ޓެކް ކުންފުނިތަކުގެ މަސައްކަތަކާއި، ޚިދުމަތްތައް އާޓިފިޝަލް އިންޓެލިޖެންސް (އޭއައި) އަށް ދެގުނަ އިތުރުވެ، ތަރައްގީވަމުން އަންނަ އޭއައި ދާއިރާގެ ސަބަބުން ބޮޑެތި ޓެކް ކުންފުނިތަކުން ވަނީ 2024 ވަނަ އަހަރުގެ މިހާތަނަށް 34،000 އަށް ވުރެ ގިނަ ވަޒީފާ އުނިކޮށްފައެވެ.
ފައިނޭންޝަލް ޓައިމްސް އިން ރިޕޯޓްކޮށްފައިވާ ގޮތުގައި ޓެކް ކުންފުނިތަކުން ވަނީ ޖެނެރޭޓިވް އޭއައި އަށް ފޯކަސް ބަދަލުވުމުން ހަފުތާއެއްހާ ދުވަހުގެ ތެރޭގައި ގާތްގަނޑަކަށް 34،000 ވަޒީފާ ކަނޑާލާފައެވެ.
ވަޒީފާ ތައް ކަނޑާލާފައިވަނީ ވަރަށް ހަލުވި ދުވެއްޔެއްގައި ކަމަށްވާއިރު، ވަޒީފާއިން ވަކިކުރުމުގެ ގިނަ ކަންކަން ހިނގާފައިވަނީ މިއަހަރުގެ ޖެނުއަރީ މަސް ތެރޭގައި ކަމަށްވެއެވެ.
2024 ވަނަ އަހަރު ފެށުނީ ޓެކްނޮލޮޖީ ދާއިރާގެ ފަންނުވެރިން ވަޒީފާއިން ވަކިކުރުމުގެ ބޮޑު ބިޔަ ރާޅާއެކު، މުޅި ސްޕެކްޓްރަމްގެ ކުންފުނިތަކަށް އޭގެ އަސަރު ކުރަމުންނެވެ. ގޫގަލް، މައިކްރޮސޮފްޓް އަދި އެމެޒޯން ފަދަ ބޮޑެތި ކުންފުނިތަކުން ފެށިގެން ރަޔަޓް ގޭމްސް އަދި ޔުނިޓީ ފަދަ ގޭމިން ސްޓޫޑިއޯތަކުން 15،000 އަށް ވުރެ ގިނަ ވަޒީފާ ކަނޑާލީ އޭއައި އޮޓޮމޭޝަންއިން ފެށިގެން އިގްތިސާދީ ހީނަރުކަމަށް މަގުފަހިވާ ސަބަބުތަކާ ހުރެއެވެ. އައިރޮބޮޓް ފަދަ ބައެއް ކުންފުނިތަކަށް ހާއްސަ ހީނަރުކަމެއް ކުރިމަތިވި އިރު، މެޓާ އަދި ޕޭޕަލް ފަދަ ކުންފުނިތަކުން މާލީ ކާމިޔާބީތަކާ އެކު ވެސް މުވައްޒަފުން ދޫކޮށްލުމުން 2024 ވަނަ އަހަރު ވެގެން މިދަނީ ކުރިއަށް އޮތް ޓެކް އިންޑަސްޓްރީއަށް ގޮންޖެހުންބޮޑު އަހަރަކަށެވެ.
ގޫގަލްގެ ސީއީއޯ ސުންދަރު ޕިޗާއީ ވަނީ އެ ކުންފުނީގެ އޭއައި ގެ މަސައްކަތް "ވަރަށް ބޮޑަށް" ކުރިއަރަމުން އަންނަކަމަށް ސިފަކުރައްވައި، ވަޒީފާއިން ވަކިކުރިކަން އިއުލާނުކުރައްވާ މުވައްޒަފުންނަށް ފޮނުއްވި އީމެއިލްގައި އެވާހަކަތައް ވިދާޅުވެފައެވެ.
މަޝްހޫރު ކްލައުޑް ކޮމްޕިއުޓިން ލީޑަރު އެމެޒޯން އިން ވެސް ވަނީ ޖެނުއަރީ އަދި ފެބްރުއަރީ މަހު 9،000 އަށް ވުރެ ގިނަ ރޯލް ކުޑަކޮށް، މަސައްކަތްތެރިން މަދުކުރަން މަގުފަހިވާ ސަބަބެއްގެ ގޮތުގައި ފާހަގަކޮށްފައެވެ. މައިކްރޮސޮފްޓުން ވެސް ވަނީ ވަޒީފާ ގެއްލުވާލުމުގެ ތަފްސީލު ދިނުމުގައި އޭއައި އަކީ ވަރަށް މުހިންމު ދާއިރާއެއްގެ ގޮތުގައި ފާހަގަކޮށްފައެވެ.
