އައިފޯން ފަދަ އެޕަލްގެ އެންމެހައި އުފެއްދުންތައް އެހާ ފުރިހަމަ، ފައްކާ އުފެއްދުންތަކަކަށް ވަނީ ހަމައެކަނި އެޕަލްގެ މޮޅުކަމަކުން ނޫންނެވެ. އެކަމަކު އެޕަލްގެ އުފެއްދުންތައް ފުރިހަކޮށް ފައްކާ ކުރުމަށްޓަކައި ގޫގަލްގެ ޗިޕްތައް ބޭނުންކުރާކަން އަޅުގަނޑުމެންގެ ތެރެއިން އެނގެނީ ކިތައް މީހުންނަށް ބާއެވެ.
އެޕަލް އިންޓެލިޖެންސް މި ހަފްތާގައި ބީޓާ ވަރޝަނެއްގެ ގޮތުގައި ވަނީ ނެރެފައެވެ. އަދި މިހާރު ކުންފުނިން ވަނީ އޭގެ ބައެއް އޭއައި ފީޗަރތައް އުފެއްދުނު ގޮތުގެ ތަފްސީލީ މަޢުލޫމާތު ޝާއިޢުކޮށްފައެވެ. މި މައުލޫމާތު ތަކުން އިތުރަށް ހާމަވެފައިވަނީ އެޕަލްގެ ދެ ފައުންޑޭޝަން މޮޑެލް އުފެއްދިފައިވަނީ ގޫގުލްއިން އުފައްދާފައިވާ ޗިޕްތައް ބޭނުންކޮށްގެންކަމެވެ.
އެޕަލް އިންޓެލިޖެންސްގެ ތަރައްޤީއަށް ފުންކޮށް ބަލައިލުން
އެޕަލްއިން އާންމުކޮށް އުފެއްދުންތައް ތަރައްޤީކުރުމުގެ އެތެރޭގެ އުސޫލުތަކާ ބެހޭ ގިނަ މަޢުލޫމާތު ހިއްސާކުރުމަށް އަބަދުވެސް ފަސްޖެހެއެވެ. ނަމަވެސް، އޭއައި އަދި އެމްއެލް ފީޗަރތަކާ ގުޅޭގޮތުން، ކުންފުނިން ވަނީ ދިގު މުއްދަތެއް ވަންދެން އޭގެ ދިރާސާތައް އެންމެންނަށް ފެންނާނެހެން ޝާއިޢުކޮށްފައެވެ.
އެންމެ ފަހުން ޝާއިޢުކުރެވުނު ލިޔުމުގެ ސުރުޚީއަކީ 'އެޕަލް އިންޓެލިޖެންސް ފައުންޑޭޝަން ލޭންގުއޭޖް މޮޑެލްސް' އެވެ. އަދި މިއީ ޑަބްލިޔުޑަބްލިޔުޑީސީގައި އެޕަލް އިންޓެލިޖެންސް ތަޢާރަފުކުރުމަށްފަހު ނެރެވުނު ފުރަތަމަ ލިޔުންތަކުގެ ތެރެއިން އެއް ލިޔުމެވެ.
މި ލިޔުން ލިޔެފައިވަނީ ދިރާސާކުރާ ފަރާތްތަކުން ކަމުން، އޭގެ މާނަ ދެނެގަތުމަކީ އެހާ ފަސޭހަ ކަމެއް ނޫނެވެ. ނަމަވެސް، ފާހަގަކޮށްލެވޭ މުހިންމު ނުކުތާއެއްގެ ގޮތުގައި އެޕަލް އިންޓެލިޖެންސްގެ ދެ ލޭންގުއޭޖް މޮޑެލް ތަމްރީނުކުރުމަށް ބޭނުންކޮށްފައިވާ ޗިޕްތަކާ ބެހޭ މަޢުލޫމާތު ހިމެނެއެވެ.
މި ރިޕޯޓުގައި އަޅުގަނޑުމެން ތަފްސީލުކޮށްދޭނީ މި ދެ މޮޑެލް - އޭއެފްއެމް-އޮން-ޑިވައިސް (އޭއެފްއެމް އަކީ އެޕަލް ފައުންޑޭޝަން މޮޑެލްގެ ކުރުގޮތް)، 3 ބިލިއަން ޕެރަމީޓަރުގެ ލޭންގުއޭޖް މޮޑެލެއް، އަދި އޭއެފްއެމް-ސަރވަރ، އެއަށްވުރެ ބޮޑު ސަރވަރ އަސާސްކޮށްފައިވާ ލޭންގުއޭޖް މޮޑެލެއް - އުފައްދައި އަދި ޚާއްޞަ މަސައްކަތްތައް ހަލުވިކަމާއި، ސައްޙަކަމާއި އަދި ޒިންމާދާރުކަމާއެކު ކުރުމަށް ބައްޓަންކޮށްފައިވާ ގޮތެވެ.
