެއިޑް ޕްރޯ ޓަޔަރ - އޯޕަންއޭއައިގެ ބާރުގަދަ ޖީޕީޓީ-4 ޓާބޯ އަށް ބާރުދޭ އެޑްވާންސް ލެންގުއޭޖް މޮޑެލްއަކަށް އަޕްގްރޭޑްކޮށްފައެވެ.
އާޓިފިޝަލް އިންޓެލިޖެންސަށް ވާސިލްވުން އިތުރުކުރުމުގެ ގޮތުން މައިކްރޮސޮފްޓުން އަންގާރަ ދުވަހު ކުރި އިއުލާނެއްގައި ބުނީ ކޯޕައިލެޓްގެ ހިލޭ ބޭނުންކުރާ ހުރިހާ ފަރާތްތަކަށް މިހާރު ޖީޕީޓީ-4 ޓާބޯ ބޭނުން ކުރެވޭނެކަމަށެވެ. އަދި އޭއައި އެސިސްޓެންޓްގެ ތެރޭގައި ހިމެނޭ "ކްރިއޭޓިވް" ނުވަތަ "ޕްރިސައިޒް" މޯޑްތަކަށް ބަދަލުކޮށްލުމުން މި ޚިދުމަތް ލިބޭނެކަމަށް އެކުންފުނިން ވަނީ ބުނެފައެވެ.
އޯޕަން އޭއައި އިން ޖީޕީޓީ-4 ޓާބޯ ތައާރަފުކުރީ 2023 ވަނަ އަހަރު ނޮވެމްބަރުގައެވެ. މިއީ 2023 ވަނަ އަހަރުގެ އޭޕްރީލް މަހާ ހަމައަށް ޑޭޓާއަށް ތަމްރީނުކުރެވި، ޓެކްސްޓް-ޓު-ސްޕީޗް ޕްރޮމްޕްޓްތައް ބެލެހެއްޓޭނެ، އަދި ކޮމްޕްލެކްސް ކުއަރީތަކުގައި ޕާފޯމަންސް އިތުރުކުރުމަށް 128،000 ޓޯކަންގައި މިހާތަނަށް އެންމެ ބޮޑު ކޮންޓެކްސްޓް ވިންޑޯއެއް ފޯރުކޮށްދޭ ޚިދުމަތެކެވެ.
ކޯޕައިލޮޓް ޕްރޯ ބޭނުންކުރާ ފަރާތްތަކަށް އަދިވެސް ޑިފޯލްޓްކޮށް ޖީޕީޓީ-4 ޓާބޯ އަށް އެކްސެސް ލިބޭއިރު، ބޭނުންވެއްޖެ ހިނދެއްގައި ކުރީގެ މޮޑެލްތަކަށް އަލުން ޓޮގަލް ކުރަން ހިޔާރު ކުރެވިދާނެއެވެ. ކޮންމެ މަހަކު 20 ޑޮލަރުގެ ޕްރިމިއަމް ޓަޔަރގެ ދަށުން އިތުރު އޮފީސް އޭއައި އިންޓެގްރޭޝަންތަކާއި މުސްތަގުބަލުގެ މޮޑެލް އަޕްޑޭޓްތަކަށް އިސްކަންދޭ އެކްސެސް ލިބެއެވެ.
ޖީޕީޓީ-4 ޓާބޯއަށް އަށް އެންމެންނަށް ބޭނުންކުރެވޭގޮަތަށް ހެދުމަށްމައިކްރޮސޮފްޓުން ނިންމި ނިންމުމަކީ ޓެކް ދާއިރާގައި މިހާރު ކުރިއަށްދާ އޭއައި ހަތިޔާރުގެ ރޭހަށް ލިބުނު ވަރަށް ބޮޑު ކުރިއެރުމެކެވެ. ގޫގަލް، ސެމްސަންގް އަދި އޯޕަންއޭއައި ފަދަ ބޮޑެތި ކުންފުނިތަކުން އަންނަނީ އެ މީހުންގެ ޖެނެރޭޓިވް އޭއައި އޮފާތައް އަޕްގްރޭޑް ކުރަމުންނެވެ.
އެންމެ ފަހުގެ އަދި އެންމެ ކުޅަދާނަ އެއް ބަހުގެ މޮޑެލް ކޯޕައިލޮޓް ބޭނުންކުރާ ފަރާތްތަކަށް ހިލޭ އެކްސެސް ދީގެން މައިކްރޮސޮފްޓުން ބަލަނީ ކޯޕައިލޮޓް ފުޅާ ދާއިރާއެއްގައި އެޑޮޕްޓް ކުރުމަށް ބާރު އެޅުމަށާއި ޖެނެރޭޓިވް އޭއައި މާކެޓުގައި އެ ކުންފުނީގެ ފައިތިލަ ވަރުގަދަ ކުރުމަށެވެ.
އަދި ކުރިއަށް އޮތް މަސްތަކުގެ ތެރޭގައި މައިކްރޮސޮފްޓުން މިއަށްވުރެ ވެސް ކުރިއަރާފައިވާ "ޖީޕީޓީ-4.5 ޓާބޯ" މޮޑެލްއެއް ތައާރަފްކުރުމަށް މިހާރުވެސް ތައްޔާރުވަމުން އަންނަ ކަމަށް ބެލެވޭ އިރު، މިއީ ކޯޕައިލޮޓް ޕްރޯގެ އާ އެކްސްކްލޫސިވް އަކަށް ވެދާނެ ކަމަށް ބެލެވެއެވެ.
މައިކްރޮސޮފްޓްގެ ހިލޭ ޖީޕީޓީ-4 ޓާބޯ ރޯލްއައުޓްގެ ސަބަބުން އާންމުންނަށް އެއްވެސް އަގަކާ ނުލައި އެންމެ ޒަމާނީ އާޓިފިޝަލް އިންޓެލިޖެންސަށް ވަނުމުގެ ފުރުސަތު ލިބިގެންދާއިރު، މިއީ ވަރަށް މަދުން ނޫނީ ނުލިބޭނެ ފުރުޞަތެކެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.