މައިކްރޮސޮފްޓުން ވަންޑްރައިވް ކްލައުޑް ސްޓޯރޭޖް ހިދުމަތުގެ ވެބް ވާޝަނަށް އާ އޮފްލައިން މޯޑެއް ތައާރަފްކުރަން ފަށާފައިވާއިރު، އެ މޯޑްގެ ސަބަބުން އިންޓަނެޓް ކަނެކްޝަނަކާ ނުލައި ފައިލްތަކަށް ވަދެވޭނެއެވެ.
މި ފީޗާއަކީ އެކި ޕްލެޓްފޯމްތަކުގައި ވަންޑްރައިވްގެ ތަޖުރިބާ އިތުރަށް ހަރުދަނާ ކުރުމަށް މިހާރު ކުރިއަށްދާ އޯވަހޯލްގެ ދަށުން މައިކްރޯސޮފްޓުން ކުރިއަށް ގެންދާ ފީޗާއެކެވެ.
މި އޮފްލައިން ކެޕޭބިލިޓީގެ ސަބަބުން ވަންޑްރައިވް ވެބް ބޭނުންކުރާ ފަރާތްތަކަށް އޮފްލައިންގައިވެސް ވަންޑްރައިވްގައި ހުންނަ ފައިލްތައް ހުޅުވައި، ފޭވަރިޓް ފައިލްތަކާއި ފޯލްޑަރތަކަށް ނެވިގޭޓް ކުރުމުގެ އިތުރުން މެއިން ވަންޑްރައިވް ހޯމް ސެކްޝަން ބަލާލެވޭނެއެވެ.
އޮފްލައިންގައި ގެނައި ބަދަލުތައް އޮންލައިންވުމުން މެދުނުކެނޑި ސިންކްކުރުމާއެކު އޮފްލައިންކޮށް ފައިލްތަކުގެ ނަން ބަދަލުކޮށް، ތަރުތީބުކޮށް، މޫވްކޮށް ކޮޕީ ވެސް ކުރެވޭނެއެވެ.
މައިކްރޮސޮފްޓްގެ ޕްރިންސިޕަލް ޕްރޮޑަކްޓް މެނޭޖަރެއް ކަމަށްވާ އަންދްރޭ އެސިޕޮވް ވިދާޅުވި ގޮތުގައި އޮފްލައިން މޯޑުން ޑިވައިސްގެ ލޯކަލް ސްޓޯރޭޖް ބޭނުންކޮށްގެން ފައިލް ނަމާއި ސައިޒާއި ލިޔުންތެރިޔާ އާއި އެންމެ ފަހު ތާރީހު ފަދަ ބައެއް ފައިލް މައުލޫމާތު ރައްކާކުރެވޭނެއެވެ.
އޮފްލައިން މޯޑް އެނަބަލް ކުރުމަށް ވަންޑްރައިވް ބޭނުންކުރާ ފަރާތްތަކަށް ވަންޑްރައިވް ސިންކް އެޕްލިކޭޝަންގެ އެންމެ ފަހުގެ ވާޝަން ބޭނުންވާނެވެ. ވިންޑޯޒް ނުވަތަ މެކް އޯއެސްގައި ވެސް މި އޮޕްޝަން ބޭނުން ކުރެވޭނެއެވެ.
ވަންޑްރައިވްގެ ވެބް ވާޝަން މެދުވެރިކޮށް އޮފްލައިންކޮށް ފައިލްތަކަށް ވަދެ ހުޅުވައި ބދަލުތައް ގެނައުން ފަދަ ކަންކަން ކުރެވޭނެ -- ފޮޓޯ: މައިކްރޮސޮފްޓް
މިވަގުތަށް އަލަށް އޮފްލައިން ކެޕޭސިޓީ ލިބެނީ ހަމައެކަނި ވޯކް އެންޑް ސްކޫލް މައިކްރޮސޮފްޓް 365 އެކައުންޓް ހޯލްޑަރުންނަށް ކަމަށްވާއިރު، ޕާސަނަލް ވަންޑްރައިވް ކަސްޓަމަރުން މި އޮޕްޝަންއަށް ޖެހޭނީ އިންތިޒާރުކޮށްލާށެވެ. ނަމަވެސް އޮފްލައިން މޯޑުން ޑެސްކްޓޮޕް ވަންޑްރައިވް ކްލައިންޓުން "ފައިލްސް އޮން-ޑިމާންޑް" ފީޗާ ކޮމްޕްލިމެންޓްކޮށް، ލޯކަލްކޮށް ފައިލްތައް ކޮންޓްރޯލް ކުރެވޭނެއެވެ.
އޮފްލައިން މޯޑް ރޯލްއައުޓަކީ މައިކްރޮސޮފްޓުން އެކި ޕްލެޓްފޯމްތަކުގައި ވަންޑްރައިވްގެ ތަޖުރިބާ ޒަމާނީ ކުރުމަށް ކުރަމުންދާ މަސައްކަތުގެ ދަށުން ކުރިއަށް ގެންދާ ޕްރޮގްރާމެކެވެ.
ރިމޯޓް އަދި ހައިބްރިޑް ވޯކްފޯސް އަކަށް ބަދަލުވަމުންދާއިރު، އިތުބާރު ހިފޭ އޮފްލައިން ކްލައުޑް ފައިލް އެކްސެސް ގާއިމުކުރުމަކީ ވަންޑްރައިވް ފަދަ އުފެއްދުންތެރިކަމުގެ ޕްލެޓްފޯމްތަކަށް ވަރަށް މުހިންމު ގާބިލުކަމަކަށް ވާނެއެވެ.
އާ އޮފްލައިން މޯޑްގެ ސަބަބުން ކްލައުޑް ސްޓޯރޭޖް ސްޕޭސްގައި ގޫގުލް، ޑްރޮޕްބޮކްސް އަދި އެހެނިހެން ވެސް މިފަދަ ކްލައުޑް ޚިދުމަތްތައް ފޯރުކޮށްދޭ ބޮޑެތި ކުންފުނިތަކުގެ ހުށަހެޅުންތަކާ އެކު މައިކްރޮސޮފްޓަށް ވާދަވެރިކަން ދެމެހެއްޓުމަށް މަގުފަހިވެގެން ވެސް ދާނެއެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.