އެންޓަޕްރައިޒް ސޮފްޓްވެއާ ވިއްކާ ސޭލްސްފޯސް އާއި އެސްއޭޕީ ގުޅިގެން 2024 ވަނަ އަހަރުގެ ފުރަތަމަ މަސްތެރޭގައި 3،000 އަށް ވުރެ ގިނަ މުވައްޒަފުން ވަޒީފާއިން ވަނީ ވަކިކޮށްފައެވެ. ސައިބާ ސެކިއުރިޓީ ފާމް މެކަފީއިން ވެސް އެތައް ސަތޭކަ ވަޒީފާއެއް ކަނޑާލީ އޭއައި އަށް ބަރޯސާވެގެންނެވެ.
އިޤްތިޞާދީ ޕްރެޝަރުތަކުގެ ތެރޭގައި އޭއައިލީޑަރުން އަމިއްލައަށްވެސް، މީގެ ކުރިން ވަޒީފާދިނުމުގައި އުޅުއްވި ބޭފުޅުންނަށްވެސް ވަނީ އަސަރުކޮށްފައެވެ. ޗެޓްޖީޕީޓީ އުފެއްދި އޯޕަންއޭއައި އިން 10 ޕަސެންޓް މުވައްޒަފުން ވަޒީފާއިން ވަކިކޮށްފައިވާއިރު ކްލައުޑް އޭއައި އުފައްދާ އެންތްރޮޕިކް އިން ވަނީ ގާތްގަނޑަކަށް 100 އެއްހާ މުވައްޒަފުން ދޫކޮށްލައިފައެވެ.
"މުޅި ޓެކް އިންޑަސްޓްރީ ހަލުވިކަމާއެކު އަންނަނީ އޭއައިގެ ވަށައިގެން ބޮޑެތި ބަދަލުތަކެއް ގެންނަމުން. ކުންފުނިތަކަށް އިހުސާސް ކުރެވެނީ މި އޭއައި-ފަސްޓް މުސްތަގުބަލަށް ޓަކައި އެ މީހުންގެ ޖަމިއްޔާތައް ޑްރާމާކޮށް ރީޝޭޕް ކުރަން ޖެހޭކަން،" ޓެކް އިންޑަސްޓްރީގެ އެނަލިސްޓް ޑޭން އައިވްސް ވިދާޅުވިއެވެ.
މިވޭން އެންމެ ބޮޑަށް ކުރިމަތިވެފައިވަނީ ޒަރޫރީ ނޫން ކަމަށް ބެލެވޭ ނުވަތަ އޭއައި ޑިވެލޮޕްމެންޓާއި ތަންފީޒް ކުރުމުގައި ސީދާ ހިއްސާ ނުކުރާ ސަރަހައްދުތަކުގައެވެ. މާކެޓިން، ރެކްރޫޓިން، އޮޕަރޭޝަންސް އަދި ސަޕޯޓް ފަންކްޝަން ފަދަ ޖޮބް ކެޓަގަރީތަކަށް ވަނީ ބޮޑެތި ގެއްލުންތަކެއް ލިބިފައެވެ.
ވަޒީފާއިން ވަކިކުރުމުން އެނގެނީ ކުންފުނިތަކުން އޭއައިއާ ދިމާލަށް ވަސީލަތްތައް ރީޑައިރެކްޓް ކުރުމަށް މަސައްކަތް ކުރަމުން އަންނަ ކަމެވެ. ނަސީބުވެރިންނަކީ އެމީހުންގެ އުފެއްދުންތަކާއި ހިދުމަތްތަކާއި އޮޕަރޭޝަންތަކުގައި ކާމިޔާބުކަމާ އެކު އޭއައި އިންޓަގްރޭޓް ކުރާ ފަރާތްތައް ކަމަށް ބެލެވެއެވެ.
މިފިޔަވަޅުތަކުގެ ސަބަބުން ޓެކް ކުންފުނިތައް މިހާރަށްވުރެ ހަރުދަނާވެ، އިންޑަސްޓްރީ ހަލުވިކަމާއެކު ބަދަލުވަމުން އަންނަ އޭއައި އިންގިލާބަށް ކެޕިޓަލައިޒް ކުރުމުގެ ޤާބިލުކަން ލިބިގެންދާނެއެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.