އެމެރިކާގައި ރޮބޮޓް ވެކިއުމްތައް ހެކް ކޮށްފި

ކަންބޮޑުވާ ފަދަ ޕްރައިވެސީ ބްރިޗެއްގައި، ހެކަރުން ވަނީ އީކޯވެކްސްގެ ޑީބޮޓް އެކްސް 2 ރޮބޮޓް ވެކިއުމްތަކުގެ ސެކިއުރިޓީ މައްސަލަތަކެއް ބޭނުންކޮށްގެން، މި ޑިވައިސްތައް ދުރުން ކޮންޓްރޯލްކޮށް، އެމެރިކާގެ ގޭބިސީތަކުގައި ނުރަނގަޅު ބަސްތައް ބްރޯޑްކާސްޓްކުރުމުގެ ފުރުސަތު ހޯދާފައެވެ. އާންމުކޮށް ބިންމަތި ސާފުކުރުމަށް ބޭނުންކުރާ މި ރޮބޮޓް ވެކިއުމްިއުމްތައް ބޭނުންކޮށްފައިވަނީ ބަދުބަހާއި ހަޑިހުތުރު ބަސްތައް ހަޅޭއްލަވަން ކަމަށްވާތީ، އިންޓަރނެޓާ ގުޅިފައިވާ އާލާތްތައް ގޭގައި ބޭނުންކުރުމުގެ ރައްކާތެރިކަމާމެދު އާންމުންގެ ކަންބޮޑުވުން އުފެދިފައިވެއެވެ.

މިނެސޮޓާގެ ވަކީލެއްކަމަށްވާ ޑެނިއަލް ސްވެންސަން އޭނާގެ ތަޖުރިބާ ހިއްސާކޮފައިވެއެވެ. ސްވެންސަން ފުރަތަމަ ފާހަގަވީ އޭނާގެ ޑީބޮޓް އެކްސް 2 އިން އަންނަ އާދަޔާ ޚިލާފު އަޑުތަކެކެވެ. އަދި އޭނާ ހީކުރީ އެއީ ޓެކްނިކަލް މައްސަލައެއް ކަމަށެވެ. ނަމަވެސް، އެޕް ޗެކްކުރުމުން އޭނާއަށް އެނގުނީ ހުއްދަނެތި މީހަކު އެ ޑިވައިސް ކޮންޓްރޯލްކޮށް ލައިވް ކެމެރާ ފީޑް ބޭނުންކުރަމުންދާކަމެވެ. ޕާސްވޯޑް ރީސެޓްކުރުމަށްފަހު، ސްވެންސަން ހީކުރީ މައްސަލަ ހައްލުވެއްޖެ ކަމަށެވެ - ނަމަވެސް ވެކިއުމް އޭނާގެ ޢާއިލާގެ ކުރިމަތީގައި، އޭނާގެ ކުޑަ ދަރިފުޅު ހިމެނޭގޮތަށް، ނަސްލީ ބަދުބަސް ގަދައަށް ހަޅޭއްލަވަން ފެށިއެވެ. ސްވެންސަން ކަންބޮޑުވެގެން ވެކިޔުމް ނިއްވާލައި ގަރާޖަށް ގެންދިޔައެވެ.

މި ހާދިސާތަކުގެ އެނގިގެންދިޔައީ ޑީބޮޓް އެކްސް 2 ގެ ސެކިއުރިޓީގައި ހުރި މައްސަލައެކެވެ. އެކޯވެކްސްއިން ބުނާގޮތުގައި ޕާސްވޯޑަކާއި ހަތަރު އަދަދުގެ ޕިން ކޯޑަކުން ބޭނުންކުރާ މީހުން ރައްކާތެރިކުރެވިފައިވީ ނަމަވެސް، ސައިބަރ ސެކިއުރިޓީ ދިރާސާކުރާ ފަރާތްތަކުން ހޯދާފައިވާ ގޮތުގައި ޕިން ޗެކްކުރަނީ ހަމައެކަނި އެޕްގައި ކަމަށްވުމުން - އެކޯވެކްސްގެ ސަރވަރުގައި ނޫންކަމުން - އެ ކޯޑު ބައިޕާސްކުރުމަކީ ފަސޭހަ ކަމެކެވެ. މިކަމުގެ ސަބަބުން ހަމަލާދޭ ފަރާތްތަކަށް ވެކިއުމް ކޮންޓްރޯލްކޮށް، ކެމެރާއަށް ވަދެ، އަދި އޭގެ ސްޕީކަރު މެދުވެރިކޮށް އޯޑިއޯ ބްރޯޑްކާސްޓްކުރެވެއެވެ.

އީކޯވެކްސްއިން މި ސެކިއުރިޓީ މައްސަލައަށް ޖަވާބުދީފައިވަނީ ބޭނުންކުރާ ފަރާތްތަކަށް އެމީހުންގެ ޕާސްވޯޑް ބަދަލުކުރުމަށް އިރުޝާދުދީ، އަދި ނޮވެމްބަރު މަހު ސެކިއުރިޓީ އަޕްޑޭޓެއް ގެނައުމަށް ރޭވިފައިވާކަން އިޢުލާނުކޮށްގެންނެވެ. ނަމަވެސް، ފާޑުކިޔާ ފަރާތްތަކުން ބުނާގޮތުގައި ކުންފުނީގެ ޖަވާބު ލަސްކަމަށާއި އަދި ނުފުދޭ ކަމަށެވެ. އެއީ ދިރާސާކުރާ ފަރާތްތަކުން 2023 ވަނަ އަހަރު މި ސެކިއުރިޓީ ގެޕް ފާހަގަކޮށްފައިވާތީއެވެ.

މި ހާދިސާއިން ފާހަގަކޮށްދެނީ އިންޓަރނެޓާ ގުޅިފައިވާ ގޭގެ ޑިވައިސްތައް ނުވަތަ "ސްމާޓް" ޓެކްނޮލޮޖީގެ އިތުރުވަމުންދާ ނުރައްކާތަކެވެ. މި ޓެކްނޮލޮޖީއިން ދުވަހުން ދުވަހަށް ދިރިއުޅުން ފަސޭހަކޮށްދޭ ނަމަވެސް، ސެކިއުރިޓީ ފިޔަވަޅުތަކަށް އިސްކަންނުދޭނަމަ ބޭނުންކުރާ ފަރާތްތަކުގެ ޕްރައިވެސީއަށް އަރައިގަތުމުގެ ނުރައްކާ އޮވެއެވެ. އީކޯވެކްސްއިން ސެކިއުރިޓީ އަޕްގްރޭޑެއް ގެންދަންދެން، ބޭނުންކުރާ ފަރާތްތަކުގެ ޕްރައިވެސީއާއި ރައްކާތެރިކަން ކަށަވަރުކުރުމަށްޓަކައި ވެކިއުމްތައް ނިއްވާފައި ބޭއްވުމަށް ބާރުއަޅައެވެ.