އެޕަލް އިން ދެ ހަފުތާއެއްހާ ދުވަހުގެ ތެރޭގައި އެކުންފުނީގެ އަހަރީ ކޮންފަރެންސް ޑަބްލިއުޑަބްލިއުޑީސީ ބޭއްވުމަށް ތައްޔާރުވަމުން އަންނައިރު، އެ ކޮންފަރެންސްގައި އައިއޯއެސް 18 ދައްކާލާނެ ކަމަށް ޓްކްރިޕޯޓްތައް ބުނެއެވެ.
އައިއޯއެސް 18 އާއި ބެހޭގޮތުން ލީކްވެފައިވާ އެންމެ ފަހުގެ ވާހަކަތަކުން ދައްކާ ގޮތުގައި އެ އޮޕަރޭޓިން ސިސްޓަމަށް އިތުރުކުރެވޭ އޭއައި ޓެކްނޮލެޖީގެ ޤާބިލްކަމުގެ ސަބަބުން ސިރީއަށް އޭގެ މަސައްކަތްތެރިކަން ވަރަށް ބޮޑަށް އިތުރުވެގެންދާނެއެވެ.
އެޕަލްއިން ނެރޭ އައިއޯއެސް 18 ގައި އަޕްގްރޭޑް ކުރެވިފައިވާ އޭއައި ޕަވާޑް ސިރީ އިން އައިފޯން ބޭނުންކުރާ މީހުންނަށް އެމީހުންގެ އަޑުން ވަކި އެޕް ފީޗާތަކެއް ކޮންޓްރޯލް ކުރެވޭނެ ކަމަށް ޓެކް ރިޕޯޓްތައް ބުނެއެވެ. އެކަމަކު އެންމެ ފުރަތަމަ މި ފީޗާ ލިބޭނީ އެޕަލްގެ އިން ހައުސް އެޕްލިކޭޝަންތަކަށް އެކަނި ކަމަށާއި ވޮއިސް އެސިސްޓެންޓުން އެއްފަހަރާ ޖަވާބު ދޭނީ އެންމެ ކޮމާންޑަކަށް ކަމަށް ވެއެވެ. ނަމަވެސް އެޕަލް އިން މަސައްކަތް ކުރަމުން ދަނީ އެއްފަހަރާ ގިނަ ކޮމާންޑްތަކަށް އެއްބާރުލުން ދިނުމަށެވެ.
މި ފީޗާ މަސައްކަތް ކުރާނެ ގޮތުގެ މިސާލެއްގެ ގޮތުން، އެޕަލްގެ މިފަދަ ލީކްތައް ގެނެސްދޭ ގުރްމަން ބުނި ގޮތުގައި ސިރީ މެދުވެރިކޮށް ފޮޓޯއެއް ނަގައި އެފޮޓޯ ކޮންޓެކްޓަކަށް ފޮނުވޭނެއެވެ.
ސިރީއަށް ކުރެވޭނެ އެހެން މަސައްކަތްތަކުގެ ތެރޭގައި ލިޔުންތައް ހުޅުވުމާއި ފޯލްޑަރުތަކުގެ މެދުގައި ނޯޓްތައް ބަދަލުކުރުމާއި އީމެއިލް ފޮނުވުން ނުވަތަ ޑިލީޓް ކުރުމާއި ބްރައުޒާއެއްގައި ވެބްސައިޓްތައް ހުޅުވުމާއި އެޕަލް ނިއުސްގައި ވަކި ޕަބްލިކޭޝަންތައް ދެއްކުމާއި ލިންކްތަކާއި މަލްޓިމީޑިއާ ފައިލްތައް ކޮންޓެކްޓުންނަށް ފޮނުވުން ހިމެނެއެވެ.
އޭއައި ޕްރޮސެސިންގެ ބޮޑު ބައެއް އޮން-ޑިވައިސްގައި ހިނގާނެ ކަމަށް ބެލެވޭއިރު، އެޕަލް އިން އެންމެ ފަހުން ބައެއް ފީޗާތައް ކްލައުޑަށް އޮފްލޯޑްކޮށް، ޖެނެރޭޓިވް އޭއައިގެ ބޮޑެތި ކޮމްޕިއުޓިން ޑިމާންޑްތައް ރަނގަޅަށް ބެލެހެއްޓުމުގެ ފުރުސަތު އޮންނާނެ ކަމަށާއި އެއީ ފޯނުގެ ހާޑްވެއާގެ ކެޕޭސިޓީއަށް ވުރެ އިތުރުވެދާނެ ކަމެއް ކަމަށް ވަނީ ބުނެފައެވެ.
އާ އޭއައި ފީޗާތައް އެނަބަލް ކުރުމަށް އެޕަލް އިންޖިނިއަރުންނަށް ސިރީގެ ކޯޑްބޭސްގެ ބައެއް ބައިތައް ބޮޑެތި ލެންގުއޭޖް މޮޑެލްތައް ބޭނުންކޮށްގެން އަލުން ލިޔަން ޖެހުނު ކަމަށް ރިޕޯޓްތައް ބުނެއެވެ.
އެޕަލް އިން ކުރިއަށް އޮތް ތަނުގައި އެ ކުންފުނީގެ ޓެކްނޮލޮޖީ އައިފޯނުތަކަށް އިންޓަގްރޭޓް ކުރުމަށް އޯޕަންއޭއައިއާ ވާހަކަ ދައްކަމުން އަންނަ އިރު، ކުރިއަށް އޮތް ސިރީ ފީޗާތައް އުފައްދާނީ އެޕަލްގެ އަމިއްލަ އެލްއެލްއެމް ނަމަކަށް ކިޔާ އަޔެކްސް އިންނެވެ.
އެޕަލް އިން އަންނަނީ އަލުން ތައާރަފްކުރި ސިރީގެ އިތުރުން ވޮއިސް މެމޯ ޓްރާންސްކްރިޕްޝަން، މެސެޖްތަކާއި އީމެއިލްތަކަށް އޮޓޮމެޓިކް ރިޕްލައި، އެޑްވާންސް ފޮޓޯ އެޑިޓިން އަދި ވެބްސައިޓްގެ ކޮންޓެންޓް ކުރުކުރުމުގެ ގާބިލުކަން ފަދަ އެހެން އޭއައި ފީޗާތައް ވެސް އިތުރު ކުރަމުންނެވެ.
މި އަޕްޑޭޓް 2025 ވަނަ އަހަރު ނެރޭނެ ކަމަށް ބެލެވިފައިވީ ނަމަވެސް އޭއައިގެ ހުރިހާ ފީޗާއެއް ލޯންޗުކުރުމުން ނުލިބުމަކީ އެކަށީގެންވާ ކަމެކެވެ. އަދި ކުރިއަށް އޮތްތަނުގައި އޭއައި ޕަވާޑް ސިރީ ފަންކްޝަނަލިޓީ ތާޑް ޕާޓީ އެޕްލިކޭޝަންތަކަށް ފުޅާކުރާނެ ކަމެއް ވެސް ނޭނގެއެވެ.
ބިނާކުރަނިވި ޚިޔާލުތަކާއެކު ލިޔުންތެރިކަމަށް އުފަލާއެކު މަރުޙަބާ ކިޔަމެވެ.
ޓެކްނޮލޮޖީ ހަބަރާއި ލިޔުން ހޮޅުއަށިތަކަށް.
ލޯތްބާއެކު ދިވެހިން އުފައްދާފައިވާ އުފެއްދުމެއް.