ސެމްސަންގް އިން ފުރަތަމަ ސްމާޓް ރިންގް ތަޢާރަފުކޮށްފި

ސެމްސަންގް އިން މިހާރު ވަނީ އޭއައި ބޭނުންކޮށްގެން ހަދާފައިވާ އާ ބާވަތެއްގެ ވެޔަރަބަލް ޓެކްނޮލޮޖީއެއް ތަޢާރަފުކޮށްފައެވެ. މި ޓެކްނޮލޮޖީގެ މަޤްޞަދަކީ މީހުންގެ ދުވަހުން ދުވަހަށް ބޭނުންވާ ދުޅަހެޔޮކަމުގެ ކަންތައްތައް ފުރިހަމަކުރުމަށް އެހީތެރިވެދިނުމެވެ. މިގޮތުން ނިދާ އާދަތައް މޮނިޓަރކުރުމާއި މަހުވާރީ ދައުރު ޓްރެކްކުރުން ފަދަ ކަންތައްތައް ހިމެނެއެވެ.

ދެކުނު ކޮރެއާގެ މި ޓެކްނޮލޮޖީ ކުންފުނިން ވަނީ ބުދަ ދުވަހު ޕެރިހުގައި ބޭއްވުނު ގެލެކްސީ އަންޕެކްޑް އިވެންޓުގައި އެ ކުންފުނީގެ އިތުރު ވިޔަރަބަލް އުފެއްދުންތަކެއް ހާމަކޮށްފައެވެ. މީގެ ތެރޭގައި ވަރަށް ގިނަ ބަޔަކު އުންމީދުކުރަމުން އައި އާ ގެލެކްސީ ރިންގް ވެސް ހިމެނެއެވެ. މި ރިންގް ވެސް ވަނީ ސެމްސަންގްގެ ސްމާޓްފޯނުތަކާއި ސްމާޓްވޮޗްތަކާ ގުޅިފައެވެ. އަދި މި ރިންގް 24 ގަޑިއިރު ލައިގެން ހުރެވޭނެއެވެ.

ސެމްސަންގް ގެލެކްސީ ރިންގް އަށް ތަޢާރަފެއް

ގެލެކްސީ ރިންގަކީ ސެމްސަންގުން ސިއްހަތާއި ޓެކްނޮލޮޖީއަށް ޝައުގުވެރިވާ ފަރާތްތަކަށް އަމާޒުކޮށްގެން ނެރެފައިވާ އެންމެ އައު ވެއަރަބަލް އާލާތެވެ.

މި ރީތި، ކުޑަ ރިންގުގައި ވަރަށް ފުރިހަމަ ސިއްހީ މޮނިޓަރިންގް ޚާއްޞިއްޔަތުތަކަކާއި ސެމްސަންގްގެ އެހެނިހެން އާލާތްތަކާ ފަސޭހައިން ގުޅުވޭނެ ނިޒާމެއް ހިމެނެއެވެ.

ސެމްސަންގް ގެލެކްސީ ރިންގްގެ މައިގަނޑު ޚާއްޞިއްޔަތުތައް

ޒަމާނީ ސިއްހީ މޮނިޓަރިންގ: މި ލުއި އާލާތުގައި ހިމެނޭ ސެންސަރުތަކުގެ ޒަރީއާއިން ދުވާލެއްގެ މައްޗަށް 24 ގަޑިއިރު ނިދާ ވަގުތު، ހިތުގެ ވިންދު އަދި ހަރަކާތްތެރިވާ މިންވަރު ފަދަ މުހިންމު ސިއްހީ މަޢުލޫމާތުތައް މެދުނުކެނޑި މޮނިޓަރ ކުރެވެއެވެ. މި މަޢުލޫމާތުތައް ސެމްސަންގްގެ އަމިއްލަ އޭއައި އަދި އެލްގޮރިދަމްތަކުން ދިރާސާކޮށް، ބޭނުންކުރާ ފަރާތުގެ އާންމު ދުޅަހެޔޮކަމާ ބެހޭ އަމިއްލަ މަޢުލޫމާތު ހިމެނޭ އެނަރޖީ ސްކޯއެއް ދެއެވެ.

