އެމެރިކާގެ ޑިފެންސް އެޑްވާންސްޑް ރިސާޗް ޕްރޮޖެކްޓްސް އެޖެންސީ (ޑާޕާ) ޑާޕާއިން ކަނޑުއަޑީގެ ތަހުލީލުތަކަށް ޚާއްޞަކޮށްގެން އުފެއްދި ބޮޑު ޑްރޯން "މަންޓާ ރޭ" ގެ އިތުރު މައުލޫމާތުތައް ހާމަކޮށްފިއެވެ.
ޑާޕާ އިން ވަނީ ދެކުނު ކެލިފޯނިއާގެ އައްސޭރިފަށުގައި ދާދި ފަހުން ކުރިއަށް ގެންދިޔަ ކަނޑުއަޑީގެ ތަހްލީލުގައި ބޭނުންކުރި ބޮޑު، މޮޑިއުލާ އަންކްރޫޑް އަންޑަވޯޓާ ވެހިކަލް (ޔޫޔޫވީ) މަންޓާ ރޭ ޕްރޮޓޯޓައިޕް ސަބްމެރިން ދައްކާލާފައެވެ.
ޔޫއެސް އެއާފޯސްއިން އުފެއްދި ބީ-21 ރައިޑާ ބޮންބަރ ގެ މަތިން ހަނދާންކޮށްދޭ ޑައިމަންޑް ޝޭޕަށް ފަރުމާކޮށްފައިވާ މި ބޮޑު ކްރާފްޓް މަންޓާރޭ ރަމްޒުކޮށްދެނީ ޔޫޔޫވީ ޓެކްނޮލޮޖީއަށް ލިބުނު ކުރިއެރުމެކެވެ.
މަންޓާ ރޭ އަށް މި ނަން ދީފައި ވަނީ ދިގު ރާސްތާގެ ކަނޑުއަޑީގައި ގްލައިޑިން އަށް މަޝްހޫރު މަންޓާ ރޭގެ ބާވަތްތަކުގެ މަހުގެ ބާވަތްތަކުންނެވެ. ޑާޕާގެ މަންޓާ ރޭ ޑިޒައިންގެ މަގްސަދަކީ މި އެނާޖީ އެފިޝެންޓް ބަޔޯމިމެޓިކް ޝޭޕް އަދި ބޮއެންސީ ޕްރޮޕަލްޝަން ނަކަލު ކުރުމެވެ.
މި ޕްރޮގްރާމް ފެށީ 2020 ވަނަ އަހަރު ޑާޕާއިން ނޯތުރޮޕް ގްރޫމަންއާ ހަވާލުކޮށްގެން ފުރަތަމަ މަންޓާ ރޭ ވެހިކަލް ޕްރޮޓޮޓައިޕް ޑިޒައިންކޮށް، ބިނާކޮށް ޓެސްޓް ކުރުމަށް ފުރަތަމަ 35.8 މިލިއަން ޑޮލަރުގެ ކޮންޓްރެކްޓެއް ދިނުމުންނެވެ. ޓަންގޯ ބްރާވޯ ފަދަ ޔޫޔޫވީތައް ހެދުމުގެ ދިގު ތަޖުރިބާގެ ސަބަބުން ނޯތުރޮޕް ގްރޫމަން އަކީ ލީޑިން ކެނޑިޑޭޓަކަށް ވެގެން ދިޔައެވެ.
މަންޓާ ރޭގެ މައިގަނޑު އިނޮވޭޝަނަކީ އޭގެ މޮޑިއުލަރިޓީ އެވެ. ބޮޑު އުޅަނދު ޑިސްއެސެމްބްލްކޮށް ސްޓޭންޑަޑް ޝިޕިން ކޮންޓެއިނަރުތަކުގައި އުފުލޭނީ ޑިޕްލޮއިމަންޓްގައި ހާއްސަ އުޅަނދުފަހަރު ނުވަތަ ބަނދަރުތައް ބޭނުން ނުވާތީ އެވެ. އެއަށްފަހު ހަލުވިކަމާއެކު ދަނޑުގައި އެސެމްބްލް ކުރެވިދާނެއެވެ.
