ގޫގަލްގެ އެންމެ ފަހުގެ އިއާބަޑްސް، ޕިކްސެލް ބަޑްސް ޕްރޯ 2 ތަޢާރަފް ކޮށްފިއެވެ. މި އައު މޮޑެލްގައި، ފުރަތަމަ ފަހަރަށް، ޓެންސަރ އޭ1 ޗިޕް ހިމެނިފައިވާއިރު، މި ޗިޕްގެ ސަބަބުން، އިންޑަސްޓްރީގައި އެންމެ ފެންވަރު ރަނގަޅު އޯޑިއޯ ޕަރފޯމަންސް، ގޫގަލްގެ އޭ.އައި ގެ އެހީތެރިކަން އަދި ކުރިއަރާފައިވާ އަޑު ކޮންޓްރޯލް ކުރުމުގެ ޓެކްނޮލޮޖީ ފޯރުކޮށްދެއެވެ. މީގެ އިތުރުން، އިތުރު ރައްކާތެރިކަމާއި ފަސޭހަކަމަށް އަމާޒުކޮށް، މި އިއަރބަޑްސްގެ ޑިޒައިން އަލުން ބައްޓަންކުރެވިފައިވެއެވެ. މި އައު ބަދަލުތަކާއެކު، ޕިކްސެލް ބަޑްސް ޕްރޯ 2 އަކީ ބޭނުންކުރާ ފަރާތްތަކުގެ ޝައުޤުވެރިކަން އިތުރުވާނެ އުފެއްދުމެކެވެ.
ޕިކްސެލް ބަޑްސް ޕްރޯ 2 ގެ ފަރުމާ:
ޕިކްސެލް ބަޑްސް ޕްރޯ 2 އަކީ ޕިކްސެލް ބަޑްސް ޕްރޯ އަށް ވުރެ 24 ޕަސެންޓް ލުއި އަދި 27 ޕަސެންޓް ކުޑަ އެއްޗެކެވެ. 45 މިލިއަން އިއާ ސްކޭން އެނަލައިޒްކޮށް ރިއަލް ލައިފް ވެއާ ޓެސްޓުތައް ހެދުމަށް ފަހު، ޕިކްސެލް ބަޑްސް ޕްރޯ 2 ޑިޒައިން ކުރީ އެންމެ ހިތްހަމަޖެހޭ އަދި ރައްކާތެރި ފިޓިން އިއަރބަޑްސް އަށެވެ. އާ ޓްވިސްޓް-ޓު-އެޖަސްޓް ސްޓެބިލައިޒާގެ ސަބަބުން، އިއަރބަޑްސް ހުންނާނީ ތިބާގެކަންފަތަށް އެންމެ އެކަށީގެންވާ ފަސޭހަ ޑިޒައިން ގައެވެ. އަދި ތަފާތު ހަތަރު ސައިޒުގެ އިއާޓިޕްސް އެކުލެވޭ އިރު، ކަންފަތަށް ވަރަށް ރީތިކޮށް ފިޓްކޮށްދޭނެއެވެ.
ޓެންސަރ އޭ1 ގެ ވަރުގަދަ ނޮއިސް ކެންސަލޭޝަން
ޓެންސަރ އޭ1 ގެ ސަބަބުން ޕިކްސެލް ބަޑްސް ޕްރޯ 2 ގައި އަލްޓްރާ ލޯ-ލެޓެންސީ އޯޑިއޯ ޕްރޮސެސިންގ ހުންނައިރު، ސިކުންތަކު 3 މިލިއަން ފަހަރު ވަށައިގެންވާ މާހައުލަށް އެޑަޕްޓްކުރެއެވެ. މީގެ ސަބަބުން އެކްޓިވް ނޮއިސް ކެންސަލޭޝަން (އޭއެންސީ) ލިބޭ އިރު އެއީ އަޅުގަނޑުމެންގެ ކުރީގެ ޖެނެރޭޝަން އިއަރބަޑްސްއަށް ވުރެ ދެގުނަ ވަރުގަދަ އެއްޗެކެވެ. ޓްރެފިކްގެ ހަލަބޮލި އަޑުން ފެށިގެން ކޮފީ ޝޮޕްތަކުގައި ވަށައިގެން ދެކެވޭ ވާހަކަތަކާ ހަމައަށް ވެސް ބަޑްސް އިން ތަފާތު އަޑުތައް ކެންސަލް ކުރެ އެވެ.
އަދި ޓެންސަރ އޭ1 ގެ މަލްޓިޕާތު ޕްރޮސެސިންއާއެކު، ތިބާގެ މިއުޒިކް އަޑުއިވޭ ގޮތް ފުރިހަމަ ކޮށްދޭނެއެވެ. ޓެންސަރ އޭ1 އަކީ އެކްޓިވް ނޮއިސް ކެންސަލޭޝަންއަށް ހިނގަމުންދާ ކޮންޓިނިއުސް ޕްރޮސެސިންއިން މުޅިން މިނިވަން، މިއުޒިކަށް ހާއްސަ "ހައިވޭ ލޭން" އެކެވެ. މިއީ ޕްރިމިއަމް އިއާބަޑްސްގައި ވެސް ވަރަށް މަދުން ނޫނީ ނުފެންނަ ކަމެއް ކަމަށްވާއިރު، އޭގެ ނަތީޖާއަކީ ސައްހަ، ވަރަށް ތަފްސީލީ އަދި އިމަރސިވް އަޑެވެ.