ބަޔޯފީޑްބެކް އަދި ނަފްސާނީ ބާރު ބެލެހެއްޓުން: ގެލެކްސީ ރިންގްގެ އެންމެ ފާހަގަކޮށްލެވޭ އެއް ސިފައަކީ ރިއަލް-ޓައިމް ބަޔޯފީޑްބެކްގެ ޤާބިލިއްޔަތުކަމެވެ. މިއީ އެޕަލްގެ މިފަދަ ޓެކްނޮލޮޖީ އުފެއްދުންތަކާ ވާދަކުރެވޭ ފެންވަރުގެ ކަމެކެވެ. ރިންގްގައި ހަރުކޮށްފައިވާ ސެންސަރުތަކުގެ އެހީގައި، ނަފްސާނީ ބާރުގެ މިންވަރު ދެނެގަނެ، މިކަން ހައްލުކުރުމަށް ބޭނުންވާ މަޢުލޫމާތާއި ނޭވާލުމުގެ ތަމްރީނުތައް ބޭނުންކުރާ މީހުންނަށް ފޯރުކޮށްދެއެވެ.

ނިދުމުގެ ކަންތައްތައް ބެލެހެއްޓުން: ސެމްސަންގްގެ ނިދުމުގެ ކަންތައްތައް ބެލެހެއްޓުމުގެ ތަޖުރިބާގެ މައްޗަށް ބިނާކޮށް، ގެލެކްސީ ރިންގްއިން ނިދުމުގެ ތަފްސީލީ ދިރާސާއެއް ހުށަހަޅައެވެ. މީގެ ތެރޭގައި ނިދުމުގެ މަރުޙަލާތައް - ރެމް، ފުން ނިދި، ލުއި ނިދި - ހިމެނެއެވެ. އަދި ވަގުތުގެ ތެރޭގައި ނިދުމުގެ ފެންވަރު ރަނގަޅުކުރުމަށް ބޭނުންވާ މަޢުލޫމާތު ފޯރުކޮށްދެއެވެ.

ދުޅަހެޔޮކަމާއި ހަރަކާތްތެރިކަން ބެލެހެއްޓުން: ދުވުން، ސައިކަލް ދުއްވުން ނުވަތަ ޔޯގާ ކުރުން ފަދަ ކަންކަމުގައި ޝައުޤުވެރިވިޔަސް، ގެލެކްސީ ރިންގްއަށް އެކި ބާވަތުގެ ހަރަކާތްތައް ވަރަށް ސީދާކޮށް ބެލެހެއްޓޭނެއެވެ. މި ރިންގް އަޅައިގެން ތަމްރީނު ކުރަމުންދާއިރު ރިއަލް-ޓައިމް ތަފާސްހިސާބުތަކާއި، ތަމްރީނު ނިމުމުން އޭގެ ޚުލާސާއެއް ބޭނުންކުރާ މީހުންނަށް ދޭނެއެވެ. މިއީ ބޭނުންކުރާ މީހުން ހިތްވަރުދީ އިތުރަށް ދުޅަހެޔޮކަމުގެ ލަނޑުދަނޑިތައް ހާސިލުކުރުމަށް އެހީތެރިވެދޭ ކަމެކެވެ.