މި ދެ ފައުންޑޭޝަން މޮޑެލަކީ އެޕަލްއިން ބޭނުންކުރާ މީހުންނާއި ޑިވެލޮޕަރުންނަށް އެހީތެރިވުމަށް އުފައްދާފައިވާ ޖެނެރޭޓިވް މޮޑެލްތަކުގެ ބޮޑު ޢާއިލާއެއްގެ ބައެކެވެ. މީގެ ތެރޭގައި ހިމެނެނީ އެކްސްކޯޑްގައި ބުއްދި އެކުލެވުމަށް ބޭނުންކުރާ ކޯޑިންގ މޮޑެލެއް (އޭއެފްއެމް ލޭންގުއޭޖް މޮޑެލްއެއްގެ މައްޗަށް ބިނާކޮށްފައިވާ) އަދި ބޭނުންކުރާ މީހުންނަށް އެމީހުންގެ ޚިޔާލުތައް ފެންނަ ގޮތަށް ފާޅުކުރުމަށް އެހީތެރިވެދޭ ޑިފިއުޝަން މޮޑެލެއް، މިސާލަކަށް މެސެޖް އެޕްގައި ބޭނުންކުރުމަށެވެ.
ގޫގުލްގެ ޗިޕްތައް ބޭނުންކޮށްގެން އެޕަލްގެ މޮޑެލްތައް ތަމްރީނުކުރުން
ބަޔާންކުރެވުނު ދެ މޮޑެލް، އޭއެފްއެމް-އޮން-ޑިވައިސް އަދި އޭއެފްއެމް-ސަރވަރ، ތަމްރީނުކުރެވިފައިވަނީ އެޕަލްގެ އަމިއްލަ އެޕަލް ސިލިކޮން ޗިޕްތައް ބޭނުންކޮށްގެންނެއް ނޫނެވެ.
އޭގެ ބަދަލުގައި، އެޕަލްއިން އޭގެ މޮޑެލްތައް ތަމްރީނުކުރުމަށް ބޭނުންކޮށްފައިވަނީ ގޫގުލްގެ ޓެންސަރ ޗިޕްތަކެވެ. އަދި މި ލިޔުމުގައިވާ ގޮތުން، މި މަސައްކަތް ކުރުމަށް ވަރަށް ގިނަ އަދަދެއްގެ ޓެންސަރ ޗިޕްތައް ބޭނުންކޮށްފައިވެއެވެ.
އޭއެފްއެމް-އޮން-ޑިވައިސް ތަމްރީނުކުރުމަށް 2,048 ޓީޕީޔޫވީ5ޕީ ޗިޕް ބޭނުންވެފައިވެއެވެ
އެއަށްވުރެ ބޮޑު އޭއެފްއެމް-ސަރވަރ މޮޑެލް ތަމްރީނުކުރުމަށް 8,192 ޓީޕީޔޫވީ4 ޗިޕް ބޭނުންކޮށްފައި ވެފައިވެއެވެ
އެހެން ކުންފުނިތަކުން އާންމުކޮށް ބަރޯސާވާ އެންވިޑިއާގެ ޗިޕްތަކުގެ ބަދަލުގައި އެޕަލްއިން ގޫގުލްގެ ޓެންސަރ ޗިޕްތައް ބޭނުންކޮށްފައިވާކަމީ ސުވާލު އުފެދޭ ކަމެކެވެ.
މި ލިޔުމުގައި އެކަމުގެ ތަފްސީލެއް ނުދެއެވެ. ނަމަވެސް، ފަހުގެ ޝާއިޢުކުރުންތަކުގައި އެކަމާ ބެހޭ މަޢުލޫމާތު ހިމެނިދާނެއެވެ.
މި ޚަބަރާމެދު އަޅުގަނޑުމެން ދެކެންވީ ކިހިނެއް ހެއްޔެވެ؟ އެޕަލްއިން އިތުރު ތަފްސީލު ނުދޭހާ ހިނދަކު، އެކަމާމެދު ވިސްނަންވީ ގޮތެއް ނޭނގެއެވެ.
ވީހާވެސް ގިނަ މަސައްކަތްތަކެއް އެތެރޭގައި ކުރުމަށް އެޕަލްއިން އިސްކަންދޭކަން އެނގޭތީ، މިހާރު ކުންފުނިން މޮޑެލްތައް ތަމްރީނުކުރުމަށް ގޫގުލް ޓެންސަރ ބޭނުންކުރުން ހުއްޓާލައި، އެޕަލް ސިލިކޮންގެ އެޑްވާންސްޑް ވަރޝަނެއް ބޭނުންކުރަމުންދާ ކަމަށްވެސް ވެދާނެއެވެ.
ކޮންމެ ގޮތެއްގައި ވިޔަސް، މީގެ މާނައަކީ އައިފޯން އެޕަލް އިންޓެލިޖެންސްއާއެކު މާ ބުއްދިވެރިވުމަކީ، އޭގެ ބައެއް ގޫގުލްގެ ސަބަބުން ކަމެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.