ސްޕޭސްއެކްސް ޕޮލާރިސް ޑޯން ފަށައި، ބިލިއަނަރެއް ޖައްވަށް!

2024 ވަނަ އަހަރުގެ ސެޕްޓެމްބަރ 10 ވަނަ ދުވަހު ސްޕޭސްއެކްސް ގެ ޕޮލާރިސް މިޝަން ވަނީ ލޯންޗުކޮއްފައެވެ.މިއީ ނާސާގެ އެޕޯލޯ ދަތުރުތަށް ފިޔަވާ ދެން ދުނިޔެއާއި އެންމެ ދުރަށް ކުރެވޭ ދަތުރެވެ. އަދި ފަޅުވެރިންނާއިކު ކުރެވޭ އެންމެ ފުރަތަމަ ކޮމާޝަލް ސޮޕޭސްވޯރކް ދަތުރެވެ. އެގޮތުން މި ދަތުރުގެ ފަޅުވެރިންގެ ގޮތުގައި ތިބީ ހަތަރު ނަން-ޕްރޮފެޝަނަލް އެސްޓްރޮނޯޓުންނެވެ.

ކްރޫ އަދި ދަތުރު ފެށުމުގެ ތަފްސީލު

މި މިޝަންގައި ބައިވެރިވެފައިވަނީ ބިލިއަނަރު ޖެރެޑް އައިޒެކްމޭން، ސްޕޭސްއެކްސްގެ އިންޖިނިއަރުން ކަމުގައިވާ އަނާ މެނޮން އާއި ސާރާ ގިލިސް، އަދި ޔޫ.އެސް އެއަރ ފޯސްގެ ކުރީގެ ޕައިލެޓެއް ކަމުގައިވާ ސްކޮޓް ޕޮޓީޓްއެވެ. "ފެލްކަން 9" ރޮކެޓް ނާސާގެ ކެނެޑީ ސްޕޭސް ސެންޓަރުން ކްރޫ ޑްރެގަން ކެޕްސުލްއާއިއެކު ފަތިހު 5:23 ދަތުރު ފަށާ، މިހާރު ވަނީ ބިމުން 870 މޭލުގެ އުސްމިނަށް ދަތުރުކޮށްފައެވެ. މިއީ އެޕޮލޯ މިޝަންތަށް ނުލާ މިހާތަނަށް އެންމެ ދުރަށް ދަތުރުކުރެވުނު ހިސާބެވެ.

ސްޕޭސް ވޯރކް

2024 ވަނަ އަހަރުގެ ސެޕްޓެމްބަރ 12 ވަނަ ދުވަހު، ޕޮލާރިސް ޑޯން އިން ފުރަތަމަ ކޮމާޝަލްް ސްޕޭސް ވޯރކް ކުރެވުނެވެ. ޖަރެޑް އައިޒެކްމޭން އާއި ސާރާ ގިލިސް ވަނީ ހެނދުނު 7 ޖެހިއިރު ކެޕްސުލްއިން ބޭރަށް ނުކުމެ، އޮސްޓްރޭލިއާ، ނިއުޒީލެންޑް އަދި ޕެސިފިކް ކަނޑުގެ މަތިން އުޅަނދު ދުއްވަމުންދިޔައިރު، ކޮންމެ މީހަކު 10 މިނިޓު ބޭރުގައި ހޭދަކޮށްފަވެއެވެ. މި ސްޕޭސް ވޯރކްގެ ސަބަބުން ސްޕޭސްއެކްސްގެ އައު އެސްޓްރޮނޯޓު ސޫޓް ޓެސްޓުކުރެވުނެވެ. މި ހެދުން ފަރުމާކުރެވިފައިވަނީ ކުދި މީޓްރޮއިޑްގެ އަސަރާއި ސްޕޭސްގެ ރޭޑިއޭޝަންގައި ވެސް ދެމިހުރެވޭ ގޮތަށެވެ.

މިޝަންގެ މަޤްޞަދުތައް

މި ފަސް ދުވަހުގެ މިޝަންގެ މަޤްޞަދަކީ އައު ޓެކްނޮލޮޖީތައް ޓެސްޓުކުރުމާއި ސައިންޓިފިކް އެކްސްޕެރިމެންޓުތައް ކުރުމެވެ. އެގޮތުން ކްރޫ މެންބަރުން ގާތްގަނޑަކަށް 40 އެކްސްޕެރިމެންޓުތައް ކުރާނެއެވެ. މީގެ ތެރޭގައި އިންސާނާގެ ހަށިގަނޑަށް ޖައްވުން ބޭރުގެ ރޭޑިއޭޝަންއިން ކުރާ އަސަރު ދިރާސާކުރުން ހިމެނެއެވެ. މި ދިރާސާއަކީ މުސްތަޤުބަލުގައި މާރސް އަށް ކުރާ ދަތުރުތައް ރޭވުމަށް ވަރަށް މުހިންމު ދިރާސާއެކެވެ.

ކުރިއަށް އޮތް ތަނުގައި

ޕޮލާރިސް ޑޯން އަކީ ރޭވިފައިވާ ތިން މިޝަނުގެ ތެރެއިން ފުރަތަމަ މިޝަނެވެ. ކުރިއަށް އޮތް ޕޮލާރިސް ދަތުރުތަކުގައި ހަބްލް ސްޕޭސް ޓެލެސްކޯޕަށް ޒިޔާރަތްކުރުމާއި ސްޕޭސްއެކްސްގެ ސްޓާޝިޕްގައި ކުރާ މިޝަންތައް ހިމެނިދާނެއެވެ. 1.9 ބިލިއަން ޑޮލަރުގެ ސާފު މުދަލެއް އޮންނަ ޖާރެޑް އައިޒެކްމޭން 2021 ގައި ކުރި އިންސްޕިރޭޝަން 4 މިޝަން ވަނީ ލީޑް ކޮށްފަވެއެވެ. މިއީ އޭނާ ޖައްވަށް ކުރާ ދެވަނަ ދަތުރެވެ.

ނާސާގެ އެޑްމިނިސްޓްރޭޓަރ ބިލް ނެލްސަން މި މިޝަން ސިފަކުރެއްވީ ބައިނަލްއަޤްވާމީ ވިޔަފާރިކުރުމުގައި ފާހަގަކޮށްލެވޭ ކުރިއެރުމެއްގެ ގޮތުގައެވެ. އަދި މިއީ އެމެރިކާގެ ސްޕޭސް އިކޮނޮމީއެއްގެ ލަނޑުދަނޑި އިތުރަށް ކުރިއަރުވައިދޭ ކަމެއްކަމުގައި ވިދާޅުވިއެވެ.