ސެމްސަންގް ހެލްތް އިކޯސިސްޓަމްއާ ގުޅުވުން: މި ރިންގް ސެމްސަންގް ހެލްތް އެޕްއާ ވަރަށް ފަސޭހައިން ގުޅުވޭނެއެވެ. މިގޮތުން ބޭނުންކުރާ މީހުންނަށް އެމީހުންގެ ހުރިހާ ސިއްޙީ އަދި ދުޅަހެޔޮކަމުގެ މަޢުލޫމާތު އެއްތަނަކުން ބެލޭނެއެވެ. މީގެ ސަބަބުން ބޭނުންކުރާ މީހުންނަށް އަމާޒުތައް ކަނޑައެޅުމާއި، ކުރިއެރުން ބެލުމާއި، އަދި އެމީހުންގެ ހަރަކާތްތަކާއި ސިއްހީ މިންގަނޑުތަކަށް ބަލައި އަމިއްލައަށް އެކަށީގެންވާ ލަފާތައް ލިބުމުގެ ފުރުސަތު ލިބިގެންދެއެވެ.

ސެމްސަންގް ގެލެކްސީ ރިންގް އާއި އައުރާ ރިންގް އަޅާކިޔުން

މިހާރު އަޅުގަނޑުމެން ބަލާލަމާ ހިންގަވާ ސެމްސަންގް ގެލެކްސީ ރިންގް އާއި އައުރާ ހެލްތުގެ އެކި ވައްތަރުގެ އައުރާ ރިންގް އާ އަޅާކިޔާއިރު އަގާއި އަސާސީ ބޭނުންތެރިކަމުގައި ހުރި ތަފާތުތަކަށް.

މެޓީރިއަލްސް އަދި ކުލަތައް: ގެލެކްސީ ރިންގް ހަދާފައި ވަނީ ގްރޭޑް 5 ޓައިޓޭނިއަމްއިން އަދި އޭގެ ތިން ވައްތަރެއް ވެއެވެ: ޓައިޓޭނިއަމް ބްލެކް، ޓައިޓޭނިއަމް ސިލްވަރ އަދި ޓައިޓޭނިއަމް ގޯލްޑް. އޫރާ ރިންގް ހަދާފައި ވަނީ އެއަރޯސްޕޭސް-ގްރޭޑް ޓައިޓޭނިއަމްއިން އަދި އޭގެ ދެ ސްޓައިލެއް ވެއެވެ. ފުރަތަމަ ސްޓައިލަކީ ހޮރައިޒަން، "ސްލީކް، ސާކިއުލާ ޑިޒައިން" އަދި މިއިން ހަތް ވައްތަރެއް ވެއެވެ. އެއީ ބްރަޝްޑް ޓައިޓޭނިއަމް، ސިލްވަރ، ބްލެކް، ސްޓެލްތު، ގޯލްޑް ނުވަތަ ރޯސް ގޯލްޑެވެ. ހެރިޓޭޖް، އެއީ އައުރާ ހެލްތުގެ "ކްލާސިކް، ޕްލެޓޯ ޑިޒައިން،" އަދި މިއިން ސިލްވަރ، ބްލެކް، ސްޓެލްތު ނުވަތަ ގޯލްޑް ފިނިޝްތައް ލިބެއެވެ.

އަގު: ސެމްސަންގް ގެލެކްސީ ރިންގްގެ އަގު ފަށަނީ 399.99 ޑޮލަރުންނެވެ. މިއީ އޭގެ އެޑްވާންސްޑް ފީޗަރތަކާއި އިންޓެގްރޭޝަން ޤާބިލިއްޔަތުތަކަށް ބަލާއިރު ވާދަވެރި އަގެކެވެ.އަދި އައުރާ ރިންގްގެ އަގު ފަށަނީ ހެރިޓޭޖް ސްޓައިލްއަށް 299 ޑޮލަރުން އަދި ހޮރައިޒަން ސްޓައިލްއަށް 349 ޑޮލަރުން. ނަމަވެސް މުހިންމު އެއް ތަފާތަކީ އައުރާ ރިންގްއަށް އިތުރު މެމްބަރޝިޕެއް ބޭނުންވުން، ފުރަތަމަ މަހު ހިލޭ ދެން މަހަކު 5.99 ޑޮލަރު ދައްކަންޖެހެއެވެ.