އެ އުޅަނދުގެ މުހިންމު ބައެއް ސްޕެސިފިކޭޝަންތައް ސިއްރުކުރިނަމަވެސް ޑާޕާ އިން ވަނީ މަންޓާ ރޭގެ މޮޑިއުލާ ޑިޒައިނާ ބެހޭ ގޮތުން އެންޑިއުރެންސް، ޓްރާންސްޕޯޓޭބިލިޓީ އަދި ވާސަޓައިލިޓީއަށް އަލިއަޅުވާލާފައެވެ.
ޑާޕާގެ މަންޓާ ރޭ ޕްރޮގްރާމް މެނޭޖަރު ޑރ ކައިލް ވޯރނަރ ވިދާޅުވި ގޮތުގައި މި ކާމިޔާބު ނަތީޖާއިން ވެހިކަލްގެ މޮޑިއުލާ ކޮމްޕޯނެންޓްތަކުން ރެޕިޑް އެސެމްބްލީއަށް ފަހު ހަގީގީ ދުނިޔޭގެ އޮޕަރޭޝަންތަކަށް އެ އުޅަނދު ތައްޔާރަށް އޮތްކަން ކަށަވަރުވެގެން ދެއެވެ.
"މޮޑިއުލާ ޓްރާންސްޕޯޓާއި ޑިޕްލޮއިމަންޓްގެ މި ކޮމްބިނޭޝަން ރަމްޒުކޮށްދެނީ ގްރައުންޑްބްރޭކިން ކެޕޭސިޓީއެއް." ޑރ ކައިލް ވޯރނަރ ވިދާޅުވިއެވެ.
މި ޕްރޮޓޯޓައިޕްގެ ބޮޑު ސައިޒުން އިޝާރާތް ކުރެވެނީ ކަނޑުއަޑީގައި ފެނުގެތެރޭގައި ބޭނުންގޮތަށް ހަރަކާތްތެރިވުމާއި، ޔަޤީންކަމާއި، އިތުރުބާރުހިފޭ އަދި ތަފާތު ސެންސަރު ތަކަށެވެ. އޭގެ ސްޕީޑާއި، ހަކަތަ ބޭނުންކުރާ މިންވަރު ވެސް މިއުޅަނދުގައި ވަރަށް ބޮޑަށް މަދުކަން ވަނީ ފާހަގަކޮށްފައެވެ.
ޑާޕާގެ ޕްރޮގްރާމް މެނޭޖަރު ޑރ ކައިލް ވޯރނަރ (ކ) މަންޓާ ރޭ ވެހިކަލްގެ މަތީގައި ހުއްޓިގެން ނޯތުރޮޕް ގްރޫމަން ޓީމުގެ މެމްބަރަކާ ވާހަކަ ދައްކަވަނީ.---ފޮޓޯ:ކްރެޑިޓް: ޑާޕާ
ކޮންޓްރެކްޓަރު ނޯތުރޮޕް ގްރޫމަން ބުނި ގޮތުގައި މަންޓާ ރޭގައި ހިމެނެނީ ލޯ ޕަވާ ޕްރޮޕަލްޝަން، ޒަމާނީ ސެންސަރު، ހައި އެފިޝަންސީ ނެވިގޭޝަން އަދި އެންޓި-ބަޔޯފައުލިން ސޮލިއުޝަންތަކެއް ކަމަށެވެ. އަދި މިޝަންތަކުގެ މެދުގައި ބާރު ހިމާޔަތްކުރުމަށް އަމިއްލައަށް އެންކަރކޮށް ހެދޭނެ ހައިބަރނޭޝަން މޯޑެއް ވެސް އެ އުޅަނދުގައި ހިމެނޭނެ ކަމަށެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.