ސޯޝަލް މީޑިއާ ޕްލެޓްފޯމް އެކްސް (ކުރީގެ ޓްވިޓަރ) އިން އެ ކުންފުނީގެ ގްރޮކް އޭއައި ޗެޓްބޮޓް ހިލޭ ބޭނުންކުރެވޭގޮތަށް ހުޅުވާލުމުގެ މަސައްކަތް ކުރަމުންދާކަން ފާހަގަކުރެވިފައިވާ ކަމަށް ޓެކް ރިޕޯޓްތައް ބުނެފިއެވެ. މިހާރު މި ޚިދުމަތް ލިބެނީ އެކްސްގެ ޕްރީމިއަމް ސަބްސްކްރައިބަރުންނަށް އެކަންޏެވެ.
ބައެއް މީޑިއާތަކުން ހިއްސާކުރި މައުލޫމާތުން އެނގޭގޮތުގައި، އެކްސް އިން ވިސްނަނީ "ފްރީމިއަމް" ވާރޝަނެއްގެ ގޮތުގައި ގްރޮކް ހުރިހާ ޔޫސަރުންނަށްވެސް ބޭނުންކުރެވޭގޮތަށް ހުޅުވާލުމަށެވެ. މިހާރު މި ޚިދުމަތް ބޭނުންކުރެވެނީ އެކްސް ޕްރީމިއަމް ސަބްސްކްރައިބަރުންނަށް އެކަނި ކަމަށްވެފައި، އެއީ އެކްސްގެ މުޅި ޔޫސަރ ބޭސްގެ އެންމެ 0.26 އިންސައްތަ ކަމަށްވާ 1.3 މިލިއަން މީހުންނަށް ކަމަށްވާތީ، މި ޚިދުމަތުގެ ބޭނުން ކުރެވެނީ ވަރަށް މަދު ބަޔަކަށެވެ.
ހިލޭ ވާރޝަނެއް ތައާރަފްކުރުމުން، އާންމު ޔޫސަރުންނަށް މަދު މިންވަރަކަށް ނަމަވެސް މި ޚިދުމަތް ބޭނުންކުރެވި، އެކްސް ޕްރީމިއަމްއަށް އިތުރު ސަބްސްކްރައިބަރުން ލިބުމަށް މަގުފަހިވެގެންދާނެއެވެ. އަދި މީގެ ސަބަބުން އެކްސްގެ ޕޭރެންޓް ކުންފުނި ކަމަށްވާ އެކްސް ކޯޕްއަށް، އެ ކުންފުނީގެ އެކްސްއޭއައި ޔުނިޓަށް އިތުރު އިންވެސްޓްމަންޓް ހޯދުމަށްވެސް މަގުފަހިވެގެންދާނެއެވެ.
އެކްސްއޭއައި އަކީ އީލޮން މަސްކް އުފެއްދި ކުންފުންޏެކެވެ. މިއީ އޭނާ ކުރިން އިންވެސްޓްކޮށްފައިވާ އޯޕަންއޭއައިގެ ވާދަވެރި ކުންފުންޏެއްގެ ގޮތުގައި އުފެއްދި ޕްރޮޖެކްޓެކެވެ. މިހާތަނަށް އެކްސްއޭއައި އަށް 6 ބިލިއަން ޑޮލަރުގެ ފަންޑިންގ ލިބިފައިވެއެވެ. އަދި އެކްސް އެޕާ ގުޅިގެން ޑޭޓާ ސަޕްލައި އެއްބަސްވުމެއް ހެދުމުން، މި ދެ ކުންފުނީގެ ދެމެދުގައި ފައިސާގެ މުއާމަލާތްތައް ހިންގޭނެކަމަށް ބެލެވެއެވެ.
އެހެންނަމަވެސް، މަސްކްގެ ޓްރަމްޕް އެޑްމިނިސްޓްރޭޝަންގައި އަދާކުރާނެ ދައުރާ ގުޅިގެން މަސްލަހަތު ފުށުއަރާ ކަންކަން ދިމާވުން އެކަށީގެންވެއެވެ. މިސާލަކަށް އެކްސް އަށް ސައޫދީ ޕްރިންސް އަލްވަލީދު ބިން ޠަލާލްގެ ފަރާތުން ލިބިފައިވާ އެހީތެރިކަމާމެދު މިހާރުވެސް ވަނީ ނެޝަނަލް ސެކިއުރިޓީގެ ނަޒަރުން ސުވާލު އުފެދިފައެވެ.
މަސްކް އަކީ ސަރުކާރުގެ އޭއައި، ބޭރުގެ އިންވެސްޓްމަންޓް، އަދި ޑޭޓާ ސެކިއުރިޓީއާ ގުޅޭ ޑިޕާޓްމަންޓްތައް މުރާޖައާ ކުރާ ފަރާތްކަމަށްވާނަމަ، މަސްލަހަތު ފުށުއަރާނެކަމަށް ބެލެވެއެވެ. އެހެންކަމުން، އޭނާ މިފަދަ ކަންކަމުން ތަނާޒުލުވުން ނުވަތަ ވިޔަފާރިތަކުން އިސްތިއުފާދިނުން ލާޒިމުވެދާނެއެވެ.
އެހެންނަމަވެސް، ގްރޮކް އޭއައި ގިނަ ބަޔަކަށް ލިބޭގޮތް ހެދުމަކީ މުހިންމު ކަމެއްކަމަށް ފެންނާތީ، އެކްސް އިން މި ޕްރޮޖެކްޓް ކުރިއަށް ގެންދިއުމަށް ނިންމާފައިވެއެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.