މައިކްރޯސޮފްޓް ޓީމްސް އިން އަންއެންކްރިޕްޓެޑް ޕްލެއިންޓެކްސްޓް މޯޑުގައި އޮތެންޓިކޭޝަން ޓޯކަން ރައްކާކޮށް، ހަމަލާދޭ މީހުންނަށް އޯގަނައިޒޭޝަނެއްގެ ތެރޭގައި މުވާސަލާތީ މުއާމަލާތްތައް ކޮންޓްރޯލް ކުރުމުގެ ފުރުސަތުދޭ ކަމަށް ސެކިއުރިޓީ ފާމް ވެކްޓްރާ އިން ބުނެއެވެ. މި ފަރަގުގެ ސަބަބުން މައިކްރޮސޮފްޓްގެ އިލެކްޓްރޯން ފްރޭމްވޯކް ބޭނުންކޮށްގެން ހަދާފައިވާ ވިންޑޯޒް، މެކް އަދި ލިނަކްސްގެ ޑެސްކްޓޮޕް އެޕްއަށް އަސަރުކުރޭ. މައިކްރޮސޮފްޓަށް މި މައްސަލަ އެނގިފައިވާ ކަމަށާއި ނަމަވެސް އަވަހަށް ފިކްސް ކުރުމުގެ ވިސްނުމެއް ނެތް ކަމަށް މައިކްރޮސޮފްޓުން ބުނި ނަމަވެސް، އެކްސްޕްލޮއިޓޭޝަނެއްގެ ސަބަބުން ނެޓްވޯކް އެކްސެސް ބޭނުންވާނެތީ، އެ މައްސަލަ ހައްލުކުރުމުގެ ވިސްނުމެއް ނެތް ކަމަށް މައިކްރޮސޮފްޓުން ވަނީ ބުނެފައެވެ.
ވެކްޓްރާ ބުނާ ގޮތުގައި ލޯކަލް ނުވަތަ ރިމޯޓް ސިސްޓަމް އެކްސެސް އޮންނަ ހެކަރުންނަށް އެވަގުތު އޮންލައިންކޮށް ތިބި ޓީމް ޔޫޒަރުންގެ ކްރެޑެންޝިއަލްސް ވަގަށް ނެގިދާނެ ކަމަށާއި، އެއަށްފަހު އޮފްލައިންކޮށް ހުންނައިރުވެސް އެމީހެއް އޮންލައިންކޮށް ހުރިކަމަށް ބަދަލުކުރެވިދާނެ ކަމަށެވެ. އަދި އާންމު ގޮތެއްގައި ބޭނުންވާ މަލްޓިފެކްޓާ އޮތެންޓިކޭޝަން (އެމްއެފްއޭ) ބައިޕާސް ކުރާއިރު، ސްކައިޕް ނުވަތަ އައުޓްލުކް ފަދަ ޓީމްތަކާ ގުޅުން ހުރި އެޕްތައް މެދުވެރިކޮށް ވެސް އެ ޔޫޒާ އޮންލައިން ކަމަށް ދައްކުވައިދެވިދާނެއެވެ.
"މިކަމުގެ ސަބަބުން ހަމަލާދޭ މީހުންނަށް ޝެއަރޕޮއިންޓް ފައިލްތަކާއި، އައުޓްލުކް މެއިލް އަދި ކަލަންޑަރުތައް ބަދަލުކޮށް، ޓީމްސް ޗެޓް ފައިލްތައް ބަދަލުކުރުމަށް މަގުފަހިވެގެންދޭ،" ވެކްޓްރާ އިން ބުނެފައިވެއެވެ. "އެއަށްވުރެ ވެސް ގެއްލުން ބޮޑު، ހަމަލާދޭ މީހުން ހަލާކޮކޮށް، ބޭރުކޮށް، ނުވަތަ ޓާގެޓެޑް ފިޝިން ހަމަލާތައް ދީގެން އޯގަނައިޒޭޝަންގެ ތެރޭގައި ސައްހަ މުއާމަލާތްތައް އޮޅުވާލެވިދާނެ."
ވެކްޓްރާ އިން ޕްރޫފް އޮފް ކޮންސެޕްޓް އެކްސްޕްލޮއިޓް އެއް އުފެއްދީ އެކްސެސް ޓޯކަން އެއް މެދުވެރިކޮށް ކްރެޑެންޝިއަލް ހޯލްޑަރުގެ އެކައުންޓަށް މެސެޖެއް ފޮނުވުމުގެ ފުރުސަތު އެމީހުންނަށް ލިބޭ ގޮތަށް. "ކުންފުންޏެއްގެ ސީއީއޯ، ނުވަތަ ސީއެފްއޯ ފަދަ ކްރިޓިކަލް ސީޓްތަކުގެ ފުރިހަމަ ކޮންޓްރޯލް ގަބޫލުކުރުމަކީ ހަމަލާދޭ ފަރާތްތަކުން އެ އޯގަނައިޒޭޝަން އަށް ގެއްލުންވާ ފަދަ މަސައްކަތްތައް ކުރުމަށް ޔޫޒަރުންނަށް މަޖުބޫރު ކުރުވިދާނެ ކަމެއް."
މައްސަލަ މައިގަނޑު ގޮތެއްގައި ދިމާވަނީ ޑެސްކްޓޮޕް އެޕްގައި ކަމަށްވާތީ، އިލެކްޓްރޯން ފްރޭމްވޯކް ގައި "ކުކީ ޑޭޓާ ރައްކާތެރި ކުރުމަށް އިތުރު ސެކިއުރިޓީ ކޮންޓްރޯލެއް ނެތް" ކަމަށް ޒަމާނީ ވެބް ބްރައުޒާތަކާ ޚިލާފަށް، އެގޮތުން ވެކްޓްރާ ލަފާދެނީ ޕެޗް އެއް އުފައްދަންދެން ޑެސްކްޓޮޕް އެޕް ބޭނުން ނުކުރުމަށާއި އޭގެ ބަދަލުގައި ވެބް އެޕްލިކޭޝަން ބޭނުން ކުރުމަށެވެ.
ސައިބަރ ސެކިއުރިޓީ ނިއުސް ސައިޓް ޑާކް ރީޑިންގ އޮފް ދަ ވަލްނަރަބިލިޓީއިން މައުލޫމާތު ދިނުމުން މައިކްރޮސޮފްޓުން ބުނީ "ހަމަލާދޭ މީހާ އަށް އެންމެ ފުރަތަމަ ޓާގެޓް ނެޓްވޯކަކަށް އެކްސެސް ވާން ޖެހޭތީ ވަގުތުން ހިދުމަތް ދޭންޖެހޭ" ކަމަށާއި ކުރިއަށް އޮތް ޕްރޮޑަކްޓް ރިލީސްއެއްގައި އެޑްރެސް ކުރުމާ މެދު ވިސްނާނެ ކަމަށެވެ.
ޓެކްނޮލޮޖީ ދިރާސާކުރާ ފަރާތެއް، ގްރެފިކް ޑިޒައިނަރެއް
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.