ޓެންސަރ އޭ1 ގެ ސަބަބުން ކުޑަ އަދި ލުއި ޑިޒައިނަކާއެކުވެސް ބެޓެރީގެ ލައިފް އިތުރުކުރުމުގެ ފުރުޞަތު ލިބުނެވެ. އެކްޓިވް ނޮއިސް ކެންސަލޭޝަން އެނަބަލް ކުރުމުން ބަޑްސްގައި 8 ގަޑިއިރު އަދި ކޭސްއާއެކު 30 ގަޑިއިރު ބެޓެރީ ލައިފް ލިބޭއިރު، ތިބާގެ ބަޑްސް ޗާޖް ނުކޮށް މުޅި ދުވަހު ބޭނުން ކޮށްލެވޭނެއެވެ. އަދި އަވަސް އިތުރު ޗާޖެއް ބޭނުންވެއްޖެ ނަމަ އިތުރު ބެޓެރީ ލައިފްގެ ތިން ގަޑިއިރަށް 15 މިނެޓު ވަންދެން އޭގެ ކޭސްގައި ބައިންދާށެވެ.
ޕިކްސެލް ބަޑްސް ޕްރޯ 2 ޖެމިނައި ފީޗާ:
ޕިކްސެލް ބަޑްސް ޕްރޯ 2 އަކީ ހަމައެކަނި މިއުޒިކް ކުޅުމަށް ވުރެ ގިނަ ކަންތައްތަކެއް ކޮށް، ފޯކަސްކޮށް، ފޯނު ކޯލްތައް ނެގުމަށް އެހީތެރިވެދޭ އެއްޗެކެވެ. ޖެމިނައިއާ އެކު ބޭނުން ހިނދެއްގައި ހޭންޑްސް ފްރީ، އައި ފްރީ ވާޗުއަލް އޭއައި އެސިސްޓެންޓެއް ވެސް ފޯރުކޮށްދެ އެވެ. މީގެ ސަބަބުން ތިބާގެ ދިރިއުޅުމުގެ ކަންކަމަށް އެހީތެރިވެދެއެވެ. މިސާލަކަށް އެންމެ ކައިރީގައި އޮންނަ ޕަބްލިކް ޓްރާންސިޓަށް ދާންވީ މަގު ނުވަތަ ޑައިރެކްޝަން ކިޔައިދޭނެއެވެ. ކުރިއަށް އޮތް އެޕޮއިންޓްމަންޓްގެ ގަޑި ހަނދާންކޮށްދީފާނެއެވެ. މިފަދަ ހިތްގައިމް ޚިދުމަތްތަކާއެކު ފޯނުޖީބުގައި ލޮކްކޮށްފައި ބާއްވައިގެންވެސް އެ ހުރިހާ ކަމެއް ވަރަށް ފުރިހަމައަށް ކޮށްލެވިދާނެއެވެ.
އަދި ޖެމިނައި ލައިވްއާ އެކު ޕިކްސެލް ބަޑްސް ޕްރޯ 2 އިން މޮބައިލް ކޮންވަޒޭޝަނަލް އެކްސްޕީރިއަންސެއް ފޯރުކޮށްދޭއިރު، އަޅުގަނޑުމެންގެ އެންމެ ޒަމާނީ ސްޕީޗް ޓެކްނޮލޮޖީ ބޭނުންކޮށްގެން ޖެމިނައި އެކު ޚިޔާލުބަދަލުކޮށް ވާހަކަ ދައްކާލެވިދާނެއެވެ. މިސާލަކަށް ކުރިއަށް އޮތް އިންޓަވިއުއަކަށް ޕްރެކްޓިސް ވެސް ކޮށްލެވިދާނެއެވެ.
ބަޑްސް ޕްރޯ 2ގެ އަނެއް ޚާއްޞަ އެއް ފީޗާއަކީ "ފައިންޑް މައި ޑިވައިސް" އެވެ. މި ފީޗާގެ ސަބަބުން ބަޑްސް ފަސޭހައިން ހޯދޭނެ އެވެ. އެ ކަމަށް ޚާއްޞަ ރިންގިން ސްޕީކަރެއް ވެސް އިތުރުކޮށްފައިވުމުގެ ސަބަބުން ތިބާގެ ޑިވައިސް ގެއްލިފައި އޮއްވައި "ފައިންޑް މައި ޑިވައިސް" އޭ ބުނުމުން އަމިއްލައަށް އޮތްތައް ބުނެދޭނެއެވެ. ނުވަތަ އޮތް ހިސާބެއް ފާހަގަކޮށްދޭނެއެވެ.
ޕްރީ އޯޑަރ ކުރުން:
ޕިކްސެލް ބަޑްސް ޕްރޯ 2 ހަތަރު ކުލައަކުން ލިބޭއިރު، ޕޯސިލޭން، ހޭޒަލް، ޕިއޯނީ އަދި ވިންޓަގްރީން ހިމެނެއެވެ.
ޕިކްސެލް ބަޑްސް ޕްރޯ 2 އަށް މިހާރުވެސް 229 ޑޮލަރަށް ޕްރީއޯޑަރު ކުރެވޭއިރު، ސެޕްޓެމްބަރު 26 ގައި ގޫގަލް ސްޓޯރާއި ގޫގުލްގެ ރީޓެއިލް ޕާޓްނަރުންގެ ޝެލްފްގައި ލިބެން ހުންނާނެއެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.