ފެނަށް ދެމިހުރުން: ދެ ޑިވައިސްވެސް 10ATM ފެނަށް ދެމިހުރުމުގެ ޤާބިލިއްޔަތު ހުރެއެވެ، އެއީ 100 މީޓަރުގެ ފުންމިނަށް ރައްކާތެރިކަން ލިބިދޭ މިންވަރެވެ. ގެލެކްސީ ރިންގް އަދި އައުރާ ރިންގް ފެން ވެރުމަށާައި، މަތީފަށަލައިގައި ފަތަން އަދި ސްނޯކަލިންގ ކުރުމަށް އެކަށީގެންވެއެވެ.

ސައިޒާއި ބަރުދަން: ގެލެކްސީ ރިންގުގެ 9 ސައިޒެއް ހުންނާނެއެވެ. މި ޑިވައިސްގެ ފުޅާމިނަކީ 7 މިލިމީޓަރެވެ. އަދި ބޯމިނަކީ 2.6 މިލިމީޓަރެވެ. ބޭންޑުގެ ސައިޒަށް ބަލާއިރު، މީގެ ބަރުދަން 2.3 ގްރާމުން 3 ގްރާމާ ދެމެދުގައި ހުންނާނެއެވެ. ކަސްޓަމަރުންނަށް އެންމެ ރަނގަޅު ސައިޒް ހޯދުމަށް، މި އެއްޗެހި ގަންނަ މީހުންނަށް ސައިޒް ބެލުމަށް ބޭނުންވާ ސާމާނު ލިބޭނެއެވެ. އައުރާ ރިންގުގެ ބަރުދަން ހުންނާނީ 4 ގްރާމުން 6 ގްރާމާ ދެމެދުގައެވެ. މިއީ ސައިޒަށް ބަލައިގެންނެވެ. މީގެ މިންތައްވެސް ގާތްގަނޑަކަށް އެއްގޮތެވެ. ފުޅާމިނަކީ 7.9 މިލިމީޓަރެވެ. އަދި ބޯމިނަކީ 2.55 މިލިމީޓަރެވެ.

ބެޓެރީގެ ދިގުމިން: ސެމްސަންގުން ބުނެފައިވާ ގޮތުގައި ގެލެކްސީ ރިންގެއްގެ ބެޓެރީ މެދުނުކެނޑި ބޭނުންކުރާނަމަ 7 ދުވަހަށް ދެމިހުންނާނެއެވެ. މީގެ އިތުރުން އަތުގައި ގެންގުޅެވޭ ޗާޖުކުރާ ކޭހަކާއި ވަޔަރލެސް އެއަރ ބަޑްސްއެއް ލިބޭނެއެވެ. އައުރާ ރިންގުގެ އެފްއޭކިއު ޞަފްޙާގައި ބުނެފައިވާ ގޮތުގައި ފުލް ޗާޖުކޮށްފައިވާ ރިންގެއް 7 ދުވަހަށް ދެމިދާނެ އެވެ. ނަމަވެސް ބެޓެރީގެ ދިގުމިން ތަފާތުވާނެކަމަށް ބުނެފައިވެއެވެ. މިއީ ރިންގު ބޭނުންކުރާތާ ވީ މުއްދަތާއި، ވަކި ވަކި ފީޗަރތައް ބޭނުންކުރާ މިންވަރަށް ބަލައިގެންނެވެ. އަދި ހުރިހާ ރީޗާޖުކުރެވޭ ބެޓެރީތަކަކީވެސް ވަކި މުއްދަތަކަށް ދެމިހުންނަ އެއްޗެހި ކަމަށާއި، ވަގުތު ފާއިތުވަމުންދާއިރު މީގެ ޤާބިލުކަމާއި މަސައްކަތްކުރާ މިންވަރު މަޑުމަޑުން ދަށްވަމުންދާނެ ކަމަށް ބުނެފައިވެއެވެ.